Ejekel 48:11 - Maktub gə́ To gə Kəmee

¹¹ Dəb loo neelé a to ka̰ njékinjanéməsje gə́ d’unda dee gə kəmee gə́ to gel-bɔje lə Sadɔk gə́ d’aar njaŋg ra ne kula mee loo’g lə neḛ gə́ to gə kəmee ɓó deḛ d’uba Ala d’yá̰ mee ndəa gə́ Israɛlje d’ubá d’yá̰ bèe lé el.

Ejekel 48:11 ပူးပေါင်းရင်းမြစ်များ

Ejekel 14:11

mba kar gel-bɔje lə Israɛl ndəm d’ya̰ neḛ d’aw əw gogo el ŋga ləm, d’ar kaltaje lə deḛ lai lé ar rɔ dee mina̰ ne gogo el ŋga ləm tɔ. Yen ɓa deḛ d’a to ne koso-dəwje lə neḛ ləm, neḛ nja n’a to ne Ala lə dee ləm tɔ, Mbaidɔmbaije gə́ Njesigənea̰ ɓa pa bèe.

Ejekel 40:46

tɔɓəi ŋgon kəi gə́ təa to par gə́ dɔgel lé to mbata njékinjanéməsje to gə́ to njékaa dɔ loo-nékinjanéməsje ləm tɔ. Deḛ neelé to ŋgaka Sadɔk mbuna ŋgaka Ləbije’g lé deḛ ɓa to njékaw pər gə́ rɔ Njesigənea̰’g mba ra né kaareeje.

Ejekel 43:19

I a kar njékinjanéməsje gə́ to Ləbije gə́ to gə́ ginka’g lə Sadɔk, deḛ gə́ d’aw rɔ neḛ’g ra né d’ar neḛ lé bɔ maŋg kára gə́ nékinjaməs gə́ ka̰ kuga dɔ kaiya. Mbaidɔmbaije gə́ Njesigənea̰ ɓa pa bèe.

Ejekel 44:10

Tɔɓəi Ləbije gə́ d’uba neḛ d’ya̰ neḛ loo gə́ Israɛlje ndəm d’uba neḛ d’ya̰ neḛ d’aw ndolè goo magəje lə dee lé ta néra kori-kori lə dee lé d’a kuba pəree ya.

Ejekel 44:12

Mbata deḛ ra kula d’ar dee no̰ magəje’g lə dee ləm, d’ar gel-bɔje lə Israɛl d’oso ne dan kaiya’g ləm tɔ, gelee gə́ nee ɓa neḛ manrɔ neḛ n’un ne ji neḛ gə́ tar dɔ dee’g, Mbaidɔmbaije gə́ Njesigənea̰ pana: Ta néra kori-kori lə dee lé d’a kuba pəree ya.

Ejekel 45:4

Dəb ɓee neelé to loo gə́ to gə kəmee, yee a to ka̰ njékinjanéməsje gə́ njéra kula loo gə́ to gə kəmee’gje lé deḛ gə́ njékaw pər gə́ rɔ Njesigənea̰’g ra né kaareeje, lé neelé ɓa kəije lə dee a to keneŋ ləm, a to loo gə́ to gə kəmee mbata lə loo gə́ to gə kəmee doi lé ləm tɔ.

Ejekel 48:12

Dəb ɓee neelé a to loo gə́ to gə kəmee doi gə́ gaŋg debee loo gə́ d’ar Ləbije ləm, a to mbɔr rəw-nim’g lə Ləbije ləm tɔ.

Ləbije 8:35

Gelee gə́ nee ɓa seḭ a naije tarəw kəi-kubu-kiŋga-na̰’g lé as ndɔ sí siri dan kàrá gə loondul’g tɔɓəi seḭ a raje ne torndu Njesigənea̰ mba kar sí wəije ne el, mbata yee neelé ɓa gə́ ndukun gə́ yeḛ un am ya.

1 Piɛrə 5:4

Loo gə́ mbai gə́ njekulbadje lé a kunda loo teḛ ndá seḭ a kiŋgaje dɔgugu gə́ a go̰dərɔ el gə́ yeḛ a kula ne rɔnduba dɔ sí’g.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.