Ejekel 48:9 - Maktub gə́ To gə Kəmee

⁹ Dəb loo gə́ seḭ a kundaje gə kəmee mbata lə Njesigənea̰ lé ŋgalee a k’as kəmkil dəw tɔl-dɔg-loo rɔ joo giree-mi (25.000) ləm, tadee a k’as kəmkil dəw tɔl-dɔg-loo dɔg (10.000) ləm tɔ.

Ejekel 48:9 ပူးပေါင်းရင်းမြစ်များ

Ejekel 44:28

Aa oo, né ka̰ dee-deḛ gə́ d’a gə kiŋga ɓa nee: To neḛ nja ɓa n’a to né gə́ wɔji dɔ dee. Seḭ a kar deeje loo gə́ wɔji dɔ dee mee ɓee gə́ Israɛl el, neḛ ɓa n’a to né ka̰ dee.

Ejekel 45:1

Loo gə́ seḭ a raje tḛ́ kaije ne na̰ ɓee karee to gə́ né ka̰ sí ka̰ sí lé ndá seḭ a kaije dəb ɓee karje ŋgalee as kag-kwɔji-né tɔl-dɔg-loo rɔ joo giree-mi (25.000) ləm, tadee as kag-kwɔji-né tɔl-dɔg-loo dɔg (10.000) ləm tɔ, kundaje gə́ nékar gə́ to gə kəmee mbata lə Njesigənea̰, loo neelé lai a to loo gə́ to gə kəmee.

Ejekel 48:10

Dəb loo gə́ to gə kəmee neelé a to ka̰ njékinjanéməsje, debee gə́ dɔgel as kəmkil dəw tɔl-dɔg-loo rɔ joo giree-mi (25.000) ləm, tadee gə́ par gə́ dɔ-gó as kəmkil dəw tɔl-dɔg-loo dɔg (1.000) ləm, tadee gə́ par gə́ bər as kəmkil dəw tɔl-dɔg-loo dɔg (10.000) ləma, ŋgalee gə́ par gə́ dɔkɔl as kəmkil dəw tɔl-dɔg-loo rɔ joo giree-mi (25.000) ləm tɔ, ndá loo lə Njesigənea̰ gə́ to loo gə́ to gə kəmee lé a to dana bab.

Ejekel 48:8

Mbɔr rəw-nim’g lə Judaje un kudee bər saar teḛ dɔ-gó lé a to loo gə́ seḭ a kya̰je kar tadee as kəmkil dəw tɔl-dɔg-loo rɔ joo giree-mi (25.000) ləm, ŋgalee a kasəna gə dəb loo gə́ kára un kudee bər saar teḛ dɔ-gó ləm tɔ, ndá loo gə́ to gə kəmee a to dana bab.

Jujé 21:2

Deḛ d’ula dee ta mee ɓee gə́ Silo dɔ naŋg gə́ Kana̰ pana: Njesigənea̰ un ndia gə ndu Moyis mba kar dee d’ar sí ɓee-booje gə mba si keneŋ ləm, gə looje gə́ gugu dɔ dee mbata nékulje lə sí ləm tɔ.