Ejekel 38:4 - Maktub gə́ To gə Kəmee

⁴ N’a tuga ki ka tai’g ndɔri ne goo neḛ’g, n’a kari-i gə njérɔje ləi teḛje raga gə kundaje, gə njérɔ gə kundaje, deḛ lai gə́ d’ula kubu gə́ ndər pigiri-pigiri rɔ dee’g, deḛ gə́ to kudu-njérɔje gə́ bula digi-digi gə́ d’odo dərje gə́ boi-boi gə njé gə́ lam-lam ləm, deḛ lai gə́ gər rɔ gə kiambas maji ləm tɔ.

Ejekel 38:4 ပူးပေါင်းရင်းမြစ်များ

2 Mbaije 19:28

Mbata məəi ḭ səi jugugu dɔ neḛ’g ya Ar ta beelé ləi aw njal oso mbi neḛ’g tɔ. Ndá n’a kula niŋga lə neḛ əmi’g ləm, Gə kéŋgəlé lə neḛ tai’g ləm tɔ, Tɔɓəi n’a kari tel gə rəw gə́ i ḭ keneŋ ree lé ya.

1 Sôrta Gḭka-Israɛlje 12:8

gə Joela, gə Jebadia, ŋgalə Jeroham, dəw gə́ Gedor.

2 Sôrta Gḭka Israɛlje 25:5

Amasia mbo̰ dəwje gə́ Juda dɔ na̰’g ndá yeḛ ar dee d’aar gə goo gel-bɔje lə dee ɓa yeḛ mbər ɓé-njérɔje gə́ tɔl-dɔg-dɔg (1.000) ləm, gə ɓé-njérɔje gə́ tɔl-tɔl (100) ləm tɔ mbata lə Judaje gə Bḛjamije. Ndá yeḛ tura bula lə dee un kudee dɔ deḛ gə́ ra ləb rɔ-joo gə́ tar ndá yeḛ iŋga bao-rɔje as tɔl-dɔg-loo-tɔl-munda (3.000) gə́ d’askəm kaw rɔ ləm, gə gər loo rɔ gə niŋga-ndəi gə dər ləm tɔ.

Esai 37:29

Mbata məəi ḭ səi jugugu dɔ neḛ’g ya Ar ta beelé ləi aw njal oso mbi neḛ’g tɔ. Ndá n’a kula niŋga lə neḛ əmi’g ləm, Gə kéŋgəlé lə neḛ tai’g ləm tɔ, Tɔɓəi n’a kari tel gə rəw gə́ i ḭ keneŋ ree lé ya.

Esai 43:17

Yeḛ gə́ ar dee d’aw gə pusu-rɔje, gə kundaje, Gə boo-nérɔje, gə bao-rɔje gə mba kɔr rɔ kaw rɔ ne Nɛ léegəneeya deḛ toso naŋg lal kḭ tar ləm, Deḛ tuji pugudu-pugudu d’wəi misi To gə́ kúla pər gə́ o̰ jḛ̀ bèe ləm tɔ lé Yeḛ nja pa togə́bè pana:

Jeremi 46:9

Seḭ kundaje, ar sí j’awje! Seḭ pusu-rɔje, ar sí j’ɔsje rɔ sí ɓad! Seḭ njésiŋgamoŋje, Maji kar sí teḛje gə́ raga Deḛ gə́ Etiopi gə Put Gə́ gər loo kwa dər maji lé ləm, Gə deḛ gə́ Lud Gə́ gər goso rɔ gə ɓandaŋg maji ləm tɔ!

Ejekel 23:12

Mal Asirije o̰ mée lèm-lèm, deḛ to gə́ njéguburuɓeeje gə mbaije gə́ to njéboataɓeeje ləa gə́ d’ula kubu gə́ bḭ maji rɔ dee’g ləm, deḛ to njégər goso-kal-kundaje ləma, gə basaje lai gə́ kura yaa̰ ləm tɔ.

Ejekel 29:4

N’a tuga ki ka tai’g ləm, n’a kar ka̰jije gə́ baa-boo’g ləi d’ul na̰ ŋgwɔii’g ləm tɔ ndá n’a ndɔri dan baa-boo’g ləi teḛ səi raga na̰’d gə ka̰jije gə́ keneŋ lai gə́ d’ul na̰ ŋgwɔii’g lé.

Ejekel 38:15

Yen ŋga i a kḭ ɓee ləi gə́ to gwɔi loo gə́ dɔgel, i gə koso-dəwje gə́ bula digi-digi səi na̰’d, seḭ lai gə́ tubaje kundaje ləm, dəwje gə́ bula digi-digi gə́ to bao-rɔje gə́ siŋga dee to kɔgərɔ-kɔgərɔ ləm tɔ.

Ejekel 38:3

I a pana: Mbaidɔmbaije gə́ Njesigənea̰ pa togə́bè pana: Aa oo, i Gɔg, mbai gə́ njekaa dɔ dəb ɓeeko̰je gə́ Ros, gə Mesek, gə Tubal lé n’aw səi gə ta.

Ejekel 39:2

N’a ndɔri ləm, n’a kɔr nɔḭ ləm, n’a kari aw rudu loo gə́ dɔgel ləma, n’a kaw səi dɔ mbalje gə́ Israɛl’g ləm tɔ.

Ejekel 39:20

Ta ka nésɔ’g lə neḛ lé dakasrɔ kundaje gə dakasrɔ njékal deeje gə dakasrɔ bao-rɔje gə dakasrɔ njérɔje lai lé seḭ a sɔje kaareeje as sí nag-nag, Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 11:40

Ndəa gə́ rudee a kun ɗiao lé mbai gə́ dɔkɔl a kubá naŋg bus rɔ səa. Tɔɓəi mbai gə́ dɔgel a ɓugu dəa’g asəna gə lel-boo gə pusu-rɔje gə njérɔ gə kundaje ləm, gə bato-rɔje bula ləm tɔ. Yeḛ a kaw kəmee gə́ kédé-kédé asəna gə kəm-rəw-mán gə́ ruba pɔ-pɔ bèe.

Amɔs 4:2

Mbaidɔmbaije gə́ Njesigənea̰ man rəa Gə goo meenda ləa gə́ to gə kəmee doi lé pana: Aa ooje, mee ndəaje gə́ a gə teḛ dɔ sí’g lé D’a kwa sí asəna gə ka̰jije Gə́ d’wa dee gə kije gə́ boi bèe ləm, D’a kwa ŋgaka síje kara gə ŋgan kije ləm tɔ.