Ejekel 39:5 - Maktub gə́ To gə Kəmee

⁵ I a kwəi mee wala’g mbata neḛ Mbaidɔmbaije gə́ Njesigənea̰ ɓa n’pa taree,

Ejekel 39:5 ပူးပေါင်းရင်းမြစ်များ

Esai 24:21

Mee ndəa’g neelé Njesigənea̰ a gaŋgta dɔ boo-néje gə́ dara’g ləm, gə dɔ mbaije gə́ dɔ naŋg nee ləm tɔ.

Jeremi 22:19

Dɔɓaree a kasəna gə ka̰ mulayḛ̀je bèe, D’a ndɔree naŋg kaw kilá gir tarəwkɔgje gə́ Jerusalem.

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Ejekel 29:5

N’a rɔgi piriŋ kilai dɔdilaloo’g, i gə ka̰jije lai gə́ dan baa-boo’g ləi. I a koso mee ndɔje’g nɛ dəw a kuni kundai tar el ləm, a dubi el ləm tɔ. N’a kari tel to nésɔ lə daje gə yelje.

Ejekel 32:4

N’a rɔgi kilai naŋg ləm, n’a kari to mee wala’g ləm tɔ, ndá n’a kar yelje lai gə́ pə̰ dara’g ree mbo̰ na̰ dɔi’g ləm, n’a kar daje lai gə́ dɔ naŋg nee d’usai d’ari as dee nag-nag ləm tɔ.

Ejekel 35:8

N’a kar nin dəwje taa dɔ mbalje ləi pəl-pəl, dɔdərlooje ləi, gə wəl-looje ləi, gə kəm-kila-manəje ləi lai lé deḛ gə́ d’wəi yoo-kiambas lé d’a to keneŋ.

Ejekel 39:4

I a kwəi dɔ mbalje gə́ Israɛl, i gə kudu-njérɔje ləi lai ləm, gə koso-dəwje gə́ d’a kaw səi lé ləm tɔ, n’a kari to nésɔ lə yelje gə́ njésɔ mar deeje ləm, gə néje lai gə́ gə bag dee ləma, gə daje gə́ wala ləm tɔ.

Ejekel 39:6

N’a kula pər mee ɓee gə́ Magɔg’d ləm, gə mbuna deḛ gə́ d’isi gə́ majee dɔgoré-looje’g ləm tɔ, bèe ɓa deḛ d’a gər ne to gə́ neḛ n’to Njesigənea̰.