Ejekel 40:47 - Maktub gə́ To gə Kəmee

⁴⁷ Yeḛ wɔji gadloo ndá ŋgalee as kəmkil dəw tɔl (100) ləm, tadee as kəmkil dəw tɔl (100) ləm tɔ, debeeje lai asəna. Loo-nékinjaməs to takəi’g lé.

Ejekel 40:47 ပူးပေါင်းရင်းမြစ်များ

Teḛ-Raga 40:29

Tɔɓəi deḛ d’unda loo-nékinjaməs gə́ ka̰ roo né dɔ’g mbɔr tarəw kəi-kubu-kiŋga-na̰’g ndá deḛ d’inja nékinjaməs gə́ ka̰ roo ləm, deḛ d’un nékar gə́ to nduji ləm tɔ, to gə́ Njesigənea̰ un ne ndia ar Moyis lé ya.

Ejekel 40:19

Yeḛ wɔji tad lə loo gə́ un kudee tarəwkəi gə́ to bər saar teḛ ne loo gə́ raga’g lə gadloo gə́ mee kəi’g lé, ndá loo gə́ bər ləm, gə dɔgel ləm tɔ lé tad dee as kəmkil dəw tɔl-tɔl (100).

Ejekel 40:23

Gadloo gə́ mee kəi’g kɔrɔg lé tarəw to keneŋ par gə́ dɔgel njoroŋ ləm, tarəw gə́ kára to par gə́ bər ləm tɔ, pən-loo gə́ mbuna tarəwje’g neelé tad as kəmkil dəw tɔl (100).

Ejekel 40:27

Gadloo gə́ mee kəi’g kɔrɔg lé tarəbeeje to kel dɔkɔl, yeḛ wɔji pən-loo mbuna tarəwje’d gə́ to par gə́ kel dɔkɔl lé ndá as kəmkil dəw tɔl (100) tɔ.

Ejekel 41:13

Yeḛ wɔji kəi gə́ to gə kəmee doi lé ndá ŋgalee as kəmkil dəw tɔl (100). Pən-loo gə́ to kari ba ləm, gə kəi neelé ləma, gə ndògo-bɔrɔ gə́ keneŋ ləm tɔ lé ŋgal dee as kəmkil dəw tɔl (100) ya.