Ejekel 7:15 - Maktub gə́ To gə Kəmee

¹⁵ Kiambas to raga ləm, yoo-koso gə ɓoo-boo to mee ɓee’g ləm tɔ! Deḛ gə́ d’aar mee ndɔ’g ndá d’a kwəi yoo-kiambas ləm, deḛ gə́ d’aar mee ɓee-boo’g ndá d’a kwəi yoo-ɓoo-boo gə yoo-koso ləm tɔ.

Ejekel 7:15 ပူးပေါင်းရင်းမြစ်များ

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Nɔ̰-ndôo gə́ wɔji dɔ Jerusalem 1:20

Njesigənea̰, maji kari oo kəm loo to ndòo’g! Ŋgan siḭm mbirim mba̰-mba̰ ləm, Ɓə̰gərəm kara tuji pugudu məəm’g ləm tɔ Mbata tɔgərɔ kalta ndá m’al ya. Loo gə́ raga lé kiambas tuji ləm, Loo gə́ kəi lé yoo ɓa ula ŋgirá keneŋ ləm tɔ.

Nɔ̰-ndôo gə́ wɔji dɔ Jerusalem 4:9

Deḛ gə́ d’wəi yoo-kiambas lé ndá Meḛ ti mbidi aree maji yaa̰ Unda dee-deḛ gə́ d’wəi yoo-ɓoo ɓa Guru ne naŋg lal kiŋga nésɔ dee.

Ejekel 12:16

Nɛ n’a kya̰ dəwje gə́ na̰je mbuna dee’g kar dee taa rɔ dee ta kiambas’g ləm, gə ta ɓoo-boo’g ləma, gə ta yoo-koso’g ləm tɔ mba kar dee d’ɔr sor néra deeje lai gə́ mina̰ lé mbuna ginkoji dəwje gə raŋg gə́ d’a gə kaw keneŋ lé. Yee ɓa d’a gər ne to gə́ neḛ n’to Njesigənea̰ ya.

Ejekel 5:12

Dəwje lai gə́ kudu munda lé kudu deḛ gə́ kára d’a kwəi yoo-koso ləm, ɓoo-boo a kula kəm dee ndòo mbuna sí’g ləm tɔ, deḛ gə́ kudu kára d’a kwəi yoo-kiambas gugu gir sí sub, tɔɓəi deḛ gə́ kudu kára lé n’a sané dee dan lel’g ndá n’a kɔr kiambas kore ne goo dee tɔ.

Ejekel 6:11

Mbaidɔmbaije gə́ Njesigənea̰ pa togə́bè pana: Jəŋ jii ləm, tuba gɔli naŋg ləm tɔ ndá pa pana: Ai-i mbata néje gə́ mina̰ lai gə́ to némeeyèrje lə gel-bɔje lə Israɛl gə́ d’a gə kwəi ne yoo-kiambas ləm, gə yoo-ɓoo-boo ləma, gə yoo-koso ləm tɔ.

Ejekel 6:12

Yeḛ gə́ si əw ndá a kwəi yoo-koso ləm, yeḛ gə́ si dəb ndá a kwəi yoo-kiambas ləma, yeḛ gə́ nai ɓa d’a kaḭ dəa sub gə rɔ ndá yeḛ a kwəi yoo-ɓoo-boo ləm tɔ. N’a kɔm boo-oŋg lə neḛ dɔ dee’g karee as lée’g béréré ya.