Ejekel 38:22 - Maktub gə́ To gə Kəmee

²² N’a gaŋg rəwta dəa’g gə yoo-koso ləm, gə məs ləm, gə ndi-bura-boo ləma, gə ndi kwɔjije ləm tɔ. N’a ɓugu pər gə kṵji pər gə́ kas gə́ o̰ bilim-bilim dəa’g gə dɔ kudu-njérɔje’g ləa ləm, gə dɔ koso-dəwje gə́ bula digi-digi gə́ d’a kaw səa lé ləm tɔ.

Ejekel 38:22 ပူးပေါင်းရင်းမြစ်များ

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

Pakɔsje 11:6

Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 29:6

Ndá Njesigənea̰ gə́ njeboo-néje a ree rɔi’g Gə ndije gə́ ndaŋg ləm, Gə́ naŋg gə́ yə ɓugu-ɓugu ləm, Gə kaa né gə́ ɓar gə́ to ɓəl kədm-kədm ləm, Gə ko̰ ndi gə lel-boo ləma, Gə ndo̰ pər gə́ roo loo dula-dula ləm tɔ.

Esai 34:3

D’odo yoo dee d’ɔm dɔ na̰’d rib-rib ləm, Nin dee ə̰də mbo̰ ləma, Məs dee kara ula dɔ mbal’g ləm tɔ.

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Jeremi 25:31

Kaa né ɓar ɔr rudu naŋg nee njal Mbata Njesigənea̰ Ra gə ginkoji dəwje gə raŋg ta, Yeḛ gaŋgta dɔ dəwje’g lai Yeḛ ɔm njémeeyèrje ta kiambas’g. Njesigənea̰ ɓa pa bèe.

Ejekel 13:11

Maji kam m’ula njérḛd bɔrɔ gə́ majel kenḛgje lé to gə́ ndògo-bɔrɔ lé a gə təd. Ndi bura-boo a tɔ kub kər ɓai-ɓai ndá, əi, seḭ kwɔjije a juraje naŋg ləm, lel-ndi a kula mbḭ-mbḭ ləm tɔ.

Ejekel 28:23

N’a kula gə yoo-koso mee ɓee’g ləm, n’a kar məs ula naŋg mba̰-rəwje’g ləa ləm tɔ, d’a kḭ gə looje ɓəd-ɓəd ree gə kiambas tɔl dee ne kɔm dee naŋg rib-rib mee ɓee’g, bèe ɓa d’a gər to gə́ neḛ n’to Njesigənea̰ ya.

Ejekel 39:6

N’a kula pər mee ɓee gə́ Magɔg’d ləm, gə mbuna deḛ gə́ d’isi gə́ majee dɔgoré-looje’g ləm tɔ, bèe ɓa deḛ d’a gər ne to gə́ neḛ n’to Njesigənea̰.

Ejekel 5:17

N’a kula gə ɓoo-boo gə daje gə́ majel dɔ sí’g kar dee tuji ŋgan síje kya̰ sí kari ba, yoo-koso gə kɔm məs d’a dəs mbuna sí’g, n’a kila rɔ dɔ sí’g tɔ. To neḛ Njesigənea̰ ɓa m’pata nee ya.

Joɛl 3:2

Tɔgərɔ ya, mee ndəaje’g neelé Kuraje gə́ diŋgam gə njé gə́ dené kara M’a kɔm Ndiləm dɔ dee’g tɔ.

Matiyo 7:27

Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ dɔ kəi’g aree oso naŋg rəb ləm tɔ. Koso gə́ yee oso neelé to ɓəl yaa̰.

Jujé 10:11

Loo gə́ d’isi d’aḭ no̰ Israɛlje’g teḛ ne loo-suru-ɗum’g lə ɓee gə́ Bet-Oron ndá Njesigənea̰ tila dee gə kwɔjije gə́ boi-boi gə́ d’ḭ dara saar ndá deḛ d’wəi ne lai ya mee ɓee gə́ Ajeka, deḛ gə́ d’wəi yoo-kwɔji lé bula d’unda deḛ gə́ Israɛlje tɔl dee gə kiambas tɔ.

Loo gə́ killa rea kəm Ja̰’g 14:10

ndá yeḛ kara boo-oŋg lə Ala a rəa to gə́ dəw gə́ ai kido bèe, a to kido gə́ mḭ yaa̰ gə́ d’a ndusu mee bai’g gə goo kára ba ya. Yeḛ neelé a si dan néurti dan pər’g ləm, gə dan kṵji pər gə́ teḛ sa gi-gi’g ləm tɔ kəm kuraje gə́ dara gə́ to gə kəmee ləm, gə kəm Ŋgonbad’g lé ləm tɔ.

Loo gə́ killa rea kəm Ja̰’g 16:21

Ndi kwɔji gə́ ər ɓai-ɓai kara ḭ dara toso dɔ dəwje’g. Kwɔji kára ndá wɔi asəna gə nékwɔji kwɔi-lə-né rɔ-sɔ-sɔ, ar dəwje d’ila ne ndɔl dɔ Ala’g mbata ndi kwɔji neelé gə́ to tuji-boo lé.

Loo gə́ killa rea kəm Ja̰’g 20:9

Deḛ d’aw taa loo dɔ naŋg nee pəl-pəl ləm, deḛ gugu gir loo-si lə deḛ gə́ to gə kəmee gə ɓee-boo gə́ d’unda dan kəm dee’g ləm tɔ. Nɛ pər ḭ dara oso dɔ dee’g roo dee dula-dula.

Loo gə́ killa rea kəm Ja̰’g 8:7

Kura gə́ dɔtar im to̰to̰ ləa ndá ndi ər gə kwɔji ləm, pər gə́ pələ na̰’d gə məs ɔm dɔ naŋg nee ləm tɔ. Pər o̰ dəb naŋg kára nɛ debee nai joo ɓəi ləm, kagje gə́ dɔ naŋg nee d’o̰ pər dəb kára nɛ dəb dee nai joo ɓəi ləma, muje gə́ təb lé pər o̰ dee kənənə-kənənə ləm tɔ.