Ejekel 47:10 - Maktub gə́ To gə Kəmee

¹⁰ Njékɔs-ka̰jije d’a kaar dɔ koŋgeeje’g, d’a naji buraje un kudee En-Gedi saar teḛ En-Eglayim, ka̰jije gə́ gə gel dee gel dee d’a to keneŋ asəna gə ka̰jije gə́ to baa-boo-kad gə́ boi bèe ndá d’a bula digi-digi.

Ejekel 47:10 ပူးပေါင်းရင်းမြစ်များ

Matiyo 4:19

Maji kar sí unje goom ndá ma nja m’a ndoo sí kar sí gərje rəw ndo̰ dəwje.

Pakɔsje 104:25

Aa oo, mán baa-boo-kad lé boi ləm, gə tad ləm tɔ, Ŋgan daje gə daje gə́ boi-boi kara D’aw ne dɔ na̰’d wur-wur keneŋ.

Bula lə Israɛlje 34:6

Rəw-nim-ɓee lə sí gə́ par gə́ dɔ-gó lé a to baa-boo-kad gə́ boi, yee ɓa a to rəw-nim-ɓee lə sí gə́ par gə́ dɔ-gó ya.

Mark 1:17

Jeju ula dee pana: Unje rəw goom’g ndá m’a tel sí gə́ njḛ́do̰-dəwje.

Ejekel 48:28

Mbɔr rəw-nim’g lə Gadje par gə́ bər saar dɔkɔl lé rəw-nim ɓee a kḭ Tamar kaw saar teḛ manje gə́ Meriba gə́ to Kades ləm, saar teḛ kəm-rəw-mán gə́ to par gə́ baa-boo-kad’g lé ləm tɔ.

Ejekel 47:15

Aa ooje, rəw-nimje lə ɓee lé ɓa nee: Kel loo gə́ dɔgel ndá un kudee baa-boo-kad gə́ boi’g a dəs gə́ rəw gə́ Hetlon saar teḛ Sedad,

2 Sôrta Gḭka Israɛlje 20:2

Deḛ ree d’ula Josapat taree pana: Njérɔje bula digi-digi d’ḭ kel tura-baa-boo-kad’g nu ləm, gə Siri ləm tɔ d’aw gə́ nee mba rɔ səi ndá deḛ teḛ Hasaso̰-Tamar dɔ naŋg gə́ En-Gedi mba̰.

Ejekel 26:5

Yee a tel to loo-naji-buraje, mbata neḛ nja m’pata, Mbaidɔmbaije gə́ Njesigənea̰ ɓa pa bèe. Yee a tel to nékwa lə ginkoji dəwje gə raŋg ya.

Esai 49:20

Ŋgan síje gə́ seḭ oji deeje gogo lé D’a tel pata mbi sí’g pana: Loo lé as neḛje el, Arje neḛje loo Gə mba kar neḛ n’isije keneŋ.

Esai 49:12

Aa oo deeje, D’ḭ əw ɓa ree, Njé gə́ na̰je d’ḭ dɔgel gə dɔ-gó ləm, Njé gə raŋg d’ḭ ɓee gə́ Sinim ləm tɔ!

Jujé 23:4

Aa ooje, dɔ naŋg lə ginkoji dəwje gə raŋg gə́ nai neelé, un kudee baa gə́ Jurdɛ̰, na̰’d gə dɔ naŋg lə ginkoji dəwje gə raŋg gə́ ma m’tuji dee nee saar m’teḛ ne baa-boo-kad gə́ boi gə́ par gə́ loo kur naŋg’d lə kàr gə́ ma m’ar sí gə́ né ka̰ sí-seḭ gə goo nékwɔji lée gə́ to asəna gə téḛ bèe ləm, gə goo ginkojije lə sí ləm tɔ.

Jujé 15:62

gə Nibsan, gə Ir-Hamelah, gə En-Gedi, ɓee-booje misa̰ gə ɓee-kogoje lə dee.

Gḭ-Néje 14:7

Tɔɓəi deḛ d’ɔs tel gogo ree En-Mispat gə́ to Kades ndá deḛ dum dɔ Amalekje dɔ naŋg lə deḛ lai ləm, gə Amɔrje gə́ d’isi Hasaso̰-Tamar ləm tɔ.

1 Samel 24:1

Dabid ḭ lée’g neelé aw looje gə́ siŋ siŋ-siŋ’d gə́ to En-Gedi ɓa si keneŋ.

Esai 19:8

Njékɔs ka̰jije d’a jém ta gə ŋgan gwɔs dee ləm, Deḛ lai gə́ d’ila kii dan baa’g neelé D’a no̰ gə mán-no̰ kəm dee’g ləma, Njékila bura mán’gje neelé D’a si gə kəmndoo ləm tɔ.

Ejekel 26:14

N’a kari to asəna gə mbal gə́ to kari péd-péd bèe, i a tel to loo-naji-buraje, d’a tel rai gogo el ŋga. Mbata neḛ Njesigənea̰ nja m’pata, Mbaidɔmbaije gə́ Njesigənea̰ ɓa pa bèe.

Ejekel 47:19

Dəb loo gə́ dɔkɔl gə́ to par gə́ dɔkɔl lé a kun kudee Tamar saar teḛ manje gə́ Meriba gə́ to Kades saar teḛ kəm-rəw-mán’g par gə́ baa-boo-kad gə́ boi’g lé, yee ɓa a to dəb loo gə́ dɔkɔl.