Ejekel 4:4 - Maktub gə́ To gə Kəmee

⁴ Tɔɓəi maji kam m’to naŋg dɔ jigelm’g m’ɔm ne néra kori-korije lə gel-bɔje lə Israɛl dɔm’g, bèe ɓa m’a kodo ne néra kori-korije lə dee gə ndɔje lai gə́ m’a to ne dɔ jim’g neelé.

Ejekel 4:4 ပူးပေါင်းရင်းမြစ်များ

Ejekel 4:5

N’a tura bula lə ndɔje ləm karee as gə bula lə ləb néra kori-korije lə dee, ndɔ tɔl-munda gə dəa rɔ-jinaikara (390). Ndá m’a kodo ne néra kori-korije lə gel-bɔje lə Israɛl togə́bè ya.

Ejekel 4:8

Bèe ɓa aa oo, n’a tɔm gə kúla mba karm m’oo loo turu rɔm yo gə́ nee el saar kar ndɔje gə́ wɔji dɔ kaḭ dɔ ɓee sub gə rɔ lé aw lée’g béréré ya.

Ləbije 10:17

See ban ɓa seḭ sɔje da kuga dɔ kaiya lé mee loo gə́ to gə kəmee’g el wa. To né gə́ to gə kəmee doi ya, tɔɓəi Njesigənea̰ ar sí mba kar sí taaje ne néra kori-korije lə koso-dəwje ɔmje dɔ sí’g ləm, kar sí ugaje ne dɔ dee no̰ Njesigənea̰’g ləm tɔ.

Ləbije 16:22

Bàl bya̰ lé a kodo kaiyaje lə deḛ lai dəa’g ndá a kaw ne mee loo gə́ dəw ra ɓee keneŋ el, yeḛ tubá ilá dɔdilaloo’g togə́bè ya.

Bula lə Israɛlje 14:34

To gə́ ndɔ tən gə́ seḭ tenje ne loo mee ɓee’g lé aḭ rɔ-sɔ lé ndá ləbje gə́ ta néra kori-korije lə sí a kwa dɔ sí lé kara d’a kas ləb rɔ-sɔ bèe tɔ, ləb kára-kára gə mbata lə ndɔje kára-kára ya, bèe ɓa seḭ a gərje to gə́ ma m’uba sí m’ya̰ sí ya.

Bula lə Israɛlje 18:1

Njesigənea̰ ula Aaro̰ pana: I seḭ gə ŋganije, gə ŋgako̰ síje gə́ to gə́ ginkoji’g lə Ləbi səi na̰’d lé ta néra kori-korije gə́ deḛ ra mee kəi-kubu-si-Ala’g lé a kwa dɔ sí-seḭ ya, nɛ néra kori-korije gə́ d’a ra loo kula ra sí gə́ wɔji dɔ loo-nékinjaməs lé taree a kwa dɔ sí-seḭ nja ba.

Matiyo 8:17

Togə́bè ɓa ta gə́ njetegginta Esai pa ləw lé aw lée’g béréré mbata yeḛ pana: Yeḛ nja ɓa odo rɔ yooje lə sí ɓugu dəa’g ləm, yeḛ ɔr rɔko̰je lə sí ɔm dəa’g ləm tɔ.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.