Ejekel 48:14 - Maktub gə́ To gə Kəmee

¹⁴ Deḛ d’a kaskəm ndogo el ləm, d’a mbél ne maree el ləma, kandə néje gə́ dɔtar gə́ mee ɓee’g neelé d’a kar njé gə́ raŋg el ləm tɔ mbata to néje gə́ d’unda gə kəmee d’ar Njesigənea̰ ya.

Ejekel 48:14 ပူးပေါင်းရင်းမြစ်များ

Teḛ-Raga 22:29

Seḭ a kamje ŋgandər maŋgje lə sí ləm, gə ka̰ badje lə sí ləm tɔ, deḛ d’a nai gel ko̰ deeje’g ya ndɔ siri, ndɔ gə́ njekɔm’g jinaijoo ndá seḭ a kam deeje ya.

Teḛ-Raga 23:19

Dɔ kó gə́ ər dɔtar gə́ seḭ iŋgaje mee ndɔ’g lə sí kédé lé seḭ a reeje ne kəi lə Ala lə sí gə́ Njesigənea̰ ya. Seḭ a ndirije ŋgon bya̰ gə mbà kea̰je el.

Ejekel 48:12

Dəb ɓee neelé a to loo gə́ to gə kəmee doi gə́ gaŋg debee loo gə́ d’ar Ləbije ləm, a to mbɔr rəw-nim’g lə Ləbije ləm tɔ.

Ejekel 48:13

Ləbije d’a kiŋga loo ka̰ dee karee wa boa ta na̰ gə ka̰ njékinjanéməsje ndá ŋgalee a k’as kəmkil dəw tɔl-dɔg-loo rɔ joo giree-mi (25.000) ləm, tadee a kaskəm kəmkil dəw tɔl-dɔg-loo dɔg (10.000) ləm tɔ, ŋgalee lai a k’as kəmkil dəw tɔl-dɔg-loo rɔ joo giree-mi (25.000) ləm, tadee a k’as kəmkil dəw tɔl-dɔg-loo dɔg (10.000) ləm tɔ.

Ləbije 23:20

Njekinjanéməs a ra da nékinjanéməsje neelé no̰ Njesigənea̰’g mba kunda gə kəmee na̰’d gə muru dɔ kó gə́ doŋgɔr ləm, gə ŋgan badje gə́ joo lé ləm tɔ, d’a kunda dee gə kəmee mbata lə Njesigənea̰ ləm, d’a to ka̰ njekinjanéməs ləm tɔ.

Ləbije 25:32

Nɛ ta gə́ wɔji dɔ kəije lə Ləbije gə́ to mee ɓee-booje’g lə dee lé, Ləbije d’a kaskəm tel kuga dɔ dee gə mee ləbje kára kára lai, saar-saar gə no̰.

Ləbije 25:34

Loo-ndɔje gə́ gugu dɔ ɓee-si Ləbije lé d’a kaskəm kwa ndogo el, mbata to gə́ ka̰ dee-deḛ ya saar-saar gə no̰.

Ləbije 27:28

Tɔɓəi né gə́ ban-ban gə́ dəw a kun ndia dɔ’g mba kɔree kundá gə kəmee kar Njesigənea̰ mbuna néje’g ləa lé, d’a kaskəm rab ndogo el ləm, əsé kuga dəa el ləm tɔ. Lé to gə́ dəw əsé da əsé loo-ndɔ ləa kara néje lai gə́ dəw un ndia dɔ’g mba kunda gə kəmee neelé a to gə kəmee gə́ ka̰ Njesigənea̰ ya doŋgɔ doi.

Njé gə́ Rɔmə 8:23

Deḛ neelé ɓa gə kar dee el, nɛ jeḛ gə́ j’isi gə Ndil gə́ tɔl meḛ sí bujuru lé kara jeḛ m’tuma̰ ŋgururu-ŋgururu sə dee na̰’d, ŋgina ne ndɔ gə́ Ala a kuga dɔ darɔ sí tel sí ne gə́ ŋgan ɓaaje ləa.