Ejekel 5:1 - Maktub gə́ To gə Kəmee

¹ Ma ŋgon-dəw lé maji kam m’un né gə́ adə làm-làm to gə́ yiŋga lə njḛdisa mbaita bèe, m’un m’ndisa ne dɔm gə mbaitam. Tɔɓəi maji kam m’un nékwɔji-kwɔi lə néje m’kai ne yiŋga lé loo munda.

Ejekel 5:1 ပူးပေါင်းရင်းမြစ်များ

Esai 7:20

Mee ndəa’g neelé Mbaidɔmbaije a ndima yiŋga gir baa gə́ nu Rɔ mbai gə́ Asiri’g Mba ndisa ne dɔ dəw ləm, gə bḭ gɔlee ləm tɔ. Tɔɓəi yeḛ a ndisa ne mbai təa tɔ.

Jeremi 19:1

Njesigənea̰ pa togə́bè pana: Aw rɔ njekubajo’g aw ndogo səa jo. Ar ŋgatɔgje lə koso-dəwje ləm, gə ŋgatɔgje lə njékinjanéməsje ləm tɔ d’aw səi na̰’d.

Ejekel 4:1

Ma ŋgon-dəw lé maji kam m’un dərŋgel kára m’ila nɔm’g ndá m’a ndaji ɓee-boo gə́ Jerusalem dɔ’g.

Ejekel 44:20

D’a ndisa dɔ dee ŋgori-ŋgori el ləm, d’a kya̰ yiŋga dɔ dee karee ŋgal pɔ-pɔ el ləm tɔ, nɛ d’a kinja yiŋga dɔ dee gə́ kinja.

Loo gə́ killa rea kəm Daniel’g 5:27

TEKEL: Yeḛ wɔji kwɔi ləi dɔ nékwɔji kwɔi lə né’g ndá oo to gə́ i wɔilɔ pélé-pélé.

Ləbije 21:5

Njékinjanéməsje d’a ndisa dəb dɔ dee el ləm, d’a ndisa kil mbai ta dee el ləma, d’a tḭja ndaji rɔ dee’g kwa ne ndòo yoo el ləm tɔ.