Ejekel 4:6 - Maktub gə́ To gə Kəmee

⁶ Loo gə́ m’a tɔl ndɔje neelé bém ndá maji kam m’tel m’to dɔ jikɔlm’g, bèe ɓa m’a kodo ne néra kori-korije lə gel-bɔje lə Juda as ndɔm rɔ-sɔ. N’a tura ndɔ kára wɔji dɔ ləb kára-kára.

Ejekel 4:6 ပူးပေါင်းရင်းမြစ်များ

Bula lə Israɛlje 14:34

To gə́ ndɔ tən gə́ seḭ tenje ne loo mee ɓee’g lé aḭ rɔ-sɔ lé ndá ləbje gə́ ta néra kori-korije lə sí a kwa dɔ sí lé kara d’a kas ləb rɔ-sɔ bèe tɔ, ləb kára-kára gə mbata lə ndɔje kára-kára ya, bèe ɓa seḭ a gərje to gə́ ma m’uba sí m’ya̰ sí ya.

Loo gə́ killa rea kəm Ja̰’g 12:14

Deḛ d’ar dené lé bag magəra gə́ joo gə mba karee ḭ aw ne dɔdilaloo’g par gə́ loo’g ləa ndá deḛ ŋgəm keneŋ as mbuna-loo kára, gə mbuna-looje gə́ raŋg, gə ges mbuna-loo kára tɔ. Dené lé a si ŋgərəŋ ɓó gə mba kar kəm li lé oso dəa’g el.

Loo gə́ killa rea kəm Ja̰’g 13:5

D’ula ta beelé gə ta ndɔlje təa’g ləm, d’un ndu dee d’aree mba karee ra ne né as naḭ rɔ-sɔ-giree-joo ləm tɔ.

Loo gə́ killa rea kəm Ja̰’g 9:15

Kuraje gə́ dara sɔ neelé gə́ d’wa dɔ gɔl rɔ dee ŋgina ne kàree ləm, gə ndəa ləm, gə naḭyee ləma, gə ləbee ləm tɔ lé deḛ tudu dee mba kar dee tɔl dəb dəwje gə́ loo kára, nɛ dəb dee nai loo joo.