Ejekel 40:7 - Maktub gə́ To gə Kəmee

⁷ Ŋgan kəije kára-kára ndá ŋgal dee as kag-kwɔji-né kára ləm, tad dee as kag-kwɔji-né kára kára ləm tɔ. Ŋgan kəije neelé pən-loo gə́ mbuna dee’g tad as kəmkil dəw mi. Tarəwkəi gə́ naŋg gə́ to mbɔr loo-Kandə-mee-kəi’d gə́ to tarəwkəi’g kɔrɔg lé as kag-kwɔji-né kára tɔ.

Ejekel 40:7 ပူးပေါင်းရင်းမြစ်များ

1 Sôrta Gḭka-Israɛlje 23:28

D’ar dee d’aar mbɔr ŋgaka Aaro̰’g gə mba ra kula mee kəi’g lə Njesigənea̰ mba tɔs ne kəm dee bao-bao dɔ gadlooje’g gə ŋgan kəije’g ləm, gə mba togo ne néje lai gə́ to gə kəmee kar dee d’àr ŋgad-ŋgad ləm, gə mba ra ne kulaje gə́ wɔji dɔ mee kəi-Ala ləm,

1 Sôrta Gḭka-Israɛlje 9:26

Mbata deḛ gə́ sɔ gə́ to mbai dɔ njéŋgəm tarəwje neelé gə́ to Ləbije lé ra kula lə dee gə ndɔ dee ndɔ dee ləm, deḛ d’aa dɔ ŋgan kəije gə dɔ kəi-nébao lə Ala ləm tɔ,

2 Sôrta Gḭka Israɛlje 3:9

ŋgawlarje gə́ ka̰ ɓər né gə́ ra dee gə larlɔr lé kwɔi lə dee as ges nékwɔji kwɔi-lə-né. Deḛ d’ɔr ŋgan kəije gə́ dɔ maree’g tar lé gə larlɔr tɔ.

2 Sôrta Gḭka Israɛlje 31:11

Ejekias un ndia gə mba kar dee gɔl ŋgan kəije mee kəi’g lə Njesigənea̰ ndá deḛ gɔl dee ya tɔ.

Esdras 8:29

Maji kar sí síje kəmba, ŋgəmje néje neelé saar a kwɔjije kwɔi lə dee no̰ mbai dɔ njékinjanéməsje gə Ləbije’g, gə no̰ deḛ gə́ to mbai dɔ gel-bɔje lə Israɛlje gə́ d’isi mee ɓee gə́ Jerusalem mee ŋgon kəi gə́ to mee kəi’g lə Njesigənea̰ lé ɓa.

Jeremi 35:4

ndá m’ɔr no̰ dee m’aw sə dee kəi lə Njesigənea̰, mee ŋgon kəi gə́ to ka̰ ŋgalə Hanan, ŋgolə Jigdalia gə́ to dəw lə Ala, ŋgon kəi neelé to mbɔr ka̰ mbaije’g dɔ ŋgon kəi gə́ tar gə́ to ka̰ Maaséja, ŋgolə Salum, njeŋgəm tarəwkɔg lé.

Ejekel 40:10

Tarəw gə́ to par gə́ bər lé ŋgan kəije lə njéŋgəmlooje to keneŋ munda dəb kára’g ləm, munda dəb kára’g ləm tɔ, deḛ gə́ munda lai neelé tad dee gə ŋgal dee d’asəna, kag-tarəwje gə́ mbɔree gə́ kára gə mbɔree gə́ raŋg lé d’asəna ya tɔ.

Ejekel 40:21

Ŋgan kəije munda gə́ keneŋ dəb kára’g ləm, munda debee gə́ raŋg’d ləm, gə kag-tarəbeeje ləma, gə loo-Kandə-tarəw’gje ləm tɔ lé ŋgal dee gə tad dee asəna gə tarəwkəi gə́ kédé lé, ŋgal dee as kəmkil dəw rɔ-mi ləm, tad dee as kəmkil dəw rɔ-joo-giree-mi ləm tɔ.

Ejekel 40:29

Ŋgan kəije ləm, gə kag-tarəbeeje ləma, gə loo-Kandə-tarəw’gje ləm tɔ lé ŋgal dee gə tad dee asəna gə njé gə́ kédé lé tɔ. Tarəw neelé ləm, gə loo-Kandə-tarəwje gə́ keneŋ ləm tɔ lé kəmbolèje gugu dɔ dee sub ar ŋgal dee as kəmkil dəw rɔ-mi ləm, tad dee as kəmkil dəw rɔ-joo-giree-mi ləm tɔ.

Ejekel 40:33

Ŋgan kəije ləm, gə kag-tarəbeeje ləma, gə loo-Kandə-tarəwje ləm tɔ lé ŋgal dee gə tad dee asəna gə njé gə́ kédé lé tɔ. Tarəw neelé ləm, gə loo-Kandə-tarəwje gə́ keneŋ ləm tɔ lé kəmbolèje gugu dɔ dee sub ar ŋgal dee as kəmkil dəw rɔ-mi ləm, tad dee as kəmkil dəw rɔ-joo-giree-mi ləm tɔ.

Ejekel 40:36

ŋgan kəije gə kag-tarəbeeje gə loo-Kandə-tarəwje gə́ keneŋ lé to togə́bè ya ləm tɔ, kəmbolèje gugu dɔ dee sub ndá ŋgal dee as kəmkil dəw rɔ-mi ləm, tad dee as kəmkil dəw rɔ-joo-giree-mi ləm tɔ.

Ejekel 40:8

Yeḛ wɔji loo-Kandə-tarəw’d gə́ mée’g ndá as kag-kwɔji-né kára.

Ejekel 42:5

Ŋgan kəije gə́ dɔ maree’g tar lé tad lə dee as gə ka̰ njé gə́ gelee’g gə njé gə́ dana lé el mbata loo njaaje ɔr kəm dee ho̰d.