Ejekel 5:8 - Maktub gə́ To gə Kəmee

⁸ ndá yee gə́ bèe ɓa Mbaidɔmbaije gə́ Njesigənea̰ pa ne ta togə́bè pana: Aa ooje, neḛ n’aw sə sí gə ta tɔɓəi n’a gə gaŋgta dɔ sí’g kəm ginkoji dəwje gə raŋg’g.

Ejekel 5:8 ပူးပေါင်းရင်းမြစ်များ

Jeremi 21:13

Njesigənea̰ pana: Aa ooje, seḭ gə́ síje ɓee-boo Gə́ to kəm wəl-loo’g Dɔ kɔr mbal gə́ ndag-loo’g lé Neḛ n’aw sə sí gə ta. To seḭ gə́ pajena: See na̰ ɓa a ree koma̰ sə sí wa, See na̰ ɓa a kandə kaw mee loo-si sí’g wa.

Jeremi 21:5

Tɔɓəi n’a rɔ sə sí gə ji neḛ gə́ n’ula ndiŋ gə meeko̰, gə meekḭ jugugu, gə oŋg gə́ al dɔ loo sula.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 50:7

Deḛ lai gə́ d’iŋga dee Ndá d’usɔ dee rɔg-rɔg Ndá njéba̰je lə dee pana: Taree wa dɔ neḛje el. Mbata deḛ ya ra kaiya D’ɔs ne ta lə Njesigənea̰ Gə́ to loo-gaŋg-rəwta Gə́ gə dɔ najee lé rəw ləm, D’ɔs Njesigənea̰ gə́ to nékunda-mee-yel lə bɔ deeje-je lé rəw ləm tɔ.

Nɔ̰-ndôo gə́ wɔji dɔ Jerusalem 2:5

Mbaidɔmbaije lé tel to gə́ njeba̰ bèe, Yeḛ turu njé gə́ Israɛl mag-mag mée’g ləm, Yeḛ tuji kəi-mbaije lə dee ləm, Yeḛ jané kəi-kaar-kɔgərɔje lə dee ləma, Yeḛ ar tuma̰ rɔ gə no̰je ɓa Taa mee ŋgoma̰də gə́ Juda lé pəl-pəl ləm tɔ.

Nɔ̰-ndôo gə́ wɔji dɔ Jerusalem 3:3

Tɔgərɔ ya. Ndɔje kára-kára lai lé Yeḛ kundam gə jia gə́ naŋg-naŋg ya.

Ejekel 11:9

N’a kar sí undaje loo mee ɓee-boo’g neelé teḛje ləm, n’a kuba sí kya̰ sí ji dəw-dɔ-ɓeeje’g ləma, n’a gaŋgta dɔ sí’g ləm tɔ.

Ejekel 13:8

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, neḛ n’aw sə sí gə ta mbata seḭ paje taje gə́ mḭdé-mḭdé ba ləm, némḭdije lə sí kara to gə́ néŋgɔmje ləm tɔ, Mbaidɔmbaije gə́ Njesigənea̰ ɓa pa bèe.

Ejekel 15:7

N’a tel gir neḛ kila k’ar dee, deḛ d’unda loo dan pər’d teḛ nɛ pər a roo dee dula-dula. Bèe ɓa seḭ a gərje ne to gə́ neḛ n’to Njesigənea̰ loo gə́ n’a tel gir neḛ kila k’ar dee lé.

Ejekel 16:41

d’a roo kəije ləi ləm, d’a gaŋgta dɔi’g kəm denéje gə́ bula digi-digi’g ləm tɔ. Togə́bè ɓa n’a kari ɔs bo̰ kaiya raije ndá i a kar dəw nékoga-dɔ-jia gogo el ŋga.

Ejekel 21:3

M’a kula kag-kɔr gə́ dɔkɔl pana: Maji kari oo ta lə Njesigənea̰! Mbaidɔmbaije gə́ Njesigənea̰ pa togə́bè pana: N’a gə kila pər dɔi’g ndá a roo kagje lai gə́ to təb gə kagje lai gə́ tudu tɔ. Kṵji pər gə́ teḛ bilim-bilim lé a kwəi nda̰ el ləm, kəm dee-deḛ lai gə́ dɔkɔl saar teḛ dɔgel lé a nəd kurum-kurum ləm tɔ.

Ejekel 28:22

A pana: Mbaidɔmbaije gə́ Njesigənea̰ pa togə́bè pana: I ɓee gə́ Sido̰ lé aa oo, neḛ n’aw səi gə ta! D’a kula rɔnduba dɔ neḛ’g mee ɓee’g ləi ndá d’a gər to gə́ neḛ n’to Njesigənea̰ loo gə́ n’a gaŋg rəw-taje lə neḛ dɔi’g ləm, loo gə́ n’a riba dɔ meenda lə neḛ mee ɓee’g neelé ləm tɔ.

Ejekel 30:19

N’a gaŋg rəwta lə neḛ dɔ Ejiptəje’g ndá d’a gər to gə́ neḛ to Njesigənea̰ ya.

Ejekel 34:10

Mbaidɔmbaije gə́ Njesigənea̰ pa togə́bè pana: Aa ooje, n’aw gə njékul dəwje gə ta. N’a tel taa dəwje lə neḛ ji dee’g ləm, n’a kar dee d’ul dəwje lə neḛ el ŋga ləma, deḛ nja kara d’a kul rɔ dee-deḛ el ŋga ləm tɔ, n’a kɔr dəwje lə neḛ ta dee’g ndá d’a to nékwa lə dee el ŋga.

Ejekel 35:3

A kula dee pana: Mbaidɔmbaije gə́ Njesigənea̰ pa togə́bè pana: Aa ooje, seḭ gə́ síje dɔ mbal gə́ Seir’g lé n’aw sə sí gə ta! N’a gə kula ji neḛ ndiŋ gə́ dɔ sí’g ndá n’a kar sí telje toje dɔ nduba gə́ wa ŋgɔ njag-njag ləm, gə dɔdilaloo ləm tɔ.

Ejekel 39:1

I ŋgon-dəw lé maji kari tegginta wɔji ne dɔ Gɔg! A pana: Mbaidɔmbaije gə́ Njesigənea̰ pa togə́bè pana: Aa oo, i Gɔg, mbai gə́ njekaa dɔ dəb ɓeeko̰ gə́ Ros, gə Mesek, gə Tubal lé neḛ n’aw səi gə ta.

Ejekel 5:15

Ɓee lé a to néboo-rɔkul, gə nékunda kogo ləm, a to nékwa kwɔji ne maree gə néɓəl ləm tɔ mbata ginkoji dəwje gə raŋg gə́ gugu dəa sub lé loo gə́ n’a gaŋg rəw-taje lə neḛ dəa’g gə oŋg ləm, gə boo-oŋg ləma, gə nékwɔji kəmkàrje gə́ kəbərə-kəbərə ləm tɔ. Neḛ Njesigənea̰ nja ɓa m’pata nee ya.

Nahum 2:13

Toboḭ lé to̰ da tɔlee gaŋgee mbidi-mbidi mbata lə ŋganeeje ləm, Gə mbata lə ko̰ toboḭje ləm tɔ. Yeḛ ɔm nékwaje ləa duu loo-tée’g aree rusu tub-tub tɔ.

Matiyo 22:7

Mbai lé oo ndá mée ḭ səa pu aree ɔr njérɔje ləa ar dee d’aw mba kar njétɔl dəwje neelé d’udu ləm, gə roo ɓee lə dee dula-dula ləm tɔ.

Tel tura Godndu 29:20

Njesigənea̰ a kɔr kəmee kundá ɓəd mbuna ginkoji Israɛlje’g lai kar némeeko̰ teḛ dəa’g gə goo ta ndɔlje lai gə́ ka̰ manrɔ gə́ ndaŋg taree mee maktub godndu’g lé ya.