Ejekel 7:14 - Maktub gə́ To gə Kəmee

¹⁴ D’im to̰to̰, d’isi pèrèrè nɛ dəw kára kara aw rɔ el, mbata boo-oŋg lə neḛ nduba dɔ bula’g lə dee gə́ digi-digi neelé lai ya.

Ejekel 7:14 ပူးပေါင်းရင်းမြစ်များ

Jeremi 12:12

Mee looje lai gə́ ndəw Gə́ to dɔdilaloo’g lé Njétujilooje ree keneŋ, Mbata kiambas lə Njesigənea̰ Tuji ɓee bura ya̰ gesee el, Dəw kára kara iŋga meelɔm el.

Jeremi 4:5

Ilaje mbər mee ɓee gə́ Juda ləm, Ulaje njé gə́ Jerusalem ləm tɔ pajena: Mbo̰je dɔ na̰ ar sí j’awje Mee ɓee-booje gə́ siŋga dee to!

Jeremi 51:27

Undaje nétɔji tar mee ɓee’g! Imje to̰to̰ mbuna ginkoji dəwje gə raŋg’g! Gɔlje ginkoji dəwje gə raŋg Gə mba rɔ ne səa ləm, Ɓarje ɓeeko̰je gə́ Ararat, Gə Mini, gə Askenaj dəa’g ləm tɔ! Ɓarje mbaije gə́ dəa’g mba rɔ ne səa! Arje kundaje d’aw gə́ rəa’g Dèm-dèm to gə́ beedéje bèe.

Jeremi 6:1

Seḭ Bḛjamije, undaje loo teḛje Mee ɓee gə́ Jerusalem. Imje to̰to̰ mee ɓee gə́ Tekoa ləm, Waje nékwɔji loo-rɔ tar mee ɓee Gə́ Bet-Hakerem ləm tɔ, Mbata némeeko̰ ḭ dɔgel si ree To nétuji gə́ boo.

Jeremi 6:11

Oŋg-boo lə Njesigənea̰ Rusu məəm njḭ-njḭ. M’askəm kwa ŋgaŋgee el, Maji kari ɓugu oŋg neelé dɔ ŋganje’d Gə́ d’aw mba̰-rəw’g ləm, Gə dɔ basaje gə́ mbo̰ dɔ na̰ ləm tɔ. Mbata oŋg neelé a kwa diŋgamje Gə denéje ləm, Dɔ ɓugaje gə dɔ dee Gə́ ləb dee bula ləm tɔ.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Nɔ̰-ndôo gə́ wɔji dɔ Jerusalem 2:3

Dan boo-oŋg’g ləa lé Yeḛ təd siŋgamoŋ lə Israɛlje kərm-kərm, Yeḛ ɔr jikɔlee rɔ dee’g Loo gə́ njéba̰je lə dee ree rɔ sə dee lé, Yeḛ ila pər mbuna Jakobje’g Ar ndəa̰ o̰ bilim-bilim ləm, Aree roo looje gə́ gugu dɔ dee sub dula-dula ləm tɔ.

Nɔ̰-ndôo gə́ wɔji dɔ Jerusalem 2:4

Yeḛ wa ɓandaŋg ləa to gə́ njeba̰ bèe Ar jikɔlee ɔr léréré wɔji ne dɔ né ɗig To gə́ njeban ləa bèe tɔ, Yeḛ tuji néje lai gə́ mbərḛ mbə̰ kəm dəwje’g ləm, Yeḛ ɓugu oŋg ləa dɔ kəi-kubu’g Le ŋgoma̰də gə́ Sio̰ to gə́ pər bèe ləm tɔ.

Bula lə Israɛlje 10:9

Loo gə́ mee ɓee’g lə sí lé seḭ a gə kawje mba rɔ gə njéba̰je lə sí gə́ d’a gə dum sí ndá seḭ a kimje to̰to̰je kar dee ɓar ŋgaw ɓa mee Njesigənea̰, Ala lə sí a kolé ne dɔ sí’g ləm, yeḛ a kɔr sí ne ji njéba̰je’g lə sí ləm tɔ.