Ejekel 6:10 - Maktub gə́ To gə Kəmee

¹⁰ D’a gər to gə́ neḛ n’to Njesigənea̰ ləm, d’a gər to gə́ némajelje nee lai gə́ neḛ m’pa taree n’ar dee m’pana: A teḛ dɔ dee’g lé m’pa kari ba el ləm tɔ,

Ejekel 6:10 ပူးပေါင်းရင်းမြစ်များ

Jeremi 44:28

Deḛ gə́ jebəre ba bèe gə́ d’a teḛ ta kiambas’g lé d’a kḭ mee ɓee gə́ Ejiptə tel kaw mee ɓee gə́ Juda gogo. Nɛ ges Judaje lai gə́ d’aw d’isi mee ɓee gə́ Ejiptə lé d’a koo see ta ləm əsé ka̰ dee-deḛ ɓa a kaw lée’g béréré wa.

Ejekel 12:25

Mbata neḛ Njesigənea̰ n’a pata ndá ta gə́ neḛ m’pa lé a kaw lée’g béréré ɓó kuree a kəw el. Tɔgərɔ ya mee ndɔje lə sí-seḭ gel-bɔje gə́ toje njékɔsta-rəwje lé n’a pata ndá n’a karee aw lée’g béréré ya, Mbaidɔmbaije gə́ Njesigənea̰ ɓa pa bèe.

Ejekel 22:14

See seḭ a kwaje meḛ sí kɔgərɔ ləm, a karje ji sí ɓar mèr-mèr ləm tɔ mee ndɔje gə́ n’a gə ra sə sí né lé ya wa. Neḛ Njesigənea̰ ɓa m’pata ndá n’a ra née ya.

Ejekel 5:13

Bèe ɓa n’a kar oŋg lə neḛ aw lée’g béréré ləm, n’a dal ne ba̰ gə boo-oŋg lə neḛ dɔ dee’d gə́ kédé-kédé ləma, n’a kar mee neḛ oso ne naŋg po̰ ləm tɔ. Yee ɓa d’a gər ne to gə́ neḛ Njesigənea̰ m’pata dan oŋg’d lə neḛ loo gə́ neḛ n’ɔm boo-oŋg lə neḛ dɔ dee’g ya.

Ejekel 6:11

Mbaidɔmbaije gə́ Njesigənea̰ pa togə́bè pana: Jəŋ jii ləm, tuba gɔli naŋg ləm tɔ ndá pa pana: Ai-i mbata néje gə́ mina̰ lai gə́ to némeeyèrje lə gel-bɔje lə Israɛl gə́ d’a gə kwəi ne yoo-kiambas ləm, gə yoo-ɓoo-boo ləma, gə yoo-koso ləm tɔ.

Ejekel 6:7

N’a kar yoo-dəwje to naŋg rib-rib dan sí’g ndá seḭ a gərje to gə́ neḛ n’to Njesigənea̰ ya.

Ejekel 6:9

Njé’g lə sí gə́ taa rɔ dee lé meḛ dee a kolé dɔ neḛ’g mbuna ginkoji dəwje gə raŋg’d gə́ d’a kaw sə dee gə́ ɓərje mbuna dee’g lé mbata n’a tɔ meekədərə lə dee gə́ d’uba ne neḛ d’ya̰ ne neḛ lé ləm, gə kəm dee gə́ ndolè ne goo magəje lə dee ləm tɔ, deḛ ya d’a kḛji rɔ dee bəḭ-bəḭ mbata lə néraje gə́ mina̰ gə́ deḛ ra ləm, mbata néra ramje lə deḛ lai ləm tɔ.

Loo gə́ killa rea kəm Daniel’g 9:12

Taje gə́ yeḛ gaŋg dɔ sí’g gə dɔ mbaije’g lə sí gə́ d’o̰ dɔ sí lé yeḛ ar dee d’aw lée’g béréré tɔɓəi yeḛ ar tuji-boo teḛ dɔ sí’g tɔ. Tuji-boo gə́ teḛ dɔ Jerusalem’g lé d’oo garee togə́bè dɔ naŋg nee kédé el.

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.