Ejekel 6:7 - Maktub gə́ To gə Kəmee

⁷ N’a kar yoo-dəwje to naŋg rib-rib dan sí’g ndá seḭ a gərje to gə́ neḛ n’to Njesigənea̰ ya.

Ejekel 6:7 ပူးပေါင်းရင်းမြစ်များ

2 Mbaije 19:19

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Teḛ-Raga 14:18

Bèe ɓa njé gə́ Ejiptə lé loo gə́ Parao̰ gə pusu-rɔje ləa, gə njérɔ gə kundaje ləa lé d’a kar rɔnduba ləm kila rəa kɔd ndá d’a gər gao to gə́ ma lé m’to Njesigənea̰ ya.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 7:5

Loo gə́ m’ula jim ndiŋ dɔ Ejiptə’g ləm, gə m’ar Israɛlje d’unda loo teḛ dan dee’g ləm tɔ ndá Ejiptəje lé d’a gər gao to gə́ ma lé m’to Njesigənea̰ ya.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 25:33

Deḛ gə́ Njesigənea̰ a tɔl dee mee ndəa’g neelé d’a to naŋg rib-rib un kudee dəb naŋg gə́ kel kára’g saar teḛ ne debee gə́ kel gə́ raŋg’d. D’a no̰ dee el ləm, d’a kodo yoo dee el ləma, d’a dubu dee el ləm tɔ. D’a to asəna gə siḭ néje gə́ dɔ naŋg’d bèe.

Nɔ̰-ndôo gə́ wɔji dɔ Jerusalem 4:9

Deḛ gə́ d’wəi yoo-kiambas lé ndá Meḛ ti mbidi aree maji yaa̰ Unda dee-deḛ gə́ d’wəi yoo-ɓoo ɓa Guru ne naŋg lal kiŋga nésɔ dee.

Ejekel 11:10

Seḭ a kwəije yoo-kiambas ləm, n’a gaŋgta dɔ sí’g rəw-nim-ɓee gə́ Israɛl ləm tɔ ndá seḭ a gərje to gə́ neḛ n’to Njesigənea̰ ya.

Ejekel 11:12

Bèe ɓa seḭ a gərje ne to gə́ neḛ n’to Njesigənea̰ gə́ seḭ unje goo ndukunje lə neḛ el ləm, seḭ raje godndu neḛje el ləm tɔ, nɛ seḭ raje né gə goo godndu lə ginkoji dəwje gə raŋg gə́ gugu dɔ sí sub lé.

Ejekel 12:15

Bèe ɓa d’a gər ne to gə́ neḛ n’to Njesigənea̰ loo gə́ n’tuba dee n’ɔm dee mbuna ginkoji dəwje gə raŋg’g ləm, loo gə́ n’sané dee kad-kad gə dɔ ɓeeje ɓəd-ɓəd ləm tɔ.

Ejekel 12:19

Tɔɓəi maji kam m’ula koso-dəwje gə́ mee ɓee’g m’pana: Mbaidɔmbaije gə́ Njesigənea̰ pa togə́bè dɔ deḛ gə́ d’isi Jerusalem dɔ naŋg gə́ Israɛl’g pana: D’a ko̰ muru lə dee gə mée tila ŋgaḭla-ŋgaḭla ləm, d’a kai mán lə dee gə meekaar kərm ləm tɔ, mbata néje lai gə́ to mee ɓee’g lə dee lé d’a kodo mbad-mbad gə mba néra kərm-kərm lə dəwje lai gə́ d’isi keneŋ lé.

Ejekel 13:14

N’a tɔ ndògo-bɔrɔ gə́ seḭ rḛdje bɔrɔ gə́ majel keneŋ ləm, n’a karee unda naŋg rab-rab ləma, gineje gə́ tum kara a to raga ndəgəsə-ndəgəsə ləm tɔ, yee a təd dana guyum ndá seḭ kara a tujije keneŋ pugudu-pugudu tɔ. Yen ɓa seḭ a gərje ne to gə́ neḛ n’to Njesigənea̰ ya.

Ejekel 13:21

Kubu-kila-doje’g lə sí gə́ wɔilɔ lé n’a til ŋgərərə-ŋgərərə ndá n’a taa koso-dəwje lə neḛ ji sí’g kɔm dee tar. D’a tel to gə́ nékwa lə sí gogo el ŋga, bèe ɓa seḭ a gərje ne to gə́ neḛ n’to Njesigənea̰ ya.

Ejekel 13:23

Seḭ a kooje némḭdije gə́ gə mḭdé-mḭdé lé el ŋga ləm, seḭ a paje ta néje gə́ to gə ndəree ɓəi lé el ŋga ləm tɔ, n’a taa koso-dəwje lə neḛ ji sí’g kɔm dee tar. Bèe ɓa seḭ a gərje ne to gə́ neḛ n’to Njesigənea̰ ya.

Ejekel 13:9

N’a rɔ gə njéteggintaje gə ji neḛ, deḛ gə́ némḭdije lə dee to néje gə́ gə mḭdé-mḭdé ba ləm, ginta tegje lə dee to taŋgɔmje ləm tɔ, d’a godo loo-mbo̰-dɔ-na̰’g lə koso-dəwje lə neḛ ləm, d’a ndaŋg ri dee mee maktub’g lə gel-bɔje lə Israɛl el ləma, d’a kandə mee ɓee gə́ Israɛl el ləm tɔ. Yee ɓa seḭ a gərje ne to gə́ neḛ n’to Mbaidɔmbaije gə́ Njesigənea̰ lé.

Ejekel 14:8

N’a tel kəm neḛ gə́ dɔ dəw’g neelé ndá n’a karee to nétɔji ləm, gə nékunda-kogo ləma, n’a karee udu bo̰ mbuna koso-dəwje’g lə neḛ ləm tɔ. Yen ɓa seḭ a gərje ne to gə́ neḛ n’to Njesigənea̰ ya.

Ejekel 15:7

N’a tel gir neḛ kila k’ar dee, deḛ d’unda loo dan pər’d teḛ nɛ pər a roo dee dula-dula. Bèe ɓa seḭ a gərje ne to gə́ neḛ n’to Njesigənea̰ loo gə́ n’a tel gir neḛ kila k’ar dee lé.

Ejekel 20:26

Neḛ n’ar dee mina̰ gə nékarje lə dee loo gə́ deḛ roo ŋgandər deeje lai. Neḛ ndigi kar bo̰ néra dee ɔs ta dee’g togə́bè ləm, neḛ ndigi kar dee gər to gə́ neḛ n’to Njesigənea̰ ləm tɔ.

Ejekel 20:38

N’a kɔr njékɔsta-rəwje gə deḛ gə́ d’ila ŋgonkoji el mbuna sí’g kunda dee ɓəd, n’a kɔr dee mee ɓee gə́ deḛ to gə́ mbáje keneŋ lé ya nɛ d’a kaw mee ɓee gə́ Israɛl el. Bèe ɓa seḭ a gərje ne to gə́ neḛ n’to Njesigənea̰.

Ejekel 20:42

Seḭ a gərje to gə́ neḛ n’to Njesigənea̰ loo gə́ n’a mbo̰ sí mee ɓee’g lə Israɛlje, mee ɓee gə́ neḛ manrɔ neḛ mba kar bɔ síje-je lé.

Ejekel 20:44

Yen ɓa seḭ a gərje ne to gə́ neḛ n’to Njesigənea̰ loo gə́ n’a ra sə sí né gə mba ri neḛ ɓó gə goo panjaa sí gə́ majel əsé néraje lə sí gə́ mina̰ lé el, əi gel-bɔje lə Israɛl. Mbaidɔmbaije gə́ Njesigənea̰ ɓa pa bèe.

Ejekel 22:16

Seḭ nja a kilaje ndɔl dɔ rɔ sí’g kəm ginkoji dəwje gə raŋg’g ndá seḭ a gərje to gə́ neḛ n’to Njesigənea̰ ya.

Ejekel 23:49

D’a kar ta néra kaiya lə sí tel wa dɔ sí ləm, néra kaiya lə magə-poleje lə sí lé seḭ a kubaje pəree ləm tɔ. Bèe ɓa seḭ a gərje ne to gə́ neḛ n’to Mbaidɔmbaije gə́ Njesigənea̰ lé.

Ejekel 24:24

Ejekiel a to gə́ nétɔji mbata lə sí. Seḭ a raje né kaareeje asəna gə kea̰ béréré. Loo gə́ néje nee a teḛ ndá seḭ a gərje to gə́ neḛ n’to Mbaidɔmbaije gə́ Njesigənea̰ ya.

Ejekel 24:27

Mee ndəa’g neelé tam a teḛ kam m’pata gə dəw neelé ndá m’a pata ɓó m’a si mundu el ŋga. M’a to nétɔji mbata lə dee ndá deḛ d’a gər to gə́ neḛ n’to Njesigənea̰ ya.

Ejekel 25:17

N’a dal ba̰je gə́ to ɓəl dɔ dee’g kar bo̰ néra dee ɔs ta dee’g gə goo boo-oŋg. Loo gə́ n’a dal ba̰ lə neḛ dɔ dee’g ndá d’a gər to gə́ neḛ n’to Njesigənea̰ ya.

Ejekel 26:6

D’a tɔl ŋganeeje gə́ dené gə kiambas dɔ naŋg’d ləa. Bèe ɓa d’a gər ne to gə́ neḛ n’to Njesigənea̰ ya.

Ejekel 28:23

N’a kula gə yoo-koso mee ɓee’g ləm, n’a kar məs ula naŋg mba̰-rəwje’g ləa ləm tɔ, d’a kḭ gə looje ɓəd-ɓəd ree gə kiambas tɔl dee ne kɔm dee naŋg rib-rib mee ɓee’g, bèe ɓa d’a gər to gə́ neḛ n’to Njesigənea̰ ya.

Ejekel 30:26

N’a kɔm Ejiptəje mbuna ginkoji dəwje gə raŋg’g ləm, n’a sané dee gə dɔ ɓeeje ɓəd-ɓəd ləm tɔ. Bèe ɓa d’a gər ne to gə́ neḛ n’to Njesigənea̰ ya.

Ejekel 32:15

Loo gə́ n’a kar ɓee gə́ Ejiptə tel to dɔ nduba ləm, n’a kar dee d’odo nékiŋga lə ɓee mbad-mbad ləma, n’a tuji njé gə́ d’isi keneŋ pugudu-pugudu ləm tɔ ndá d’a gər to gə́ neḛ n’to Njesigənea̰ ya.

Ejekel 35:15

Rɔlel gə́ seḭ raje loo gə́ gel-bɔje lə Israɛl tuji pugudu-pugudu lé yee ɓa n’a ra sə sí togə́bè ya tɔ, seḭ gə́ síje dɔ mbal gə́ Seir lé n’a kar sí tel toje dɔ nduba gə́ wa ŋgɔ njag-njag, seḭ gə dəwje gə́ Edɔm lai ya. Bèe ɓa d’a gər ne to gə́ neḛ n’to Njesigənea̰ ya.

Ejekel 38:23

N’a riba dɔ boo lə neḛ gə meenda lə neḛ gə́ raga ləm, n’a kar dee gər neḛ kəm ginkoji dəwje gə raŋg’d gə́ bula digi-digi lé ləm tɔ. Bèe ɓa deḛ d’a gər ne to gə́ neḛ n’to Njesigənea̰ ya.

Ejekel 6:13

Bèe ɓa seḭ a gərje ne to gə́ neḛ n’to Njesigənea̰ loo gə́ nin dee a to rib-rib mbuna magəje’g lə dee gir loo-nékinjanéməsje’g lə dee ləm, gə dɔ dɔdərlooje’d gə́ ndəw lai ləm, gə dɔ sèm mbalje’g lai ləm, gə gel kagje gə́ təb lai ləma, gə gel kag-sɛnəje’g lai gə́ siŋ siŋ-siŋ ləm tɔ. Lée neelé d’aw roo néje gə́ ə̰də sululu gə́ baḭyee ə̰də lel keneŋ, d’ar magəje lə deḛ lai lé.

Ejekel 6:6

Loo gə́ rara gə́ seḭ síje keneŋ lé d’a tuji ɓee-booje lə sí ləm, looje lə sí gə́ ndəw lé d’a tuji pugudu-pugudu ləm tɔ. Loo-nékinjanéməsje lə sí lé d’a kuba dee kya̰ dee ləm, d’a təd magəje lə sí njigi-njigi kar dee godo ləm, néndajije lə sí gə́ wɔji dɔ kàr kara d’a tɔ dee pɔs-pɔs ləma, néje gə́ seḭ raje lé d’a tuji dee ləm tɔ.

Ejekel 6:8

Nɛ n’a kya̰ ges síje gə́ na̰je kar dee taa rɔ dee ta kiambas’g mbuna ginkoji dəwje gə raŋg’g loo gə́ seḭ a saneje na̰ gə mee ɓeeje ɓəd-ɓəd lé.

Ejekel 7:4

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí el ləm tɔ. Nɛ n’a kar ta gə́ wɔji dɔ rəw-kaw sí wa dɔ sí ləm, néra sí gə́ mina̰ lé a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰ ya.

Ejekel 7:9

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí nda̰ el ləm, n’a kar ta gə́ wɔji dɔ rəw-kaw síje wa dɔ sí ləma, néra síje gə́ mina̰ a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰, yeḛ gə́ njekunda sí lé.

Ejekel 9:7

Yeḛ ula dee pana: Ilaje ndɔl dɔ kəi’g lé ləm, arje nin dəwje rusu gadlooje tub-tub ləm tɔ! Teḛje raga! Deḛ d’unda loo teḛ d’aw ndá deḛ tɔl dəwje gə́ mee ɓee-boo’g lé tɔ.