Ejekel 6:14 - Maktub gə́ To gə Kəmee

¹⁴ N’a kula ji neḛ ndiŋ gə́ dɔ dee’g ndá n’a kar ɓee to kari ba péd-péd ləm, a tel to dɔ nduba unda dɔdilaloo gə́ Dibla ləm tɔ. Looje gə́ rara gə́ deḛ d’isi keneŋ lé a to bèe ya. Yee ɓa d’a gər ne to gə́ neḛ n’to Njesigənea̰ ya.

Ejekel 6:14 ပူးပေါင်းရင်းမြစ်များ

Pakɔsje 138:7

Loo gə́ ma m’isi dan néurti’g lé I nja am m’isi kəmba ləm, I ula jii ndiŋ ɔg ne njéba̰je ləm dɔ oŋg’g lə dee ləma, Jikɔli ɓa i ajim ne ləm tɔ.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 24:1

Aa ooje, Njesigənea̰ a gə tuji ɓee karee tel to dɔ nduba ləm, Yeḛ a kar dɔ naŋg tel wagəsa ləma, A sané dəwje gə́ d’isi keneŋ kad-kad ləm tɔ.

Esai 24:7

Kəm mán-nduú gə́ sigi to ndòo ləm, Kag-nduú ndòlé ləma, Deḛ lai gə́ meḛ dee lel dee kédé lé kara Tuma̰ ŋgururu-ŋgururu ləm tɔ.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Jeremi 25:11

Ɓee nee lai a tuji ləm, a tel to dɔ nduba ləm tɔ ndá ginkoji dəwje gə raŋg neelé d’a ra kula ɓər kar mbai gə́ Babilɔn as ləb dee rɔ-siri.

Jeremi 48:22

Gə dɔ Dibo̰ ləm, gə dɔ Nebo ləm, Gə dɔ Bet-Diblatayim ləm,

Ejekel 12:15

Bèe ɓa d’a gər ne to gə́ neḛ n’to Njesigənea̰ loo gə́ n’tuba dee n’ɔm dee mbuna ginkoji dəwje gə raŋg’g ləm, loo gə́ n’sané dee kad-kad gə dɔ ɓeeje ɓəd-ɓəd ləm tɔ.

Ejekel 14:13

Ma ŋgon-dəw lé ɓó lé dəwje gə́ mee ɓee gə́ kára ra kaiya d’ɔs ne neḛ rəw mba kya̰ goo ndukunje lə neḛ ɓa n’ula ji neḛ ndiŋ gə́ dɔ dee’g ləm, ɓó lé n’tuji kó rɔ lə dee ləm, ɓó lé n’ula gə ɓoo-boo dɔ dee’g ləma, ɓó lé n’tuji dəwje gə daje pugudu-pugudu ləm tɔ lé

Ejekel 15:8

N’a kar ɓee tel to dɔdilaloo mbata deḛ d’uba ndukun lə neḛ d’ya̰, Mbaidɔmbaije gə́ Njesigənea̰ ɓa pa bèe.

Ejekel 16:27

Bèe ɓa aa oo, neḛ n’ula ji neḛ ndiŋ gə́ dɔi’g ndá né gə́ neḛ n’wɔji ne dɔi lé n’ɔr təa tɔɓəi neḛ n’ubai n’ya̰’i ji njéba̰je’g ləi gə́ to ŋgalə Pilistije gə́ dené gə́ d’isi gə rɔkul mbata lə panjaai gə́ to rɔkul lé mba kar dee ra səi né gə́ meḛ dee ndigi.

Ejekel 25:7

aa ooje, n’a kula ji neḛ ndiŋ gə́ dɔ sí’g ləm, n’a kar sí tel toje nékwaje lə ginkoji dəwje gə raŋg ləm, n’a kar sí uduje bo̰ mbuna koso-dəwje’g ləm, n’a kar ri sí godo mbuna ɓeeje’g ləma, n’a tuji sí pugudu-pugudu ləm tɔ. Bèe ɓa seḭ a gərje ne to gə́ neḛ n’to Njesigənea̰.

Ejekel 33:28

N’a kar ɓee tel to dɔ nduba gə́ wa ŋgɔ njag-njag ləm, gə dɔdilaloo ləm tɔ, siŋgamoŋgee gə́ yeḛ aw ti ne rəa a godo ləm, dɔ mbalje gə́ Israɛl a to kari péd-péd kar dəw kára kara dəs keneŋ el ləm tɔ.

Ejekel 35:9

N’a kari to dɔ nduba gə́ wa ŋgɔ njag-njag gə no̰ ləm, dəwje d’a si ɓee-booje’g ləi el ŋga ləm tɔ, bèe ɓa seḭ a gərje ne to gə́ neḛ n’to Njesigənea̰ ya.

Ejekel 7:1

Njesigənea̰ ulam ta gə rɔtaje nee pana:

Ejekel 7:4

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí el ləm tɔ. Nɛ n’a kar ta gə́ wɔji dɔ rəw-kaw sí wa dɔ sí ləm, néra sí gə́ mina̰ lé a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰ ya.

Soponi 1:4

N’a tuji Judaje Gə dəwje lai gə́ d’isi Jerusalem gə ji neḛ, N’a tuji ges magə-Baal gə́ nai lée’g neelé pugudu-pugudu ləm, Gə ri njékulaje ləa gə njékinjanéməsje ləa sə dee na̰’d ləm tɔ.

Bula lə Israɛlje 33:46

D’ḭ Dibo̰-Gad d’aw d’wa loo-si dee Almon-Diblatayim.