Ejekel 6:4 - Maktub gə́ To gə Kəmee

⁴ D’a tuji loo-nékinjanéməsje lə sí pugudu-pugudu ləm, néndajije lə sí gə́ wɔji dɔ kàr lé d’a tɔ dee pɔs-pɔs ləm tɔ. Tɔɓəi n’a kar yoo-dəwje lə sí to naŋg rib-rib no̰ magəje’g lə sí.

Ejekel 6:4 ပူးပေါင်းရင်းမြစ်များ

1 Mbaije 13:2

Yeḛ pata gə ndia gə́ boi wəl ila ne ndɔl dɔ loo-nékinjaməs’g lé gə goo ta gə́ Njesigənea̰ pa lé pana: Loo-nékinjaməs! Loo-nékinjaməs! Njesigənea̰ pa togə́bè pana: Aa ooje, d’a koji ŋgon gə́ diŋgam mee kəi’g lə Dabid, d’a kunda ria lə Jojias, yeḛ a tɔl njékinjanéməsje gə́ wɔji dɔ looje gə́ ndəw dɔi’g, deḛ gə́ d’aw roo néje gə́ ə̰də sululu dɔi’g lé tɔɓəi siŋga dəwje kara d’a roo dɔi’g tɔ.

2 Mbaije 23:14

Yeḛ təd néndaji magəje ləm, yeḛ təd magəje ləm tɔ ndá yeḛ ar siŋga dəwje ɓa taa loo keneŋ pəl-pəl.

2 Sôrta Gḭka Israɛlje 14:5

Yeḛ ra ɓee-booje gə́ d’ila ndògo-bɔrɔ gugu ne dɔ dee sub-sub dɔ naŋg gə́ Juda mbata mee ləbje’g neelé rɔ godo ar loo to lɔm, mbata Njesigənea̰ aree loo kwa rəa ya.

Esai 27:9

Togə́bè ɓa ta néra kori-kori lə Jakob ɔr ne dəa’g ləm, Aa ooje, yee ɓa gə́ kandə meekoso lemsé dɔ kaiya’g ləa ləm tɔ. Njesigənea̰ ar kɔr mbalje lai gə́ to loo-nékinjaməs’g lé Tel to asəna gə kɔr pɔrɔje gə́ tel to nduji bèe, Magə-Astartéje gə néndajije gə́ wɔji dɔ kàr lé D’a kḭ kaar tar gogo el ŋga.

Jeremi 43:13

Yeḛ a təd néndajije gə́ Bet-Semes mee ɓee gə́ Ejiptə’g ləm, yeḛ a roo kəije lə magəje gə́ Ejiptə ləm tɔ.

Jeremi 7:32

Gelee gə́ nee ɓa, Njesigənea̰ pa ne togə́bè pana: Mee ndɔje gə́ d’a gə ree lé lée neelé d’a ɓaree Topet el ŋga ləm, wəl-loo gə́ Ben-Hinom el ləm tɔ, nɛ d’a ɓaree wəl-loo ndum dəwje mburug-mburug keneŋ, tɔɓəi d’a dubu nin dəwje Topet, mbata loo gə́ raŋg godo.

Ejekel 6:13

Bèe ɓa seḭ a gərje ne to gə́ neḛ n’to Njesigənea̰ loo gə́ nin dee a to rib-rib mbuna magəje’g lə dee gir loo-nékinjanéməsje’g lə dee ləm, gə dɔ dɔdərlooje’d gə́ ndəw lai ləm, gə dɔ sèm mbalje’g lai ləm, gə gel kagje gə́ təb lai ləma, gə gel kag-sɛnəje’g lai gə́ siŋ siŋ-siŋ ləm tɔ. Lée neelé d’aw roo néje gə́ ə̰də sululu gə́ baḭyee ə̰də lel keneŋ, d’ar magəje lə deḛ lai lé.

Ləbije 26:30

M’a tuji loo-pole-magje lə sí ləm, m’a təd loo-suu néje lə sí gə́ ə̰də sululu lé njigi-njigi ləm, m’a kɔm nin sí dɔ gaila magəje’g lə sí ləma, m’a koo sí gə́ néje gə́ ram kəm’g ləm tɔ.

1 Samel 5:4

Nuna ndá deḛ teḛ gə ndɔ rad d’iŋga magə-Dago̰ gə́ oso dəb kəmee naŋg no̰ sa̰duk-manrɔ’g lə Njesigənea̰ lé ya ɓəi. Dɔ magə-Dago̰ gə jiaje gə́ joo tɔr ɔm no̰ tarəwkəi’g nɛ dɔdumee ɓa nai.