Ejekel 4:14 - Maktub gə́ To gə Kəmee

¹⁴ Ma m’pana: Wai, Mbaidɔmbaije gə́ Njesigənea̰, aa oo, m’ar rɔm mina̰ gɔl kára el, un kudee gə basəm ba ya saar ɓasinè lé m’usɔ da gə́ wəi gə́ kwəi əsé gə́ maree wá el ləm, dakas da gə́ mina̰ gə́ rara kara ɔrɔ tam el ləm tɔ.

Ejekel 4:14 ပူးပေါင်းရင်းမြစ်များ

Teḛ-Raga 22:30

Seḭ a toje dəwje ləm gə́ toje gə kəmee doi. Seḭ a sɔje dakas da gə́ maree wa tiee mbidi-mbidi el, seḭ a kɔmje kɔrɔ karje bisije ɓa tɔ.

Esai 65:4

Deḛ gə́ d’ar dɔɓar ɓa gə́ loo-si dee ləm, Loondul’g ndá deḛ d’ar mee bolè mbalje ɓa gə́ loo-to dee ləm, Da-bər ɓa d’usɔ ləma, Nésɔje gə́ mina̰ ɓa to mee ŋgoroje’g lə dee ləm tɔ.

Esai 66:17

Deḛ gə́ d’unda rɔ dee gə kəmee togo ne rɔ dee D’aw ne gə goo na̰ goo na̰ mee loo-kamnaḭje’g ləm, Gə d’usɔ da-bər ləm tɔ lé Deḛ lai neelé d’a kudu bo̰ ya, Njesigənea̰ ɓa pa bèe.

Jeremi 1:6

Ma m’tel m’ilá keneŋ m’pana: Wai! Mbaidɔmbaije gə́ Njesigənea̰, ma m’nai ŋgon yaa̰ ɓó m’askəm pata kəm koso-dəwje’g el.

Ejekel 4:15

Yeḛ tel ilam keneŋ pana: Aa oo, n’am siḭ maŋgje tor siḭ dəwje’g ndá m’a yel ne pər koro ne muru ləm.

Ejekel 44:31

Yel əsé da gə́ rara gə́ wəi gə́ kwəi əsé né wá tiee mbidi-mbidi lé njékinjanéməsje d’a sɔ el.

Ejekel 9:8

Ma m’nai gə karm ba loo gə́ d’aw tɔl dee lé ndá m’oso m’dəb kəm naŋg m’ra ne wəl m’pana: Wai Mbaidɔmbaije gə́ Njesigənea̰, see i a tuji ges Israɛlje lai gə́ nai kɔm ne boo-oŋg ləi dɔ Jerusalem’g wa.

Loo gə́ killa rea kəm Daniel’g 1:8

Daniel wɔji mée’g njaŋg gə mba kar rəa mina̰ mbata lə nésɔ lə mbai el ləm, gə mbata lə mán-nduú gə́ mḭ gə́ mbai aw ai lé el ləm tɔ ndá yeḛ ra ndòo rɔ njekaa dɔ néje gə́ mee kəi’g lə mbai gə mba karee ɔsee ɓɔḭ-ɓɔḭ dɔ né gə́ a kar rəa mina̰ ne’g lé el.

Ləbije 17:15

Nana ɓa to gə́ kojiɓee əsé dəw-dɔ-ɓee gə́ a sɔ da gə́ wəi gə́ kwəi əsé da maree ɓa wá tiee mbidi-mbidi ndá yeḛ a togo kubuje ləa ləm, a ndogo mán ləma, rəa a mina̰ saar kàr a kandə ləm tɔ, ɓa yeḛ a kàr ɓəi.

Ləbije 19:7

Ɓó lé dəw usɔ ndɔ gə́ njékɔm’g munda lé ndá a to né gə́ to lée’g el, tɔɓəi a taa kəm Njesigənea̰ el tɔ.

Ləbije 22:8

Yeḛ a sɔ da gə́ wəi gə́ kwəi el ləm, əsé yee gə́ da maree wa tɔlee el ləm tɔ gə mba kar rəa mina̰ ne gə mbəa el. Ma m’to Njesigənea̰.

Néra Njékaḭkulaje 10:14

Nɛ Piɛrə ilá keneŋ pana: Wah! Mbaidɔmbaije, mbata néje gə́ ram gə néje gə́ to kḛji togə́bè lé uba tam ndag nda̰ el.

Tel tura Godndu 14:21

Nékul gə́ wəi gə́ kwəi lé seḭ a sɔje kára kara el, seḭ a karje dəw-dɔ-ɓee gə́ a si mee ɓee’g lə sí ɓa gə mba karee sɔ əsé a karje dəw-dɔ-ɓee lé ndogo sə sí, mbata seḭ toje koso-dəwje gə́ toje gə́ kəmee mbata lə Ala lə sí gə́ Njesigənea̰. Seḭ a ndirije ŋgon bya̰ gə mbà kea̰ el.

Tel tura Godndu 14:3

Seḭ a sɔje né gə́ mina̰ kára kara el.