Ejekel 39:6 - Maktub gə́ To gə Kəmee

⁶ N’a kula pər mee ɓee gə́ Magɔg’d ləm, gə mbuna deḛ gə́ d’isi gə́ majee dɔgoré-looje’g ləm tɔ, bèe ɓa deḛ d’a gər ne to gə́ neḛ n’to Njesigənea̰.

Ejekel 39:6 ပူးပေါင်းရင်းမြစ်များ

Pakɔsje 72:10

Mbaije gə́ Tarsis gə deḛ gə́ d’isi dɔgoré-loo’g lé D’a karee nékoga-dɔ-rɔ dee ləm, Mbaije gə́ Saba gə Seba lé D’a karee nénojije ləm tɔ.

Esai 66:19

m’a kar nétɔji to mbuna dee’g ndá m’a kula njé’g lə dee gə́ nai lé rɔ ginkoji dəwje gə raŋg’g: deḛ gə́ to njérɔ-ɓandaŋgje lé d’a kaw Tarsis, gə Pul, gə Lud ləm, deḛ gə́ ta ləm oso mbi dee’g el saar ar dee d’oo rɔnduba ləm el ləm tɔ lé ndá d’a kaw Tubal, gə Jaban gə dɔgoré-looje gə́ to əw ləm tɔ, d’a kila mber rɔnduba ləm mbuna ginkoji dəwje gə raŋg’g.

Jeremi 25:22

M’ar mbaije lai gə́ Tir ləma, gə mbaije lai gə́ Sido̰ ləm, gə mbaije lai gə́ d’isi dɔgoré-loo gə́ dəb baa-boo-kad’g nu ləm tɔ lé d’ai.

Ejekel 30:16

N’a kila pər dɔ ɓee gə́ Ejiptə’g, néɓəŋgərəti a ra njé gə́ Sḭ ləm, kəm ndògo-bɔrɔ gə́ ta̰ lé a kar No to raga ndəgəsə ləma, tɔɓəi njéba̰je lə Nop lé d’a dum dəa dan kàrá ləm tɔ.

Ejekel 30:8

Loo gə́ n’a kila pər mee ɓee gə́ Ejiptə’g kar njégədeje lai təd rém-rém ndá yee ɓa d’a gər ne to gə́ neḛ n’to Njesigənea̰ ya.

Ejekel 30:9

Mee ndəa’g neelé njékaḭkulaje d’a kḭ rɔ neḛ’g kaw gə batoje kaw jɔg Etiopije loo-si-lɔm’g lə dee, ɓəl-boo a to mbuna dee’g to gə́ mee ndɔ ka̰ Ejiptə’g bèe mbata aa oo, néje neelé si aw gə́ nee dəb ŋga!

Ejekel 37:6

N’a gɔl ŋgira rɔ sí ləm, n’a kar dakasrɔ sí ɔs dɔ’g ləm, n’a kar ndar sí ɔn dɔ rɔ sí ləma, n’a kula kəmə meḛ sí’g ləm tɔ ndá seḭ a síje kəmba. Bèe ɓa seḭ a gərje ne to gə́ neḛ n’to Njesigənea̰.

Ejekel 38:11

I a pana: M’a kḭ kaw rɔ gə ɓee gə́ to kari ba, m’a kur dɔ dəwje gə́ d’isi gə́ majee lɔm loo-si dee’g. Deḛ lai gə́ d’isi mee ɓeeje gə́ ndògo-bɔrɔ godo keneŋ ləm, gə kɔgərɔ gə tarəwkɔg godo keneŋ ləm tɔ.

Ejekel 38:13

Njé gə́ Seba gə Dedan, gə njérab-néje gə́ Tarsis ləm, gə ŋgan toboḭje lə dee ləm tɔ lé d’a dəjii pana: See i ree gə mba kunda sí banrɔ wa. See i mbo̰ bula dəwje ləi mba kodo ne nébanrɔje ləm, gə mba kodo ne larnda gə larlɔr ləma, gə mba kɔr ne koso-nékulje gə némajije ləm tɔ ɓa mba kaw ne gə́ nébanrɔ gə́ boo wa.

Ejekel 38:2

I ŋgon-dəw lé maji kari tel kəmi par gə́ dɔ Gɔg’d mee ɓee gə́ Magɔg’d, yeḛ gə́ to mbai gə́ njekaa dɔ dəb ɓeeko̰ gə́ Ros, gə Mesek, gə Tubal ndá tegginta wɔji ne dəa!

Ejekel 38:6

Gomer, gə kudu-njérɔje ləa lai ləm, gə gel-bɔje lə Togarma gə́ d’isi gwɔi loo gə́ par gə́ dɔgel gə kudu-njérɔje lə deḛ lai ləm tɔ gə́ to koso-dəwje gə́ bula digi-digi gə́ d’isi səi na̰’d lé.

Ejekel 39:5

I a kwəi mee wala’g mbata neḛ Mbaidɔmbaije gə́ Njesigənea̰ ɓa n’pa taree,

Amɔs 1:10

N’a kula gə pər dɔ ndògo-bɔrɔ gə́ Tir Karee roo kəi-mbaije dula-dula ya.

Amɔs 1:4

N’a kula gə pər karee oso dɔ kəi’g lə Ajael Karee roo kəi-mbaije lə Ben-Adad dula-dula ya tɔ.

Amɔs 1:7

N’a kula gə pər dɔ ndògo-bɔrɔ gə́ Gaja Karee roo kəi-mbaije lé dula-dula.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Loo gə́ killa rea kəm Ja̰’g 20:8

Yeḛ a teḛ gə mba su kəm ginkoji dəwje gə raŋg gə́ d’isi dɔ kum naŋg gə́ sɔ’g lé ləm, Gɔg gə Magɔg ləm tɔ gə mba mbo̰ dee ne loo-rɔ’g. Deḛ bula d’asəna gə nagəra gə́ ta baa-boo-kad’g bèe.

Loo gə́ killa rea kəm Ja̰’g 20:9

Deḛ d’aw taa loo dɔ naŋg nee pəl-pəl ləm, deḛ gugu gir loo-si lə deḛ gə́ to gə kəmee gə ɓee-boo gə́ d’unda dan kəm dee’g ləm tɔ. Nɛ pər ḭ dara oso dɔ dee’g roo dee dula-dula.

Njéga̰g-Rəwtaje 18:7

Dəwje gə́ mi neelé d’ɔd d’aw ndá deḛ teḛ Layis. Deḛ d’oo dəwje gə́ d’isi gə́ majee to gə́ Sido̰je gə́ d’isi ne lɔm lal meekaarkərm bèe. Mee ɓee’g neelé dəw kára kara gə́ njera né gə́ kədərə gə́ tḛ́ bèe ɓa o̰ ne dɔ dee lé godo. Deḛ d’isi əw gə Sido̰je ləm, d’ɔm na̰’d gə dəwje gə́ raŋg el ləm tɔ.