Ejekel 41:4 - Maktub gə́ To gə Kəmee

⁴ Yeḛ wɔji duu kəi gə́ to gə kəmee ndá ŋgalee as kəmkil dəw rɔ-joo ləm, tadee as kəmkil dəw rɔ-joo ləm tɔ, tɔɓəi yeḛ ulam pana: Loo neelé ɓa to loo gə́ to gə kəmee doi ya.

Ejekel 41:4 ပူးပေါင်းရင်းမြစ်များ

1 Mbaije 6:16

Deḛ gaŋg rudu kəi gə́ to gə kəmee as kəmkil dəw rɔ-joo tɔs kag-sɛdrəje gə́ tɔl dee keneŋ, un kudee naŋg saar aw ne kaar kəi gə́ tar ndá deḛ d’ya̰ ne loo mba ra ne kəi gə́ to gə kəmee gə́ to loo gə́ to gə kəmee doi lé tɔ.

1 Mbaije 6:20

Loo gə́ to gə kəmee doi lé ŋgalee as kəmkil dəw rɔ-joo ləm, tadee as kəmkil dəw rɔ-joo ləma, dəree gə́ ḭ gə́ tar as kəmkil dəw rɔ-joo ləm tɔ. Salomo̰ ar dee d’ɔr giree gə larlɔr gə́ àr ŋgad-ŋgad. No̰ loo gə́ to gə kəmee’g lé deḛ ra loo-nékinjaməs keneŋ gə kag-sɛdrəje ndá d’ɔr giree gə larlɔr.

1 Mbaije 6:5

Yeḛ unda kəije dɔ maree’g-maree’d gə́ rḛdə gə kaar kəi mbiao̰ aree gugu ne dɔ kəi gə́ to gə kəmee ləm, gə kəi gə́ to gə kəmee doi ləm tɔ, tɔɓəi yeḛ gaŋg mée gugu ne dəa tɔ.

1 Mbaije 7:50

Bai-gelje gə́ ka̰ togo rɔ gə kiaje Gə baije gə ka-larje gə əb-pər gə́ ra gə larlɔr gə́ àr ŋgad-ŋgad, Kula larje gə́ ka̰ tɔ tabidi-rəwkəije gə́ ra gə larlɔr Mbata mée gə́ kəi gə́ to tarəwkəi gə́ to gə kəmee doi ləm, Gə mbata tabidi rəw-kəi gə́ to tarəwkəi lə kəi-si-Ala gə́ to gə kəmee ləm tɔ.

1 Mbaije 8:6

Njékinjanéməsje d’un sa̰duk-manrɔ lə Njesigənea̰ lé d’aw d’unda loo’g ləa gə́ to kəi gə́ to gə kəmee doi gel bag néndaji Nékundaje gə́ dara’g.

2 Sôrta Gḭka Israɛlje 3:8

Deḛ ra kəi gə́ to gə kəmee doi, ŋgalə gə́ as tad kəi béréré lé as kəmkil dəw rɔ-joo ləm, tadee kara as kəmkil dəw rɔ-joo ləm tɔ. Deḛ d’ɔr gə larlɔr gə́ àr ŋgad-ŋgad gə́ kwɔi ləa as nékwɔji kwɔi-lə-né tɔl-dɔg-loo-rɔ-joo (20.000),

2 Sôrta Gḭka Israɛlje 5:7

Njékinjanéməsje d’un sa̰duk-manrɔ lə Njesigənea̰ lé d’aw d’unda mee loo gə́ wɔji dəa gə́ to mee kəi’d gə́ to gə kəmee doi, gel bag néndaji Nékundaje gə́ dara’g lé.

Ejekel 41:23

Kəi gə́ to gə kəmee gə loo gə́ to gə kəmee doi lé tarəwje joo to keneŋ.

Loo gə́ killa rea kəm Ja̰’g 21:16

Ɓee-boo neelé to dɔmbul ar ŋgalee gə tadee d’asəna ya. Yeḛ wɔji ɓee-boo neelé gə kag-kwɔji-né ndá ŋgalee as kuruloo tɔl-dɔg-loo dɔg-giree-joo. Ŋgalee ləm, gə tadee ləma, gə dəree gə́ tar ləm tɔ lé d’asəna.