Ejekel 6:9 - Maktub gə́ To gə Kəmee

⁹ Njé’g lə sí gə́ taa rɔ dee lé meḛ dee a kolé dɔ neḛ’g mbuna ginkoji dəwje gə raŋg’d gə́ d’a kaw sə dee gə́ ɓərje mbuna dee’g lé mbata n’a tɔ meekədərə lə dee gə́ d’uba ne neḛ d’ya̰ ne neḛ lé ləm, gə kəm dee gə́ ndolè ne goo magəje lə dee ləm tɔ, deḛ ya d’a kḛji rɔ dee bəḭ-bəḭ mbata lə néraje gə́ mina̰ gə́ deḛ ra ləm, mbata néra ramje lə deḛ lai ləm tɔ.

Ejekel 6:9 ပူးပေါင်းရင်းမြစ်များ

2 Mbaije 16:10

Akas, mbai lé aw Damas aw iŋga Tiglat-Pileser, mbai gə́ Asiri. Loo gə́ yeḛ oo loo-nékinjaməs gə́ to Damas ndá mbai Akas ula gə taree ar Uri, njekinjanéməs oo wɔjee ne loo-nékinjaməs lé ləm, gə loo rəa gə́ gəd ləm tɔ.

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Pakɔsje 137:1

Dɔ koŋgo baaje gə́ Babilɔn lé J’isi no̰je keneŋ ndá J’ar meḛ sí olé dɔ Sio̰’g ya.

Pakɔsje 78:40

Gɔl bula ndá deḛ d’ḭ d’oma̰ səa dɔdilaloo’g ləm, Gɔl bula ndá d’ar oŋg ḭ səa dɔ dee’g Mee looje gə́ tudu kurum-kurum’g ləm tɔ.

Esai 43:24

Seḭ ndogoje né gə́ ə̰də sululu gə lar amje el ləm, Ubu nékinjanéməsje lə sí lé seḭ amje m’nda̰ ndanee el ləm tɔ, Nɛ seḭ nja jɔgmje gə kaiya ra síje ləm, Seḭ amje m’dao dao-dao gə mbata néra kori-korije lə sí ləm tɔ.

Esai 63:10

Nɛ deḛ to njékɔsta-rəwje ləm, Deḛ d’ula kəm ndilee gə́ to gə kəmee ndòo ləm tɔ. Yeḛ tel to ne njeba̰ lə dee ləm, Yeḛ rɔ ne sə dee ləm tɔ.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Esai 7:13

Esai tel ulá tɔɓəi pana: Seḭ ŋgaka Dabid lé urje mbi sí! See naa gə́ seḭ naaje meekila lə dəwje lé to né gə́ lam ba ɓa seḭ naaje meekila lə Ala tɔɓəi wa.

Jeremi 3:13

Maji kar sí tegje gin néra gə́ kori-korije lə sí ləm, Maji kar sí tegje gin majikoji el lə sí No̰ Njesigənea̰, Ala’g lə sí ləm, Gə kaw gə́ seḭ awje yo gə́ nee no̰ magəje gə́ dɔ ɓee’g gel kagje lai gə́ to təb ləma, Gə mbad gə́ seḭ mbad kooje Ne ta ləm saar lé ləm tɔ. Njesigənea̰ ɓa pa bèe.

Jeremi 3:6

Njesigənea̰ ulam ta mee ndəa gə́ Jojias to ne mbai lé pana: See i oo né gə́ Israɛlje gə́ to majikojije el lé ra wa. Deḛ d’aw dɔ mbalje gə́ ndəw’g ləm, gə gel kagje lai gə́ to təb ləm tɔ ndá lée neelé deḛ ra né asəna gə néra kaiya-dené bèe keneŋ.

Jeremi 51:50

Seḭ gə́ teḛje ta yoo-kiambas’g lé Awje ɓó ɔsje gɔl sí naŋg gèŋ el! Loo gə́ seḭ síje dɔ naŋg gə́ əw lé Arje meḛ sí olé dɔ Njesigənea̰’g ləm, Arje meḛ sí to dɔ Jerusalem’g bururu ləm tɔ.

Ejekel 12:16

Nɛ n’a kya̰ dəwje gə́ na̰je mbuna dee’g kar dee taa rɔ dee ta kiambas’g ləm, gə ta ɓoo-boo’g ləma, gə ta yoo-koso’g ləm tɔ mba kar dee d’ɔr sor néra deeje lai gə́ mina̰ lé mbuna ginkoji dəwje gə raŋg gə́ d’a gə kaw keneŋ lé. Yee ɓa d’a gər ne to gə́ neḛ n’to Njesigənea̰ ya.

Ejekel 16:43

Mbaidɔmbaije gə́ Njesigənea̰ pa pana: Mbata i ar məəi olé dɔ ndɔje gə́ i nai ne ŋgon lé el ləm, mbata i ndo̰ ta neḛ gə néje neelé lai ləm tɔ ndá aa oo, n’a kar bo̰ panjaai ɔs tai’g, bèe ɓa i a ra kaiya korè ne dɔ néraije gə́ mina̰ lé el ŋga.

Ejekel 16:61

Məəi a kolé dɔ pa̰jaaje’g ləi ndá rɔi a kul ne loo gə́ i a kiŋga ŋgakɔḭje gə́ dené, deḛ gə́ tɔg-tɔg gə deḛ gə́ gɔ-gɔ, n’a kari dee asəna gə ŋganije gə́ dené nɛ gə goo manrɔ ləi lé ɓa el.

Ejekel 16:63

gə mba kar məəi olé ne dɔ ndɔje gə́ dəs’g ɓó gə kar rɔkul wa ne kəmi ləm, gə mba kari oo loo teḛ tai ja̰ pata el ŋga ləm tɔ gə mba kar kəm sɔḭ wa kəmi loo gə́ n’a kar mee neḛ oso lemsé dɔ néje lai gə́ i ra lé, Mbaidɔmbaije gə́ Njesigənea̰ ɓa pa bèe.

Ejekel 20:24

mbata ndukunje lə neḛ lé deḛ ra née el ləm, deḛ d’ɔs godnduje lə neḛ rəw ləm, deḛ d’ila ndɔl dɔ ndɔ-kwa-rɔje’g lə neḛ ləma, deḛ tel kəm dee gə́ dɔ magə-poleje’g lə bɔ deeje-je ləm tɔ.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 20:43

Lée neelé ɓa meḛ sí a kolé dɔ panjaa’g lə sí ləm, gə dɔ néje lai gə́ seḭ raje arje rɔ sí mina̰ ne ləm tɔ. Seḭ nja kara a kooje rɔ sí gə́ né gə́ to kḛji mbata néje lai gə́ mina̰ gə́ seḭ raje lé.

Ejekel 20:7

Neḛ n’ula dee m’pana: Maji kar nana kara uba goo néje gə́ mina̰ gə́ tel kəmee lé ya̰ ləm, d’ar rɔ dee mina̰ gə mbata magəje gə́ Ejiptə el ləm tɔ. Neḛ n’to Njesigənea̰, Ala lə dee.

Ejekel 23:30

Néje nee a teḛ dɔi’g togə́bè mbata i ra kaiya gə ginkoji dəwje gə raŋg ləm, mbata i ar rɔi mina̰ gə magə-poleje lə dee ləm tɔ.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Ejekel 6:10

D’a gər to gə́ neḛ n’to Njesigənea̰ ləm, d’a gər to gə́ némajelje nee lai gə́ neḛ m’pa taree n’ar dee m’pana: A teḛ dɔ dee’g lé m’pa kari ba el ləm tɔ,

Ejekel 7:16

Njékaḭ taa ne rɔ deeje, deḛ d’isi dɔ mbalje’g asəna gə dərndaje gə́ d’isi kəm wəl-looje’g bèe. Deḛ lai no̰ tuma̰ ŋgururu-ŋgururu, ar nana kara no̰ mbata néra kori-kori ləa-ləa.

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Amɔs 2:13

Aa ooje, n’a mbɔḭ sí naŋg mbajila-mbajila To gə́ pusu gə́ d’odo ne dɔmaḭ-kó lé mbɔḭ ne naŋg bèe.

Misee 5:13

N’a kar magə-Astartéje godo mbuna sí’g ləm, N’a tuji ɓee-booje lə sí ləm tɔ.

Jakari 10:9

N’a sané dee mbuna koso-dəwje’g Ndá loo gə́ d’isi əw lé meḛ dee a kolé dɔ neḛ’g, D’a si kəmba gə ŋgan deeje na̰’d ndá d’a tel ree.

Bula lə Israɛlje 15:39

Loo gə́ kúla kubuje gə́ d’ul ta dee na̰’d to keneŋ ndá seḭ a kooje ləm, meḛ sí a kolé ne dɔ godnduje’g lə Njesigənea̰ mba kar sí raje née ya ləm tɔ, bèe ɓa seḭ a ndolèje ne goo mal néje gə́ wa meḛ sí, əsé mal néje gə́ ooje gə kəm sí el gə mba kar dee ndɔr sí kar sí ubamje ne ya̰’mje to gə́ kédé lé el.

2 Piɛrə 2:14

Mɔdkaiya ula pər meḛ dee’g biriri-biriri, ŋgur kaiya gə́ ra dee lé ɔr meḛ dee’g el, dəwje gə́ gɔl dee wa naŋg el lé deḛ su kəm dee ndɔr dee ne goo dee’g, deḛ to njékwəiyoolarje, deḛ to ŋgan njékilandɔl dɔ loo’gje tɔ.