Ejekel 39:1 - Maktub gə́ To gə Kəmee

¹ I ŋgon-dəw lé maji kari tegginta wɔji ne dɔ Gɔg! A pana: Mbaidɔmbaije gə́ Njesigənea̰ pa togə́bè pana: Aa oo, i Gɔg, mbai gə́ njekaa dɔ dəb ɓeeko̰ gə́ Ros, gə Mesek, gə Tubal lé neḛ n’aw səi gə ta.

Ejekel 39:1 ပူးပေါင်းရင်းမြစ်များ

Pakɔsje 120:5

Kisi gə́ m’isi Mesek lé ləm, Gə kisi gə́ m’isi mbuna kəi-kubuje’g lə njé gə́ Kedar ləm tɔ lé Kəm to ne ndòo keneŋ yaa̰.

Esai 24:21

Mee ndəa’g neelé Njesigənea̰ a gaŋgta dɔ boo-néje gə́ dara’g ləm, gə dɔ mbaije gə́ dɔ naŋg nee ləm tɔ.

Ejekel 27:13

Njé gə́ Jaban, gə njé gə́ Tubal, gə njé gə́ Mesek lé seḭ sə deeje toje njéndogo gə na̰ néje. Deḛ to njé ree gə ɓərje, gə nékulaje gə́ ra gə larkas ree mbél ne səi néndogoje ləi.

Ejekel 32:26

Lée nee ɓa mbaije gə́ Mesek, gə Tubal, gə njé’g lə deḛ gə́ bula digi-digi to keneŋ ar dɔɓarje lə deḛ gugu dɔ dee sub. Njétar-Alaje neelé d’wəi yoo-kiambas mbata deḛ to njékɔm ɓəl-boo mee ɓee’g lə njé gə́ d’isi kəmba lé.

Ejekel 35:3

A kula dee pana: Mbaidɔmbaije gə́ Njesigənea̰ pa togə́bè pana: Aa ooje, seḭ gə́ síje dɔ mbal gə́ Seir’g lé n’aw sə sí gə ta! N’a gə kula ji neḛ ndiŋ gə́ dɔ sí’g ndá n’a kar sí telje toje dɔ nduba gə́ wa ŋgɔ njag-njag ləm, gə dɔdilaloo ləm tɔ.

Ejekel 38:1

Njesigənea̰ ulam ta gə rɔtaje nee pana:

Ejekel 39:2

N’a ndɔri ləm, n’a kɔr nɔḭ ləm, n’a kari aw rudu loo gə́ dɔgel ləma, n’a kaw səi dɔ mbalje gə́ Israɛl’g ləm tɔ.

Ojee 2:18

Njesigənea̰ pana: Mee ndəa’g neelé Yeḛ a ɓarm ŋgabeeje Ɓó yeḛ a ɓar rəa ɓər ləm el ŋga!

Nahum 2:13

Toboḭ lé to̰ da tɔlee gaŋgee mbidi-mbidi mbata lə ŋganeeje ləm, Gə mbata lə ko̰ toboḭje ləm tɔ. Yeḛ ɔm nékwaje ləa duu loo-tée’g aree rusu tub-tub tɔ.

Nahum 3:5

Njesigənea̰ gə́ njeboo-néje lé pana: Aa ooje, neḛ n’aw sə sí gə ta. N’a tusu kubuje lə sí rɔ sí’g saar teḛ ne kəm sí gə́ tar ləm, N’a kar ginkoji dəwje gə raŋg d’oo meembaa sí ləma, N’a kar ɓeeko̰je d’oo rɔkul lə sí ləm tɔ.

Loo gə́ killa rea kəm Ja̰’g 20:8

Yeḛ a teḛ gə mba su kəm ginkoji dəwje gə raŋg gə́ d’isi dɔ kum naŋg gə́ sɔ’g lé ləm, Gɔg gə Magɔg ləm tɔ gə mba mbo̰ dee ne loo-rɔ’g. Deḛ bula d’asəna gə nagəra gə́ ta baa-boo-kad’g bèe.