Ejekel 39:7 - Maktub gə́ To gə Kəmee

⁷ N’a kar dee gər ri neḛ gə́ to gə kəmee mbuna koso-dəwje’g lə neḛ gə́ Israɛl ndá n’a kya̰ loo kar dee d’ila ndɔl dɔ ri neḛ gə́ to gə kəmee lé el ŋga. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰, Njerɔkunda gə́ mee ɓee gə́ Israɛl.

Ejekel 39:7 ပူးပေါင်းရင်းမြစ်များ

Pakɔsje 103:1

Pakɔs lə Dabid. Ŋgaw məəm, maji kari unda no̰ dɔkaisəgərə lə Njesigənea̰, Maji kar rɔm bura lé pidi ria gə́ to gə kəmee ɓəd lé ya.

Teḛ-Raga 20:7

Ala ləi gə́ Njesigənea̰ lé maji kari ɓar ria pəd-pəd as ne loo el, mbata dəw gə́ ɓar ri Njesigənea̰ pəd-pəd as né loo lé yeḛ a lal kar bo̰ nérea ɔs təa’g el.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 37:23

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Esai 43:14

Njesigənea̰, njekoga dɔ sí Gə́ to Njerɔkunda lə Israɛlje lé Pa togə́bè pana: Gə mbata lə sí-seḭ ɓa Ma m’ula ne njeba̰ m’aree rɔ ne gə njé gə́ Babilɔn gə mbəa Ndá m’ar dee-deḛ lai gə́ to njékaḭje d’oso ləm, Gə Kaldeje gə́ d’aḭ gə batoje lə dee Gə́ d’ɔs ne gaji rɔ dee lé kara d’oso ləm tɔ.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 45:11

Njesigənea̰, Njerɔkunda lə Israɛlje, Yeḛ gə́ njekunda dee lé pa togə́bè pana: See deḛ ndigi dəjim ta dɔ né gə́ a gə teḛ gogo wa. See deḛ ndigi kun ndu dee kam m’ra ne né gə́ wɔji dɔ ŋganəmje ləm, Gə dɔ kulaje gə́ jim ɓa ra dee ləm tɔ lé wa.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Esai 60:9

Mbata dɔgoré-looje d’unda meḛ dee yel dɔm’g ləm, Batoje gə́ Tarsis ɓa to gə́ ŋgaw ta deeje Gə mba kaw kodo ŋganije gə́ loo gə́ əw’g ree sə dee Gə larnda gə larlɔr lə dee ləm tɔ Gə mbata ri Njesigənea̰, Ala ləi, Yeḛ gə́ to Njerɔkunda lə Israɛlje gə́ ula rɔnduba dɔi’g lé.

Ejekel 20:14

Nɛ lé togə́bè kara neḛ n’ra né gə mbata lə ri neḛ mba kar ndɔl wa ne dɔ ri neḛ kəm ginkoji dəwje gə raŋg gə́ n’ar dee d’unda loo kəm dee’g mee ɓee gə́ Ejiptə teḛ lé el.

Ejekel 20:39

Seḭ gel-bɔje lə Israɛl lé Mbaidɔmbaije gə́ Njesigənea̰ pa togə́bè pana: Awje, nana kara aw pole magəje ləa-ləa! Nɛ gée’g gogo ndá seḭ a kooje ta lə neḛ ləm, seḭ a kilaje ndɔl dɔ ri neḛ’d gə́ to gə kəmee gə nékarje lə sí gə magə-poleje lə sí el ŋga ləm tɔ.

Ejekel 20:9

Nɛ lé togə́bè kara neḛ n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ d’isi mbuna dee’g el ləm, gə kəm ginkoji dəwje gə raŋg gə́ neḛ n’ar dee gər neḛ gə mba kar dee d’unda loo mee ɓee gə́ Ejiptə teḛ lé ləm tɔ.

Ejekel 36:23

Ri neḛ gə́ ur dɔ loo gə́ d’ila ndɔl dɔ’g mbuna ginkoji dəwje gə raŋg’g ləm, ri neḛ gə́ seḭ kara ilaje ndɔl dɔ’g mbuna dee’g ləm tɔ lé n’a gə kunda gə kəmee. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰ loo gə́ seḭ ɓa a kundaje neḛ gə kəmee no̰ dee’g, Mbaidɔmbaije gə́ Njesigənea̰ ɓa pa bèe.

Ejekel 36:36

Ginkoji dəwje gə raŋg gə́ nai gugu dɔ sí sub lé d’a gər to gə́ neḛ Njesigənea̰ ya n’tel gə né gə́ təd kərm-kərm lé n’ra gogo ləm, né gə́ n’tɔr lé n’tel mea̰ gogo ləm tɔ. Neḛ Njesigənea̰ m’pata ndá n’a ra née ya.

Ejekel 38:16

I a kɔr rɔ kaw rɔ gə koso-dəwje lə neḛ gə́ Israɛl asəna gə mum gə́ a gə dəb dɔ ɓee’g bèe. Ǝi Gɔg, mee ndəaje gə́ gogo lé n’a kari aw rɔ gə ɓee lə neḛ gə mba kar ginkoji dəwje gə raŋg gər ne neḛ loo gə́ i a kar neḛ n’to gə kəmee kəm dee’g raga lé!

Ejekel 38:23

N’a riba dɔ boo lə neḛ gə meenda lə neḛ gə́ raga ləm, n’a kar dee gər neḛ kəm ginkoji dəwje gə raŋg’d gə́ bula digi-digi lé ləm tɔ. Bèe ɓa deḛ d’a gər ne to gə́ neḛ n’to Njesigənea̰ ya.

Ejekel 39:22

Gel-bɔje lə Israɛl d’a gər to gə́ neḛ n’to Njesigənea̰, Ala lə dee un kudee mee ndəa’g neelé saar teḛ ne mee ndɔje gə́ d’a gə ree ɓəi.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Ejekel 39:8

Mbaidɔmbaije gə́ Njesigənea̰ ɓa pa bèe pana: Aa oo, néje neelé si aw gə́ nee ya, to néje gə́ un kudu teḛ ya, to ndəa gə́ neḛ n’pa taree lé ya.

Ləbije 18:21

Seḭ a kunje ŋgon sí kára kara kilaje dan pər’g kar magə-Molok el mbata yee ɓa seḭ a kilaje ne ndɔl dɔ ri Ala’g lə sí ya.