Ejekel 39:18 - Maktub gə́ To gə Kəmee

¹⁸ Seḭ a sɔje dakasrɔ bao-rɔje ləm, seḭ a kaije məs mbaije gə́ njékaa dɔ dəb ɓeeko̰je gə́ dɔ naŋg nee ləm tɔ asəna gə ka̰ bàl badje, gə ŋgan badje, gə bàl bya̰je, gə bɔ maŋgje gə́ Basan gə́ d’ər ndɔl-ndɔl bèe.

Ejekel 39:18 ပူးပေါင်းရင်းမြစ်များ

Pakɔsje 22:12

Loo gə́ néurti ree pər gə́ rɔm’g, Loo gə́ dəw kára kara ree mba la səm el lé ndá Maji kari unda rɔi ŋgərəŋ səm el.

Pakɔsje 68:30

Mee kəi’g ləi gə́ turu dɔ Jerusalem lé Mbaije d’a ree gə nénojije lə dee kari keneŋ.

Esai 34:6

Kiambas lə Njesigənea̰ lé məs gə ubu wa keneŋ mbəgə-mbəgə, To məs ŋgan badje gə bàl bya̰je ləm, To ubu gə́ wa reŋ bàl badje ləm tɔ, Mbata nékinjaməs lə Njesigənea̰ To mee ɓee-boo gə́ Bosra ləm, Yoo-dəwje to naŋg rib-rib mee ɓee gə́ Edɔm ləm tɔ.

Esai 34:7

Dadɔgje toso na̰’d Gə maŋgje gə bɔ maŋgje tɔ, Dɔ naŋg ai məs dee ləm, Nduji naŋg o̰ ubu dee ləm tɔ.

Jeremi 46:5

See ɗi ɓa m’oo nee wa! Deḛ ɓəl, deḛ rəm gogo, Njéba̰je lə dee dum dɔ dəwje lə dee Gə́ njésiŋgamoŋje lé, Deḛ d’aḭ lal kɔm rəd ... Ɓəl-boo taa looje pəl-pəl. Njesigənea̰ ɓa pa bèe.

Jeremi 50:11

Oiyo, maji kar sí síje Dan rɔlel’g gə dan kalrɔ’g Seḭ gə́ undaje nédɔji ləm banrɔ. Oiyo, maji kar sí tilaje riŋga To gə́ ma̰də maŋgje Gə́ d’aar loo-ko̰-mu’g ləm, Maji kar sí no̰je to gə́ kundaje Gə́ gə siŋga dee bèe ləm tɔ.

Jeremi 50:27

Maji kar sí tɔlje bɔ maŋgje lə deḛ lai, Awje sə dee loo-tḭja-gwɔs dee’g. Meeko̰ oso dɔ dee’g Mbata ndɔ lə dee teḛ mba̰, To kàr kar bo̰ néra dee ɔs ta dee’g.

Jeremi 51:40

M’a kar dee d’aw To gə́ ŋgan badje bèe loo-tɔl dee’g ləm, To gə́ bàl badje gə bàl bya̰je bèe ləm tɔ.

Ejekel 29:5

N’a rɔgi piriŋ kilai dɔdilaloo’g, i gə ka̰jije lai gə́ dan baa-boo’g ləi. I a koso mee ndɔje’g nɛ dəw a kuni kundai tar el ləm, a dubi el ləm tɔ. N’a kari tel to nésɔ lə daje gə yelje.

Ejekel 34:17

Mbaidɔmbaije gə́ Njesigənea̰ pa togə́bè pana: Seḭ badje lə neḛ lé aa ooje, n’a gə gaŋg rəwta mbuna ŋgan badje’g gə ŋgan badje’g ləm, gə mbuna bàl badje gə bàl bya̰je’g ya ləm tɔ.

Ejekel 34:8

Neḛ n’to njesikəmba! Mbaidɔmbaije gə́ Njesigənea̰ pa togə́bè pana: To gə́ badje lə neḛ to nékunda banrɔ ləm, deḛ tel to nékwa lə daje lai gə́ mee wala’g ləm tɔ mbata njékul deeje gə́ godo ləm, mbata njékulbadje lə neḛ d’ar meḛ dee to dɔ badje’g lə neḛ el ləma, deḛ d’ul rɔ dee-deḛ ya yaa̰ ɓó deḛ d’aw gə badje lə neḛ loo-ko̰-mu’g el ləm tɔ ndá

Ejekel 39:19

Seḭ a sɔje ubu saar karee as sí nag-nag ləm, seḭ a kaije məs saar karee ra sí ləm tɔ, loo-muru-gad lə nékinjaməs’g lə neḛ gə́ n’a kinja kar sí lé.

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Tel tura Godndu 32:14

Gə ubu mbà-maŋgje gə mbà-badje Na̰’d gə ubu ŋgan badje, Gə ka̰ bàl badje gə́ Basan Gə bàl bya̰je ləm tɔ, Yeḛ ar dee gum kó gə́ maji dum lé tɔ. Tɔɓəi seḭ aije mán-nduú gə́ mḭ Gə́ to asəna gə məs bèe.

Loo gə́ killa rea kəm Ja̰’g 19:21

Nɛ dɔkal deḛ gə́ nai lé kiambas gə́ teḛ ta yeḛ gə́ sí gir kunda lé tɔl dee. Yelje lai ree d’usɔ dakasrɔ dee d’ar meḛ dee ndan tub-tub tɔ.