Ejekel 4:9 - Maktub gə́ To gə Kəmee

⁹ Maji kam m’dḭ kó-wa ləm, gə kó gə́ ɓaree blé ləm, gə mḭji-kag ləm, gə mḭji-təni ləm, gə ma̰gəra ləma, gə teḭ-bḭ ləm tɔ ndá m’ɔm dee mee jo gə́ kára ba ya m’koro gə́ muru m’wɔji ne dɔ ndɔje gə́ m’a gə to ne naŋg dɔ jim’g lé, m’a ko̰ as ndɔm tɔl-munda gə dəa rɔ-jinaikara (390).

Ejekel 4:9 ပူးပေါင်းရင်းမြစ်များ

Gḭ-Néje 25:34

Yen ŋga Jakob ar Esawu muru ləm, gə lɔ-mḭji ləm tɔ. Yeḛ o̰ gə ai ndá uba naŋg ḭ aw. Togə́bè ɓa Esawu oo ŋgondər ləa gə́ né kəmee’g el.

Teḛ-Raga 9:32

kó-blé gə kó-təḭ lé tuji el mbata deḛ nai gogo ɓəi.

Esai 28:25

See loo gə́ yeḛ ra ndɔ aree àr ŋgad-ŋgad mba̰ ɓa Yeḛ ila kər-bədərə gə dubu kamnaḭ gə́ ria lə kumin ləm, Yeḛ dubu kó gə goo na̰ goo na̰ ləm, Yeḛ dubu kó-ɔrj ta doa’g ləma, Yeḛ unda teḭ rəw-nimeeje’g ləm tɔ ɓəi el wa.

Ejekel 4:13

Tɔɓəi Njesigənea̰ pana: Togə́bè ɓa Israɛlje d’a ko̰ ne muru lə deḛ gə́ mina̰ mbuna ginkoji dəwje gə raŋg gə́ n’a gə tuba dee kɔm dee keneŋ lé.

Ejekel 4:16

Yeḛ ulam tɔɓəi pana: Ma ŋgon-dəw lé n’a gə tuji nésɔje gə́ ŋgəm mee ɓee gə́ Jerusalem. D’a kwɔji muru gə́ kwɔji ɓa ko̰ gə meekaarkərm ləm, d’a kwɔji mán gə́ kwɔji ɓa kai gə kaar gəd ləm tɔ.