Ejekel 5:12 - Maktub gə́ To gə Kəmee

¹² Dəwje lai gə́ kudu munda lé kudu deḛ gə́ kára d’a kwəi yoo-koso ləm, ɓoo-boo a kula kəm dee ndòo mbuna sí’g ləm tɔ, deḛ gə́ kudu kára d’a kwəi yoo-kiambas gugu gir sí sub, tɔɓəi deḛ gə́ kudu kára lé n’a sané dee dan lel’g ndá n’a kɔr kiambas kore ne goo dee tɔ.

Ejekel 5:12 ပူးပေါင်းရင်းမြစ်များ

Esai 1:24

Gelee gə́ nee ɓa, aa ooje, Ta gə́ Mbaidɔmbaije Ala gə́ njeboo-néje Gə́ to Njesiŋgamoŋ lə Israɛl pa lé ɓa nee: N’a tel tɔl ta oŋg lə neḛ dɔ njékoma̰ sə neḛje’g Ndá n’a dal ba̰ lə neḛ dɔ njéba̰je’g lə neḛ tɔ.

Jeremi 13:24

M’a sané dee to gə́ ləm mu Gə́ lel gə́ dɔdilaloo’g sané bèe.

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Jeremi 15:2

Ɓó lé deḛ dəjim pana: See j’a kawje ra wa, Ndá m’a kila dee keneŋ pana: Njesigənea̰ pa togə́bè pana: Deḛ gə́ yoo-koso ɓa wɔji dɔ dee Ndá d’a kwəi yoo yoo-koso ya ləm, Deḛ gə́ kiambas ɓa wɔji dɔ dee Ndá d’a tɔl dee gə kiambas ya ləm, Deḛ gə́ yoo ɓoo-boo ɓa wɔji dɔ dee Ndá d’a kwəi yoo ɓoo-boo ya ləma, Deḛ gə́ ɓər ɓa wɔji dɔ dee Ndá d’a kwa dee ɓər ya ləm tɔ.

Jeremi 15:9

Yeḛ gə́ oji ŋganje siri lé unda ndolè Ar kəmə ləa godo, Loo gə́ kàr aar tar ɓəi ndá, Loondul dəb dəa’g, Rɔkul dəb dəa’g ar sɔḭ wa kəmee. Ges dee gə́ nai lé neḛ m’ɓugu dee Ta kiambas’g lə njéba̰je lə dee. Njesigənea̰ ɓa pa bèe.

Jeremi 21:9

Yeḛ gə́ a nai mee ɓee-boo’g neelé ndá a kwəi yoo-kiambas, gə ɓoo-boo əsé yoo-koso. Nɛ yeḛ gə́ a teḛ kaw rɔ Kaldeje gə́ d’aḭ dɔ sí sub gə rɔ lé ndá a si kəmba ləm, si kəmba ləa ɓa a to nébanrɔ ləa ləm tɔ.

Jeremi 24:10

M’a kula gə kiambas gə ɓoo-boo gə yoo-koso mbuna dee’g saar kar dee godo mee ɓee gə́ m’ar dee-deḛ gə bɔ deeje-je lé.

Jeremi 42:22

Ɓasinè maji kar sí gərje gao to gə́ seḭ a kwəije yoo-kiambas ləm, gə yoo ɓoo-boo ləma, gə yoo-koso ləm tɔ loo gə́ seḭ ndigije kaw síje keneŋ lé.

Jeremi 44:27

Aa ooje, m’a kunda kəm goo dee’g mba ra sə dee majel ɓó maji ɓa el. Dəwje lai gə́ Juda gə́ d’isi mee ɓee gə́ Ejiptə lé kiambas, gə ɓoo-boo a tuji dee saar kar gin dee un ɗiao.

Jeremi 9:15

M’a sané dee mbuna ginkoji dəwje gə raŋg gə́ bɔ deeje gər dee kédé el ləm, deḛ nja kara gər dee el ləm tɔ. N’a kula kiambas goo dee’g Saar kar gel dee un ne ɗiao.

Jeremi 9:16

Njesigənea̰ gə́ njeboo-néje pa togə́bè pana: Saŋje loo ɓarje njéno̰paje ar deeje ree! Ulaje kula rɔ denéje gə́ njéno̰paje ar deeje ree to!

Ejekel 12:14

Deḛ lai gə́ gugu dəa sub gə́ to njéla səaje lé ləm, gə kudu-njérɔje ləa lai ləm tɔ lé n’a sané dee dɔ kum naŋg gə́ sɔ’g lé ndá n’a kɔr kiambas korè ne goo dee ndəŋ.

Ejekel 14:17

Esé ɓó lé neḛ n’ree gə kiambas n’wɔji ne dɔ ɓee neelé ləm, lé m’pana: Maji kar kiambas ta̰ mbuna ɓee neelé ləma, ɓó lé neḛ n’tuji dəwje gə daje mee ɓee’g neelé pugudu-pugudu ləm tɔ

Ejekel 14:19

Esé ɓó lé n’ula gə yoo-koso dɔ ɓee’g neelé ləm, n’ɔm yoo ɓa dɔ dee’g gə goo boo-oŋg lə neḛ mba tuji ne dəwje gə daje pugudu-pugudu keneŋ ləm tɔ

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé

Ejekel 16:42

N’a kar oŋg lə neḛ aw as lée’g béréré dɔi’g ndá i a to néra kəmkəḭ lə neḛ el ŋga, n’a kar mee neḛ to lɔm ləm, n’a kar mee neḛ ḭ sə neḛ jugugu el ŋga ləm tɔ.

Ejekel 21:22

Neḛ kara n’a kunda ji neḛ tɔ, n’a kar boo-oŋg lə neḛ aw ne lée’g béréré, to neḛ Njesigənea̰ ɓa m’pata.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Ejekel 33:27

Maji kari ula dee pana: Mbaidɔmbaije gə́ Njesigənea̰ pa togə́bè pana: Neḛ n’to njesikəmba! Deḛ gə́ d’isi dɔ nduba’g lé d’a kwəi yoo-kiambas, deḛ gə́ d’isi wala’g lé n’a kar dee to nésɔ lə daje, deḛ gə́ d’isi gadloo-kaar-kɔgərɔ’g əsé mee bolè mbalje’g lé d’a kwəi yoo-koso tɔ.

Ejekel 36:19

Neḛ n’ar dee sanéna̰ mbuna ginkoji dəwje gə raŋg’g ndá d’isi mee ɓeeje’g ɓəd-ɓəd, neḛ n’gaŋg rəwta dɔ dee’g gə goo panjaa lə dee ləm, gə goo kula ra dee ləm tɔ.

Ejekel 43:8

Deḛ d’ar loo gə́ tarəw’g lə dee to mbɔr ka̰ neḛ’g ləm, d’ar kag-tarəwje lə dee to mbɔr ka̰ neḛ’g ləm tɔ ndá ndògo-bɔrɔ ba gaŋg mbuna neḛ sə deeje, bèe ɓa deḛ d’ula ne sul dɔ ri neḛ gə́ to gə kəmee’g gə néraje gə́ mina̰ gə́ deḛ ra, gelee gə́ nee ɓa neḛ n’roo dee ne dula-dula dan oŋg’d lə neḛ gə mbəa.

Ejekel 5:10

Gelee gə́ nee ɓa bɔ ŋganje d’a sɔ ŋgan deeje mbuna sí’g ləm, ŋganje d’a sɔ bɔ deeje ləm tɔ, n’a gaŋgta dɔ sí’g tɔɓəi n’a sané ne ges sí lai gə́ nai lé kad-kad dan lel’g.

Ejekel 5:17

N’a kula gə ɓoo-boo gə daje gə́ majel dɔ sí’g kar dee tuji ŋgan síje kya̰ sí kari ba, yoo-koso gə kɔm məs d’a dəs mbuna sí’g, n’a kila rɔ dɔ sí’g tɔ. To neḛ Njesigənea̰ ɓa m’pata nee ya.

Ejekel 5:2

Yee gə́ loo kára lé m’a roo dan mee ɓee-boo’g loo gə́ ndɔ kaḭ dəa sub gə rɔ lé aw lée’g béréré mba̰, yee gə́ njekɔm’g loo joo lé m’a kodo kaw tḭja gə yiŋga gugu ne gir ɓee-boo lé sub, tɔɓəi yee gə́ njekɔm’g loo munda lé m’a sané dan lel’g ndá n’a kɔr kiambas korè ne gée.

Ejekel 6:8

Nɛ n’a kya̰ ges síje gə́ na̰je kar dee taa rɔ dee ta kiambas’g mbuna ginkoji dəwje gə raŋg’g loo gə́ seḭ a saneje na̰ gə mee ɓeeje ɓəd-ɓəd lé.

Ejekel 7:15

Kiambas to raga ləm, yoo-koso gə ɓoo-boo to mee ɓee’g ləm tɔ! Deḛ gə́ d’aar mee ndɔ’g ndá d’a kwəi yoo-kiambas ləm, deḛ gə́ d’aar mee ɓee-boo’g ndá d’a kwəi yoo-ɓoo-boo gə yoo-koso ləm tɔ.

Ejekel 7:3

Ɓasinè rudee teḛ dɔ sí’g ŋga. N’a gə kila oŋg lə neḛ dɔ sí’g ləm, n’a gaŋgta dɔ sí’g gə goo rəw-kaw sí’g ləma, n’a kar ta néra síje lai gə́ mina̰ lé wa dɔ sí ləm tɔ.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Amɔs 9:4

Ɓó lé d’aw gə́ ɓərje ɓee lə njéba̰je lə dee lé Ndá lé neelé ɓa n’a kun ndu neḛ Kar kiambas tɔl dee keneŋ ləm, N’a kun kəm neḛ dɔ dee’g rəw Mba ra sə dee né gə́ majel ɓó né gə́ maji ɓa el ləm tɔ.

Amɔs 9:9

Mbata aa ooje, n’a kun ndu neḛ ndá D’a yə gel-bɔje lə Israɛl mbuna ginkoji dəwje gə raŋg’g lai, To gə́ deḛ gɔl ne né gə san bèe Lal kar guburee kára kara oso naŋg.

Jakari 7:14

Neḛ n’sané dee mbuna ginkoji dəwje gə raŋg’d Gə́ deḛ gər dee el ləm, Ɓee lə dee tel to dɔnduba tor dee’g Ar dəw kára kara dəs keneŋ aw Esé tel keneŋ el ləm tɔ. Ɓee gə́ maji dum lé deḛ d’aree tel to dɔdilaloo ya.

Tel tura Godndu 28:65

Mbuna ginkoji dəwje gə raŋg’g neelé seḭ a kiŋgaje loo-kwa-rɔ gə́ kəm kila dabla gɔl sí keneŋ godo. Njesigənea̰ a kar dɔɓəŋgərə sí unda bala ləm, kəm sí a to ndòo ləma, rɔ sí a si dan meeko̰’g ləm tɔ.

Loo gə́ killa rea kəm Ja̰’g 6:8

M’aa loo gərərə ndá m’oo kunda-mwɔji ḭ keneŋ. Njekubá lé ria lə yoo tɔɓəi ɓee lə njé gə́ d’wəi lé aw səa na̰’d. D’un ndu dee d’ar dee gə mba tɔl dəwje gə́ dɔ naŋg nee gə́ dəb kára nɛ debee nai munda, mba tuji ne dəwje gə kiambas ləm, gə ɓoo-boo ləm, gə rɔko̰ ləma, gə da-ŋgaŋkasje gə́ dɔ naŋg nee ləm tɔ.