Ejekel 47:18 - Maktub gə́ To gə Kəmee

¹⁸ Dəb loo gə́ bər a to baa gə́ Jurdɛ̰ mbuna Habran gə Damas gə Galaad ləm, gə ɓee lə Israɛlje ləm tɔ, seḭ a kwɔjije un kudee rəw-nim gə́ dɔgel saar teḛ baa-boo-kad gə́ to par gə́ bər, yee ɓa a to dəb loo gə́ bər.

Ejekel 47:18 ပူးပေါင်းရင်းမြစ်များ

Gḭ-Néje 13:10

Lɔt un kəmee gə́ tar ndá yeḛ oo loo gə́ təb mee ndag-loo gə́ Jurdɛ̰ lai gə́ mu idi keneŋ lururu. Kédé gə́ Ala tuji Sɔdɔm gə Gɔmɔr el ɓəi lé, un kudee lé gə́ neelé saar teḛ Soar lé to asəna gə loo-ndɔ lə Njesigənea̰, asəna gə ɓee gə́ Ejiptə bèe.

Gḭ-Néje 13:11

Lɔt lé unda kəm loo mee ndag-loo gə́ Jurdɛ̰ lai gə́ kea̰-yeḛ ndá yeḛ aw par gə́ bər. Togə́bè ɓa deḛ d’ya̰ ne goo na̰.

Gḭ-Néje 31:23

Yeḛ wa ŋgakea̰je ɔm dee gée’g ar dee d’un dɔ gɔl Jakob ndɔ dee siri ɓa teḛ dəa’g dɔ mbal gə́ Galaad ɓəi.

Gḭ-Néje 31:47

Laba̰ unda ri loo neelé lə Jegar-Sahaduta nɛ Jakob unda ria lə Galed.

Gḭ-Néje 37:25

Gée gə́ gogo ndá deḛ d’isi naŋg mba sɔ né. Loo gə́ d’un kəm dee gə́ tar ndá d’oo Ismaelje gə́ d’ḭ Galaad. Deḛ d’ɔm kuma̰je gə́ ə̰də sululu ləm, gə no̰ kagje ləma, gə ubu timbá ləm tɔ dɔ jambalje’g lə dee d’isi d’aw ne Ejiptə.

Maktub gə́ wɔji dɔ Jɔb 40:23

Ɓó lé mán bèlm ḭ taa loo kara yee ɓəl el ləm, Loo gə́ baa gə́ Jurdɛ̰ ula saar teḛ təa’g kara yee si lɔm ləm tɔ.

Jeremi 50:19

M’a tel gə Israɛlje ree sə dee Loo-si dee’g gogo, D’a kiŋga loo-ko̰-mu lə dee Gə́ to Karmel gə Basan Ndá nésɔ a kas dee nag-nag Dɔ mbal gə́ Eprayim ləm, Gə mee ɓee gə́ Galaad ləm tɔ.

Ejekel 47:16

gə Amat, gə Berota, gə Sibrayim mbuna rəw-nim ɓee gə́ Damas ləm, gə rəw-nim ɓee gə́ Amat gə Hatjer-Hatikon par gə́ rəw-nim ɓee gə́ Habran ləm tɔ,

Joɛl 2:20

M’a kɔs njéba̰je lə sí gə́ par gə́ dɔgel lé rəw no̰ sí’g ləm, M’a tuba dee par gə́ dɔdilaloo’d Gə́ tudu kurum-kurum ləm Kar deḛ gə́ njékɔrno̰ deeje D’oso dan baa-boo-kad’g par gə́ bər ləma, Kar njékaa goo deeje D’a koso dan baa-boo-kad’g par gə́ dɔ-gó ləm tɔ. D’a ndum kar nin dee ə̰də mbo̰ ləm, Ndum dee a kḭ kaar tar dan lel’g ləm tɔ Mbata deḛ ra sə sí némajelje gə́ boo.

Bula lə Israɛlje 32:1

Ginkoji Rubḛje gə ginkoji Gadje lé deḛ to njénékulje gə́ bula digi-digi, tɔɓəi deḛ d’oo to gə́ ɓee gə́ Jajer gə ɓee gə́ Galaad lé to loo gə́ maji mbata nékulje.

Bula lə Israɛlje 34:10

Seḭ a kwɔjije rəw-nim-ɓee lə sí par gə́ bər un kudee Hasar-Enan saar Sepam tɔ,

Njéga̰g-Rəwtaje 10:8

Deḛ neelé d’ula kəm Israɛlje ndòo rəd dee ne naŋg mee ləb’g neelé, kula kəm loo ndòo neelé wɔi dɔ Israɛlje lai’d gə́ d’isi kel tura-baa gə́ Jurdɛ̰’g, dɔ naŋg ɓee lə Amɔrje gə́ to mee ɓee gə́ Galaad lé as ləb dɔg-giree-jinaijoo.