Ejekel 38:23 - Maktub gə́ To gə Kəmee

²³ N’a riba dɔ boo lə neḛ gə meenda lə neḛ gə́ raga ləm, n’a kar dee gər neḛ kəm ginkoji dəwje gə raŋg’d gə́ bula digi-digi lé ləm tɔ. Bèe ɓa deḛ d’a gər ne to gə́ neḛ n’to Njesigənea̰ ya.

Ejekel 38:23 ပူးပေါင်းရင်းမြစ်များ

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Esai 25:3

Gelee gə́ bèe ɓa koso-dəwje gə́ to njésiŋgamoŋje D’ula ne rɔnduba dɔi’g ləm, Ɓee-booje lə ginkoji dəwje gə raŋg gə́ to njésiŋgamoŋje Ɓəli ne ləm tɔ.

Ejekel 20:41

N’a kwa sí gə́ rɔ neḛ’g asəna gə né gə́ ə̰də sululu loo gə́ n’ar sí undaje loo mbuna koso-dəwje’g teḛje ləm, n’ar sí ḭje mee ɓeeje gə́ n’sané sí keneŋ mbo̰ sí dɔ na̰’d ləm tɔ. Bèe ɓa seḭ a kundaje ne neḛ gə kəmee kəm ginkoji dəwje gə raŋg’g.

Ejekel 20:42

Seḭ a gərje to gə́ neḛ n’to Njesigənea̰ loo gə́ n’a mbo̰ sí mee ɓee’g lə Israɛlje, mee ɓee gə́ neḛ manrɔ neḛ mba kar bɔ síje-je lé.

Ejekel 28:22

A pana: Mbaidɔmbaije gə́ Njesigənea̰ pa togə́bè pana: I ɓee gə́ Sido̰ lé aa oo, neḛ n’aw səi gə ta! D’a kula rɔnduba dɔ neḛ’g mee ɓee’g ləi ndá d’a gər to gə́ neḛ n’to Njesigənea̰ loo gə́ n’a gaŋg rəw-taje lə neḛ dɔi’g ləm, loo gə́ n’a riba dɔ meenda lə neḛ mee ɓee’g neelé ləm tɔ.

Ejekel 28:25

Mbaidɔmbaije gə́ Njesigənea̰ pa togə́bè pana: Loo gə́ n’a kḭ gə gel-bɔje lə Israɛl mbuna koso-dəwje gə́ neḛ n’sané dee keneŋ lé mbo̰ dee dɔ na̰’d ndá n’a riba dɔ meenda lə neḛ kar ginkoji dəwje gə raŋg d’oo, tɔɓəi d’a si mee ɓee’g lə dee gə́ neḛ n’ar kura lə neḛ Jakob lé.

Ejekel 36:23

Ri neḛ gə́ ur dɔ loo gə́ d’ila ndɔl dɔ’g mbuna ginkoji dəwje gə raŋg’g ləm, ri neḛ gə́ seḭ kara ilaje ndɔl dɔ’g mbuna dee’g ləm tɔ lé n’a gə kunda gə kəmee. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰ loo gə́ seḭ ɓa a kundaje neḛ gə kəmee no̰ dee’g, Mbaidɔmbaije gə́ Njesigənea̰ ɓa pa bèe.

Ejekel 37:28

Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰ gə́ n’unda Israɛl gə kəmee loo gə́ loo lə neḛ gə́ to gə kəmee a to dan dee’g saar gə no̰ lé.

Ejekel 37:6

N’a gɔl ŋgira rɔ sí ləm, n’a kar dakasrɔ sí ɔs dɔ’g ləm, n’a kar ndar sí ɔn dɔ rɔ sí ləma, n’a kula kəmə meḛ sí’g ləm tɔ ndá seḭ a síje kəmba. Bèe ɓa seḭ a gərje ne to gə́ neḛ n’to Njesigənea̰.

Ejekel 38:16

I a kɔr rɔ kaw rɔ gə koso-dəwje lə neḛ gə́ Israɛl asəna gə mum gə́ a gə dəb dɔ ɓee’g bèe. Ǝi Gɔg, mee ndəaje gə́ gogo lé n’a kari aw rɔ gə ɓee lə neḛ gə mba kar ginkoji dəwje gə raŋg gər ne neḛ loo gə́ i a kar neḛ n’to gə kəmee kəm dee’g raga lé!

Ejekel 39:13

Koso-dəwje lai gə́ mee ɓee’g lé d’a dubu dee ndá ri dee a ɓar ne mee ndəa gə́ d’a kula rɔnduba dɔ neḛ’g, Mbaidɔmbaije gə́ Njesigənea̰ ɓa pa bèe.

Ejekel 39:21

N’a riba dɔ rɔnduba lə neḛ mbuna ginkoji dəwje gə raŋg’g, tɔɓəi ginkoji dəwje gə raŋg lai d’a koo rəwta-gaŋgje lə neḛ gə́ n’a gə gaŋg ləm, gə bo̰ néra dee gə́ n’a karee ɔs ta dee’g gə ji neḛ ləm tɔ.

Ejekel 39:27

Loo gə́ n’a kḭ sə dee mbuna koso-dəwje-dəwje’g ree sə dee ləm, loo gə́ n’a kḭ sə dee mee ɓee’g lə njéba̰je lə dee mbo̰ dee dɔ na̰’d ləm tɔ ndá deḛ ɓa d’a kunda neḛ gə kəmee kəm ginkoji dəwje gə raŋg gə́ bula ya.

Ejekel 39:7

N’a kar dee gər ri neḛ gə́ to gə kəmee mbuna koso-dəwje’g lə neḛ gə́ Israɛl ndá n’a kya̰ loo kar dee d’ila ndɔl dɔ ri neḛ gə́ to gə kəmee lé el ŋga. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰, Njerɔkunda gə́ mee ɓee gə́ Israɛl.