Ejekel 5:11 - Maktub gə́ To gə Kəmee

¹¹ Gelee gə́ nee ɓa Mbaidɔmbaije gə́ Njesigənea̰ un ne ndia njaŋg pana: Neḛ lé n’to Njesikəmba! To gə́ seḭ arje magəje lə sí lai gə néje lə sí lai gə́ mina̰ d’ar loo lə neḛ gə́ to gə kəmee lé mina̰ ndá neḛ kara n’a kun kəm neḛ dɔ sí’g ləm, kəm neḛ a kas ŋgɔgərɔ dɔ sí’g ləm tɔ ɓó n’a koo kəmtondoo lə sí nda̰ el.

Ejekel 5:11 ပူးပေါင်းရင်းမြစ်များ

2 Mbaije 21:4

Kédé lé Njesigənea̰ pa pana: Jerusalem ɓa to loo gə́ rim a ɓar keneŋ. Nɛ lé bèe kara Manasə ra loo-nékinjanéməsje mee kəi’g lə Njesigənea̰ ya.

2 Mbaije 21:7

Yeḛ unda magə-Astarté gə́ yeḛ ra lé mee kəi gə́ Njesigənea̰ ula Dabid gə ŋgonee Salomo̰ pana: To mee kəi gə́ nee gə mee Jerusalem gə́ ma mbəree mbuna ginkoji Israɛlje’g lai gə mba kunda rim dɔ’g saar gə no̰ lé.

2 Mbaije 23:12

Mbai təd loo-nékinjanéməsje gə́ d’unda dɔ kəi gə́ tar lə Akas gə́ mbaije gə́ Juda ra ləm, gə njé gə́ Manasə ra mee gadlooje gə́ joo gə́ to mee ndògo gə́ wɔji dɔ kəi lə Njesigənea̰ ləm tɔ, gée gə́ gogo loo gə́ yeḛ təd dee tɔr dee lée’g neelé mba̰ ndá yeḛ odo bu dee aw ɔm kəm-rəw-mán gə́ Sedro̰.

2 Sôrta Gḭka Israɛlje 33:4

Tɔɓəi yeḛ unda loo-nékinjanéməsje mee kəi’g lə Njesigənea̰ gə́ yeḛ un ndia dɔ’g pana: Jerusalem ɓa ri neḛ a ɓar dɔ’g saar-saar gə no̰ lé.

2 Sôrta Gḭka Israɛlje 33:7

Yeḛ unda néndaji gə́ yeḛ nja tɔl gə́ magə lé mee kəi’g lə Ala, gə́ Ala pa taree ar Dabid gə ŋgonee Salomo̰ pana: To mee kəi’g nee gə mee ɓee gə́ Jerusalem gə́ ma nja mbəree mbuna ginkoji Israɛlje’g lai lé ɓa ma m’ndigi kar rim ɓar keneŋ saar gə no̰ lé.

2 Sôrta Gḭka Israɛlje 36:14

Mbai dɔ njékinjanéməsje-je lai gə koso-dəwje lai d’ar kaltaje lə dee ḭ dɔ maree’d gə́ kédé-kédé tɔ, gə goo néje gə́ mina̰ lai gə́ ginkoji dəwje gə raŋg ra lé. Deḛ d’ar kəi lə Njesigənea̰ gə́ yeḛ unda gə kəmee Jerusalem lé tel to né gə́ mina̰ tɔ.

Maktub gə́ wɔji dɔ Jɔb 27:22

Ala un kəmee rəw dəa’g uree ne gə ɓandaŋg Ndá njemeeyèr ndiŋga rəa mba kaḭ taa rəa ta kandə ɓandaŋgje’g.

Pakɔsje 107:39

Njé gə́ raŋg lé néɓəŋgərəti gə nékəmndoo gə némeeko̰ lé Ɔr kəm dee ho̰d ar dee d’oso ne kul.

Pakɔsje 95:11

Yen ɓa məəm ḭ ne səm jugugu Am m’un ne ndum njaŋg gə rɔkubu m’pana: D’a kila gɔl dee loo-kwa-rɔ’g ləm lé nda̰ el.

Jeremi 10:24

Ǝi Njesigənea̰, maji kari wɔjim kəmkàr Nɛ gə goo rəbee ɓa, Ɓó gə oŋg el, nà a tujim pugudu.

Jeremi 16:18

Kédé ndá m’a kuga dɔ ji dee mbata néramajel lə dee gə kaiyaje lə dee as gɔl joo, mbata deḛ d’ila ndɔl dɔ ɓee’g ləm ləm, mbata d’ar gaila magəje lə dee gə néje lə dee gə́ mina̰ ɓa taa loo pəl-pəl dɔ naŋg ɓee’g ləm ləm tɔ.

Jeremi 32:34

Deḛ d’unda magəje lə dee gə́ to kḛji mee kəi gə́ rim ɓar dɔ’g gə mba kar kəi neelé mina̰ ne.

Jeremi 44:4

Ma m’ula kuraje ləm lai gə́ to njéteggintaje rɔ sí’g, ma m’ula dee un kudee gə ndɔ rad ya mba kar dee d’ula sí pana: Raje néje gə́ mina̰ gə́ m’ə̰ji dee bəḭ-bəḭ lé el.

Nɔ̰-ndôo gə́ wɔji dɔ Jerusalem 2:17

Njesigənea̰ ra to gə́ yeḛ wɔji mée’g kédé lé ya. Taje gə́ yeḛ pa kédé gə́ ləw lé kara Yeḛ tɔl bém tɔ, Yeḛ tuji loo lal koo ne kəmtondoo ləm, Yeḛ teli gə́ nékalrɔ lə njeba̰ ləi ləma, Yeḛ ar siŋga njékula kəmi ndooje lé Ḭ dɔ maree’d gə́ kédé-kédé ləm tɔ.

Nɔ̰-ndôo gə́ wɔji dɔ Jerusalem 2:21

Ŋganje gə ɓugaje lai ya rogo naŋg dan rəw’g, Ŋganəmje gə́ ma̰də gə basa lé d’wəi yoo-kiambas tɔ, Ndɔ oŋg’g ləi lé i tɔl dee ləm, I goré gwɔs dee lal koo ne kəmtondoo lə dee ləm tɔ.

Ejekel 11:18

Lée neelé ɓa d’a tel ree keneŋ ndá deḛ d’a kɔr magəje lai gə néje lai gə́ mina̰ kar dee godo keneŋ.

Ejekel 11:21

Nɛ deḛ gə́ meḛ dee lel dee dɔ magəje’g lə dee ləm, gə dɔ néra deeje gə́ mina̰’g ləm tɔ lé n’a kar ta néra deeje neelé tel oso dɔ dee’g, Mbaidɔmbaije gə́ Njesigənea̰ ɓa pa bèe.

Ejekel 23:28

Mbata Mbaidɔmbaije gə́ Njesigənea̰ pa togə́bè pana: Aa ooje, neḛ n’undai n’ilai meḛ ji deḛ gə́ i ə̰ji dee bəḭ-bəḭ’g ləm, meḛ ji dee gə́ i tel ndigi dee’g el ləm tɔ.

Ejekel 23:38

Aa ooje, né gə́ deḛ ra sə neḛ tɔɓəi: Mee ndəa’g nee ya d’ar loo lə neḛ gə́ to gə kəmee lé mina̰ ləm, deḛ d’ila ndɔl dɔ ndɔ-kwa-rɔje’g lə neḛ ləm tɔ.

Ejekel 23:39

Deḛ roo ŋgan deeje d’ar magəje lə dee, tɔɓəi mee ndəa’g neelé ya deḛ d’aw mee loo’g lə neḛ gə́ to gə kəmee mba kila ndɔl dɔ’g. Yee gə́ nee ɓa gə́ né gə́ deḛ ra mee kəi’g lə neḛ.

Ejekel 24:14

Neḛ Njesigənea̰ m’pata ndá né neelé a teḛ ya, n’a ra née ləm, n’a kya̰ gée el ləma, n’a koo kəmtondoo əsé n’a tel gə ndu neḛ el ləm tɔ. D’a gaŋg rəwta dɔi’g gə goo panjaai ləm, gə nérai ləm tɔ. Mbaidɔmbaije gə́ Njesigənea̰ ɓa pa bèe.

Ejekel 29:15

Yee a to ɓeeko̰ gə́ əḭ el unda mareeje ndá yee a tel kur dɔ ginkoji dəwje gə raŋg’g el ŋga ləm, n’a rəm sə dee mba kar dee dum dɔ ginkoji dəwje gə raŋg el ŋga ləm tɔ.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Ejekel 43:8

Deḛ d’ar loo gə́ tarəw’g lə dee to mbɔr ka̰ neḛ’g ləm, d’ar kag-tarəwje lə dee to mbɔr ka̰ neḛ’g ləm tɔ ndá ndògo-bɔrɔ ba gaŋg mbuna neḛ sə deeje, bèe ɓa deḛ d’ula ne sul dɔ ri neḛ gə́ to gə kəmee’g gə néraje gə́ mina̰ gə́ deḛ ra, gelee gə́ nee ɓa neḛ n’roo dee ne dula-dula dan oŋg’d lə neḛ gə mbəa.

Ejekel 44:7

Seḭ arje dəw-dɔ-ɓeeje gə́ meḛ dee tɔ kujita el ləm, deḛ lal kinja tamɔd dee ləm tɔ lé d’andə mee kəi’g lə neḛ gə́ to gə kəmee d’ila ndɔl dɔ’g, tɔɓəi seḭ unje muru lə neḛ gə ubu nékinjanéməsje gə məs to arje magəje lə sí lai gə́ mina̰ jɔmri-jɔmri ləm, seḭ gaŋgje ne kúla manrɔ lə neḛ ləm tɔ.

Ejekel 5:7

Gelee gə́ nee ɓa Mbaidɔmbaije gə́ Njesigənea̰ pa ne ta togə́bè pana: To gə́ seḭ alje ta areeje ur dɔ ka̰ ginkoji dəwje gə raŋg gə́ gugu dɔ sí sub lé ləm, to gə́ seḭ aaje dɔ ndukunje lə neḛ kər-kər el ləma, gə raje godnduje lə neḛ el ləm tɔ nɛ seḭ raje né gə goo godndu lə ginkoji dəwje gə raŋg gə́ gugu dɔ sí sub lé

Ejekel 7:20

Deḛ d’əsta dɔ nérab rɔje’g lə dee Gə́ mbərḛ mbə̰-mbə̰ ləm, Deḛ ndaji néje lə dee gə́ mina̰ jɔmri-jɔmri gə magə-poleje lə dee ləm tɔ. Gelee gə́ nee ɓa n’a karee tel to né gə́ to kḛji kəm dee’g,

Ejekel 7:4

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí el ləm tɔ. Nɛ n’a kar ta gə́ wɔji dɔ rəw-kaw sí wa dɔ sí ləm, néra sí gə́ mina̰ lé a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰ ya.

Ejekel 7:9

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí nda̰ el ləm, n’a kar ta gə́ wɔji dɔ rəw-kaw síje wa dɔ sí ləma, néra síje gə́ mina̰ a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰, yeḛ gə́ njekunda sí lé.

Ejekel 8:15

Yeḛ dəjim pana: Ma ŋgon-dəw lé see m’oo ya wa. M’a koo néje gə́ mina̰ gə́ raŋg gə́ boo ur dɔ njé gə́ nee gə́ deḛ ra ya ɓəi.

Ejekel 8:16

Tɔɓəi yeḛ ɔr nɔm aw səm mee gadloo’g mee kəi’g lə Njesigənea̰. Ndá aa oo, dəwje d’as rɔ-joo-gir-dee-mi d’aar tarəw kandə mee kəi’g lə Njesigənea̰ mbuna gel jala’g gə loo-kḭjanéməs’g. Deḛ tel gir dee d’ila d’ar kəi lə Njesigənea̰ ndá tel kəm dee par gə́ bər. Deḛ d’unda barmba par gə́ bər dəb kəm dee naŋg no̰ kàr’g.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ejekel 9:10

Neḛ kara n’a kar kəm neḛ kas ŋgɔgərɔ dɔ dee’g ləm, n’a koo kəmtondoo lə dee el ləm tɔ, n’a kar ta néra dee tel wa dɔ dee.

Ejekel 9:5

Yeḛ ula njé gə́ raŋg ta aree oso mbim’g pana: Awje gée’g mee ɓee-boo’g aw tɔlje dəwje ya. Arje kəm sí kas ŋgɔgərɔ dɔ dee’g ɓó ooje kəmtondoo lə dee el.

Ləbije 15:31

Bèe ɓa seḭ a karje Israɛlje saa ne rɔ dee rəw dɔ néje gə́ ar dee mina̰ ne, nà ɓó lé d’ar kəi ləm gə́ to gə kəmee, gə́ to mbuna dee’g lé tel to né gə́ mina̰ ndá d’a kwəi dan némina̰je’g lə dee ya.

Amɔs 8:7

Njesigənea̰ man rəa gə goo rɔnduba lə Jakob pana: Tɔgərɔ ya, n’a kar mee neḛ wəi dɔ néra deeje gə́ kára kara el.

Jakari 11:6

Mbata n’a koo kəmtondoo lə dəwje gə́ mee ɓee’g neelé el ŋga, Njesigənea̰ ɓa pa bèe. Nɛ aa ooje, n’a kya̰ dee ji na̰’d gə́ yo gə́ nee ləm, n’a kya̰ na̰ na̰ kara ji mbai’g ləa-ləa ləm tɔ. D’a tuji ɓee neelé nɛ n’a taa dəw kára kara ji dee’g el.

Malasi 3:17

Njesigənea̰ gə́ njeboo-néje lé pana: D’a to koso-dəwje gə́ to ka̰ ma ya mee ndəa gə́ m’wa dɔ gɔlee’g lé. M’a koo kəmtondoo lə dee to gə́ dəw oo ne kəmtondoo lə ŋgonee gə́ ra né aree bèe.

Njé gə́ Rɔmə 11:12

Bèe ndá ɓó lé koso lə dee tel to nébao lə naŋg nee ləm, rəm lə dee tel to nébao lə njépole-magəje ləm tɔ ndá see lam gə́ d’a gə lam rɔ dee tel kaar tar jigiri lé see a to né gə́ maji dum unda nje gə́ kédé el wa.

Njé gə́ Rɔmə 11:21

Mbata ɓó lé Ala tuga barkəm kagɓeeje ɓó ɔr kəmee goo dee’g el, nɛ ɓəd ɓa i gə́ to kag mee kɔr lé see a lal tugai loo gə́ ra’g wa.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Tel tura Godndu 29:20

Njesigənea̰ a kɔr kəmee kundá ɓəd mbuna ginkoji Israɛlje’g lai kar némeeko̰ teḛ dəa’g gə goo ta ndɔlje lai gə́ ka̰ manrɔ gə́ ndaŋg taree mee maktub godndu’g lé ya.

Ǝbrəje 6:13

Loo gə́ Ala un ndia ar Abrakam ndá yeḛ man rəa gə ria-yeḛ nja mbata dəw gə́ njekur dəa’g godo