N’a kula ji neḛ ndiŋ gə́ dɔ dee’g ndá n’a kar ɓee to kari ba péd-péd ləm, a tel to dɔ nduba unda dɔdilaloo gə́ Dibla ləm tɔ. Looje gə́ rara gə́ deḛ d’isi keneŋ lé a to bèe ya. Yee ɓa d’a gər ne to gə́ neḛ n’to Njesigənea̰ ya.
I ŋgon-dəw lé ta gə́ Mbaidɔmbaije gə́ Njesigənea̰ pa wɔji ne dɔ dəwje gə́ Israɛl lé ɓa nee: Aa ooje, rudee un ɗiao ŋga! Rudee si ree dɔ kum naŋg gə́ sɔ’g lé ŋga!
Siŋga dee as kudu loo-kil-lə-ndi kar ndi ər el ndəa gə́ d’ɔr ne goo ta lé saar ləm, mba kar manje tel məs ləma, gə kunda naŋg nee kar rɔko̰je gə́ gə ria-ria oso dɔ dəwje’g to gə́ meḛ dee wɔji lé ləm tɔ.
