Ejekel 41:22 - Maktub gə́ To gə Kəmee

²² Loo-nékinjaməs lé deḛ ra gə kag ndá dəree gə́ tar as kəmkil dəw munda ləm, ŋgalee as kəmkil dəw joo ləm tɔ. Kileje, gə gɔleeje, gə debeeje lé ra gə kag. Dəw neelé ulam pana: Né neelé to tabul gə́ to no̰ Njesigənea̰’g.

Ejekel 41:22 ပူးပေါင်းရင်းမြစ်များ

1 Mbaije 6:20

Loo gə́ to gə kəmee doi lé ŋgalee as kəmkil dəw rɔ-joo ləm, tadee as kəmkil dəw rɔ-joo ləma, dəree gə́ ḭ gə́ tar as kəmkil dəw rɔ-joo ləm tɔ. Salomo̰ ar dee d’ɔr giree gə larlɔr gə́ àr ŋgad-ŋgad. No̰ loo gə́ to gə kəmee’g lé deḛ ra loo-nékinjaməs keneŋ gə kag-sɛdrəje ndá d’ɔr giree gə larlɔr.

1 Mbaije 6:22

Kəi gə́ to gə kəmee lé deḛ d’ɔr mée gə larlɔr togə́bè ya bura, tɔɓəi deḛ d’ɔr gir loo-nékinjaməs gə́ to loo gə́ to gə́ kəmee’g lé gə larlɔr ya bura tɔ.

1 Mbaije 7:48

Salomo̰ ra nékulaje gə́ raŋg lai ya tɔɓəi mbata kəi lə Njesigənea̰: Loo-nékinjaməs gə́ ra gə larlɔr, Tablə gə́ ra gə larlɔr mba kunda muru gə́ to gə kəmee dɔ’g,

2 Sôrta Gḭka Israɛlje 4:19

Nékulaje gə́ raŋg lai gə́ Salomo̰ ra togə́bè mbata kəi lə Njesigənea̰ lé as bèe: Gə loo-nékinjaməs gə́ yeḛ ra gə larlɔr ləm, Gə tabulje gə́ ka̰ kunda pil muru gə́ to gə kəmee dɔ’g ləm tɔ,

Teḛ-Raga 25:23

D’a ra tabul gə kag akasia, ŋgalee a k’as kəmkil dəw joo ləm, tadee a k’as kəmkil dəw kára ləma, dəree a k’as kəmkil dəw kára gə gesee ləm tɔ.

Teḛ-Raga 30:8

Yeḛ a tuu né dɔ’g loo gə́ kàr a gə kandə togə́bè tɔ, loo gə́ yeḛ a gə kunda pər pərndɔje’g lé. Yee gə́ bèe ɓa d’a tuu ne né gə́ ə̰də sululu no̰ Njesigənea̰’g saar-saar gə no̰ mbuna ŋgakadɔg síje’g ya,

Gosota-Kəmkàrje 9:2

Yeḛ tḭja gwɔs nékulje ləa ləm, Pélé mán-nduú ləa mḭ na̰’d ləma, Gɔl loo-nésɔ ləa ləm tɔ.

Pa gə́ ur dɔ paje 1:12

Loo gə́ mbai ləm Si gə ta ka-nésɔ’gə́ ləa ya ɓəi ndá Ubu ndam gə́ m’ndèm lé Baḭyee ə̰də sululu taa loo pəl-pəl.

Ejekel 23:41

I si dɔ tira gə́ maji péd-péd’g no̰ loo gə́ tabul to keneŋ ndá dɔ tabul’g neelé i unda né lə neḛ gə́ ə̰də sululu gə ubu lə neḛ keneŋ.

Ejekel 44:16

D’a kandə mee kəi’g lə neḛ gə́ to gə kəmee ləm, d’a ŋgəs pər gə́ mbɔr tabul’g lə neḛ mba ra kula kar neḛ ləma, d’a to njéra kula kar neḛje ləm tɔ.

Ləbije 24:6

I a ndur dee dɔ na̰’d misa̰-misa̰ loo joo dɔ tabul gə́ ra gə larlɔr gə́ àr ŋgad-ŋgad no̰ Njesigənea̰’g.

Malasi 1:12

Nɛ seḭ lé seḭ ulaje sul dɔ rim’g pajena: Loo-nékinjaməs lə Njesigənea̰ to né gə́ mina̰ ləm, néje gə́ to dɔ’g lé to nésɔje gə́ to kḛji ləm tɔ.

Malasi 1:7

Seḭ reeje gə nésɔje gə́ mina̰ loo-nékinjaməs’g ləm ndá seḭ pajena: See seḭ ulaje ne sul dɔm’g to gə́ ban wa. To loo gə́ seḭ pajena: Loo nékinjaməs lə Njesigənea̰ lé to né gə́ to kḛji.

1 Njé gə́ Kɔrḭtə 10:21

Seḭ asjekəm kaije né gə́ mee ŋgo-kai-né’g lə Mbaidɔmbaije gə korè gə ka̰ ndilje gə́ yèr na̰’d el ləm, seḭ asjekəm sije ta ka nésɔ’g lə Mbaidɔmbaije gə korè gə ka̰ ndilje gə́ yèr lé el ləm tɔ.

Loo gə́ killa rea kəm Ja̰’g 3:20

Aa oo, m’aar takəi’g m’unda ta bidi. Ɓó lé nana ɓa gə́ oo ndum ɔr takəi am ndá m’a kandə kəi ləa-yeḛ ləm, m’a ko̰ səa muru ləma, yeḛ kara a ko̰ səm muru ləm tɔ.

Loo gə́ killa rea kəm Ja̰’g 8:3

Kura gə́ dara gə́ raŋg ree aar no̰ loo-nékinjaməs’g gə bai-larlɔr jia’g. Deḛ d’aree néje gə́ ə̰də sululu ɓəd-ɓəd gə mba karee tuu dee ne na̰’d gə tamajije lə dəwje lai gə́ to gə kəmee loo-tuu-né gə́ ra gə larlɔr gə́ to no̰ kalimbai’g.