Ejekel 7:11 - Maktub gə́ To gə Kəmee

¹¹ Néra kərm-kərm ḭta mba to ne ndəi meeyèr. Dəw kára kara mbuna koso-dəwje’g lə dee gə́ bula digi-digi gə́ d’aw dɔ na̰’d pum-pum lé a nai el! D’a no̰ sii mbigi-mbigi dɔ dee’g el!

Ejekel 7:11 ပူးပေါင်းရင်းမြစ်များ

Pakɔsje 125:3

Mbata kag-mbai gə́ ka̰ meeyèr lé A ko̰ɓee dɔ njémeekarabasurje’g el Gə mba kar njémeekarabasurje lé D’ula ji dee par gə́ néra gə́ kori-kori’g lé el.

Pakɔsje 73:8

Deḛ dəji ndu mar deeje ləm, Gosɔyèr gə́ d’a ra gə mba kula ne kəm mar deeje ndòo lé to gə́ tapa dee ləma, Deḛ d’ɔr sor d’əs ne ta yaa̰ ləm tɔ.

Pakɔsje 78:64

Njékinjanéməsje ləa lé d’wəi yoo-kiambas ləm, Njékəisiŋgaje ləa lé deḛ no̰ dee el ləm tɔ.

Esai 14:29

I ɓee lə Pilistije lé Kag-tɔs gə́ kundai ne gə́ təd lé Maji kari ra rɔlel gə mbəa el! Mbata ginka li lé ɓa Li-ŋgɔrŋgɔnd a kḭ keneŋ Ndá da-kɔb gə́ nar bag lé a kḭ ginee ya tɔ.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Esai 9:4

Mbata markob-rɔje lai gə́ d’aw ne loo-rɔ’g ləm, Gə kubu-rɔje lai gə́ rogo dan məs’g ləm tɔ lé D’a kɔm dee pər’d Kar dee roo dula-dula ya.

Jeremi 22:18

Gelee gə́ nee ɓa Njesigənea̰ pa ne ta togə́bè wɔji ne dɔ Jojakim, ŋgolə Jojias, mbai gə́ Juda pana: D’a nea̰ pana: Wai, ŋgokɔm gə́ diŋgam! Wai, ŋgokɔm gə́ dené! bèe el ləm, Esé d’a nea̰ togə́bè pana: Wai, mbai ləm! Wai, njemajidum ləm bèe el ləm tɔ.

Jeremi 25:33

Deḛ gə́ Njesigənea̰ a tɔl dee mee ndəa’g neelé d’a to naŋg rib-rib un kudee dəb naŋg gə́ kel kára’g saar teḛ ne debee gə́ kel gə́ raŋg’d. D’a no̰ dee el ləm, d’a kodo yoo dee el ləma, d’a dubu dee el ləm tɔ. D’a to asəna gə siḭ néje gə́ dɔ naŋg’d bèe.

Jeremi 6:7

To gə́ bwa-mán gə́ mán Uba tir-tir keneŋ lé Togə́bè ɓa némeeyèrje ləa kara D’ɔs dɔ na̰ neg-neg keneŋ tɔ. Baŋga néra gə́ kərm-kərm ləm, Gə tuji loo ləm tɔ ɓa ɓar keneŋ, Né gə́ to gə́ tor doo bèe Ɓa m’oo gə kəm ta-ta.

Jeremi 7:34

Mee ɓee-booje gə́ Juda gə mba̰-rəwje gə́ Jerusalem lé m’a kar ndu rɔlel gə ndu kalrɔ, gə pakɔs lə njedené-sigi gə pakɔs lə njeŋgao-sigi d’a godo keneŋ, mbata ɓee a tel to dɔ nduba ya.

Ejekel 45:9

Mbaidɔmbaije gə́ Njesigənea̰ pa togə́bè pana: As ŋga, seḭ mbaije gə́ njéɓeeje gə́ Israɛl! Ǝwje rɔ sí néra gə́ kərm-kərm ləm, gə taa né gə ɓogo ləm tɔ, raje né gə́ danasur gə né gə́ gə dɔ najee ləm, əwje rɔ sí taa néje lə koso-dəwje lə neḛ dɔ buguru’g ləm tɔ, Mbaidɔmbaije gə́ Njesigənea̰ ɓa pa bèe.

Ejekel 5:11

Gelee gə́ nee ɓa Mbaidɔmbaije gə́ Njesigənea̰ un ne ndia njaŋg pana: Neḛ lé n’to Njesikəmba! To gə́ seḭ arje magəje lə sí lai gə néje lə sí lai gə́ mina̰ d’ar loo lə neḛ gə́ to gə kəmee lé mina̰ ndá neḛ kara n’a kun kəm neḛ dɔ sí’g ləm, kəm neḛ a kas ŋgɔgərɔ dɔ sí’g ləm tɔ ɓó n’a koo kəmtondoo lə sí nda̰ el.

Ejekel 5:4

Tɔɓəi yiŋga neelé m’a dḭ təa lam gə mba kɔm dan pər’d mba roo. Pər a kḭ keneŋ mba roo gel-bɔje lə Israɛl lai ya.

Ejekel 6:11

Mbaidɔmbaije gə́ Njesigənea̰ pa togə́bè pana: Jəŋ jii ləm, tuba gɔli naŋg ləm tɔ ndá pa pana: Ai-i mbata néje gə́ mina̰ lai gə́ to némeeyèrje lə gel-bɔje lə Israɛl gə́ d’a gə kwəi ne yoo-kiambas ləm, gə yoo-ɓoo-boo ləma, gə yoo-koso ləm tɔ.

Ejekel 7:16

Njékaḭ taa ne rɔ deeje, deḛ d’isi dɔ mbalje’g asəna gə dərndaje gə́ d’isi kəm wəl-looje’g bèe. Deḛ lai no̰ tuma̰ ŋgururu-ŋgururu, ar nana kara no̰ mbata néra kori-kori ləa-ləa.

Ejekel 7:2

I ŋgon-dəw lé ta gə́ Mbaidɔmbaije gə́ Njesigənea̰ pa wɔji ne dɔ dəwje gə́ Israɛl lé ɓa nee: Aa ooje, rudee un ɗiao ŋga! Rudee si ree dɔ kum naŋg gə́ sɔ’g lé ŋga!

Ejekel 7:23

Wa dɔ kúla larje! Mbata kila məs taa mee ɓee pəl-pəl ləm, Néra kərm-kərm rusu mee ɓee-boo tub-tub ləm tɔ.

Ejekel 8:17

Yeḛ dəjim pana: Ma ŋgon-dəw lé see ma m’oo ya wa. Kar gel-bɔje lə Juda ra néje gə́ mina̰ togə́bè loo gə́ nee’g lé see to né gə́ lam ba wa. See kəm kar dee ra néje gə́ kərm-kərm d’aree taa mee ɓee pəl-pəl ləm, kar dee d’əw rɔ dee kar mee neḛ ḭ ne sə neḛ jugugu ləm tɔ el ya ɓəi wa. Aa oo, d’isi rəm gə barkəm kag lé gə́ əm dee’g.

Amɔs 3:10

Njesigənea̰ ɓa pa togə́bè pana: Deḛ gər loo ra né gə́ danasur el ləm, Deḛ taa néje lə mar deeje gə siŋgamoŋ lə dee dɔ buguru’g Daa ne néje neelé mee kəi-mbaije’g lə dee ləm tɔ.

Amɔs 6:3

Seḭ ə̰jije meḛ sí’g Mba kɔs ndɔ némeeko̰ neelé Karee nai gə kuree ɓəi ləm, Seḭ arje néra gə́ kərm-kərm taa sí loo ləm tɔ.

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Misee 3:3

Deḛ d’usɔ dakasrɔ koso-dəwje ləm ləm, Deḛ tusu ndar dee ləm, Deḛ təd siŋga dee ləma, Deḛ gaŋg dee dana ɗuguru-ɗuguru To gə́ naḭ gə́ ndiri mee ŋgoro’g bèe ləm To gə́ da gə́ d’ɔb gə əb bèe ləm tɔ.

Misee 6:12

Baoje gə́ mee ɓee’g neelé néra gə́ kərm-kərm ɓa taa rɔ dee pəl-pəl ləm, Dəw-mee-ɓeeje lé taŋgɔm ɓa oji na̰ ta dee’g ləma, Ndo̰ dee teḛ gə ta sukəmloo ləm tɔ.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.