Ejekel 40:2 - Maktub gə́ To gə Kəmee

² Yeḛ unm aw səm keneŋ dan némḭdije’g ka̰ Ala ndá yeḛ undam dɔ mbal gə́ ŋgal léŋgé-léŋgé’g loo gə́ néje to keneŋ par gə́ dɔkɔl asəna gə kəije gə́ to mee ɓee-boo’g bèe.

Ejekel 40:2 ပူးပေါင်းရင်းမြစ်များ

1 Sôrta Gḭka-Israɛlje 28:12

Yeḛ tɔjee néje lai gə́ yeḛ wɔji mée’g mba ra gə́ wɔji ne dɔ gadlooje kəi lə Njesigənea̰ ləm, gə ŋgan kəije lai gə́ gugu dɔ kəi mbata nébaoje gə́ ka̰ kəi Ala ləm, gə nébaoje gə́ wɔji dɔ loo gə́ to gə kəmee doi lé ləm,

1 Sôrta Gḭka-Israɛlje 28:19

Dabid pana: Néje lai neelé to gə goo ndaŋgee gə́ Njesigənea̰ ndaŋg gə jia ɓa yeḛ am gosonégər gə mbata néje lai neelé gə goo nétɔjije gə́ wɔji dɔ dee dɔ dee.

Pakɔsje 48:2

Njesigənea̰ lé to gə́ boo ya, Yeḛ to gin ta pidije lai mee ɓee-boo’g lə Ala lə sí ləm, Gə dɔ mbal’g ləa gə́ to gə kəmee kəm tɔ.

Esai 14:13

I pa məəi’g pana: A kaw mee dara’g, I a kar kalimbai ləi to tar Dɔ kéréméje’g lə Ala, I a si dɔ mbal gə́ wɔji dɔ loo-mbo̰-dɔ-na̰’g Rudu loo’g par gə́ dɔgel.

Esai 48:2

Mbata deḛ d’unda ri ɓee-boo gə́ to gə kəmee dɔ dee’g ləm, Deḛ nduna rɔ dee rɔ Ala lə Israɛlje’d Gə́ ria lə Njesigənea̰ gə́ njeboo-néje ləm tɔ.

Ejekel 1:1

Mee ləb gə́ njekɔm’g rɔ-munda lé gə ndɔ mi lə naḭ gə́ njekɔm’g sɔ lé ndá, loo gə́ m’isi mbuna ɓərje’g mbɔr baa’d gə́ ria lə Kebar lé ndá, kəm dara teḛ am m’oo némḭdije gə́ d’ḭ rɔ Ala’g lé.

Ejekel 20:40

Mbata dɔ mbal lə neḛ gə́ to gə kəmee gə́ to mbal lə Israɛlje gə́ ŋgal lé lée neelé ɓa gel-bɔje lə Israɛl lai gə́ to deḛ lai gə́ d’isi mee ɓee’g neelé d’a kwa neḛ meḛ dee’g keneŋ, Mbaidɔmbaije gə́ Njesigənea̰ ɓa pa bèe, lé neelé ɓa n’a kwa dee gə́ rɔ neḛ’d gə́ majee keneŋ ləm, n’a ndigi nékarje lə sí gə́ to kandə nénojije lə sí gə́ doŋgɔr ləm, gə néje lai gə́ seḭ a kundaje gə kəmee kar neḛje lé ləm tɔ.

Ejekel 37:22

N’a kar dee tel to ginkoji dəwje gə́ kára ba mee ɓee’g dɔ mbalje gə́ Israɛl. Mbai lə dee a to gə́ kára ba ndá d’a to ginkojije gə́ ɓəd-ɓəd joo el ŋga ləm, ɓeeko̰ a kai rəa loo joo el ŋga ləm tɔ.

Ejekel 41:1

Yeḛ ɔr nɔm aw səm mee kəi gə́ to gə kəmee doi’g. Tɔɓəi yeḛ wɔji kag-tarəwje ndá debee kára tad as kəmkil dəw misa̰ ləm, debee gə́ raŋg tad as kəmkil dəw misa̰ ya ləm tɔ, yee ɓa to tadee lé.

Ejekel 43:12

Yee ɓa gə́ godndu gə́ wɔji dɔ kəi ya. Dɔ sém mbal’g lé gadloo lai gə́ gugu kəi neelé a to loo gə́ to gə kəmee doi. Yee ɓa gə́ godndu gə́ wɔji dɔ kəi lé ya.

Ejekel 8:3

Yeḛ ula né gə́ tana gə ji dəw bèe naŋg wa ne yiŋga dɔm. Ndil lé unm naŋg aw səm mbuna naŋg gə dara’g ndá yeḛ unm dan némḭdije gə́ ḭ rɔ Ala’g lé aw səm Jerusalem, tarəw gə́ mee kəi gə́ to par gə́ kel dɔgel, loo gə́ magə-kəmkəḭ gə́ ɔs gel kəmkəḭ lə Njesigənea̰ lé to keneŋ.

Loo gə́ killa rea kəm Daniel’g 7:1

Mee ləb ko̰ɓee’g dɔtar lə mbai Belsasar gə́ Babilɔn lé Daniel ni ar ndilee oo ne némḭdije loo gə́ yeḛ to dɔ tira-tée’g. Gée gə́ gogo, yeḛ ndaŋg ta ni lé ləm, ndaji kona tareeje ləm tɔ.

Loo gə́ killa rea kəm Daniel’g 7:7

Gée gə́ gogo loo gə́ né ram gə́ mḭdi loondul’g lé m’aa loo ndá aa oo, da gə́ njekɔm’g sɔ lé to ɓəl yaa̰ ləm, to ɓəl kədm-kədm ləma, sḭgakuba ləa al dɔ loo sula ləm tɔ. Ŋgaŋgeeje gə́ boi-boi lé to gə́ larndul ləm, yeḛ sɔ ne né ləm, təd ne né ləma, ges né gə́ nai lé yee tuba naŋg mbajila-mbajila ləm tɔ. Yee to ɓəd ɓó to asəna gə daje lai gə́ kédé lé el, tɔɓəi yee uba gajeeje dɔg tɔ.

Misee 4:1

Mee ndɔje gə́ aw ree’g lé. Ndá dɔ mbal gə́ wɔji dɔ kəi lə Njesigənea̰ lé D’a tum ginee dɔ sém mbalje’g, Yee a kḭ dəs dɔdərloo gə́ tar Ndá koso-dəwje d’a kaḭ kaw keneŋ.

Néra Njékaḭkulaje 16:9

Mee tilee’g neelé némḭdi teḛ dɔ Pool’g aree oo dəw gə́ Masedoinə gə́ teḛ dəa’g təsərə ra ndòo rəa’g togə́bè pana: Maji kari ɔd gə́ Masedoinə’g nee la sə sí.

Néra Njékaḭkulaje 2:17

Ala pana: ndɔ gə́ rudu ndəa a gə kun ɗiao lé M’a kɔm Ndilm dɔ dəwje’g lai gə loo-loo. Ndá ŋgan síje gə́ diŋgam gə njé gə́ dené d’a tegginta ləm, Basaje lə sí d’a koo né gə némḭdije lé ləma, Ɓugaje lə sí d’a koo né gə nije ləm tɔ.

Njé gə́ Galati 4:26

Nɛ Jerusalem gə́ ḭ sém loo gə́ tar lé yee ɓa gə́ ŋgonkoji gə́ to gə ko̰ síjeḛ lé.