Ejekel 38:20 - Maktub gə́ To gə Kəmee

²⁰ Ka̰jije gə́ dan baa-boo-kad’g ləm, gə yelje gə́ pə̰ dara’g ləm, gə daje gə́ wala ləm, gə néje lai gə́ d’ag naŋg gə ta mee dee ləma, gə dəwje lai gə́ dɔ naŋg nee ləm tɔ lé d’a kunda bala tigi-tigi no̰ neḛ’g. Mbalje d’a tɔr toso ləm, biri mbalje d’a jura naŋg ləma, ndògo-bɔrɔje lai d’a təd kərm-kərm ləm tɔ.

Ejekel 38:20 ပူးပေါင်းရင်းမြစ်များ

Esai 30:25

Dɔ mbalje lai gə́ ŋgal léŋgé-léŋgé ləm, Gə dɔdərlooje gə́ ḭtar gə́ rara kara ləm tɔ lé Man baaje gə kəm-rəw-manje d’a to keneŋ Ndɔ ndum dəwje mburug-mburug ləm, Loo gə́ kəi-kaar-kɔgərɔje gə́ duu dɔ loo d’a təd ləm tɔ.

Esai 42:15

M’a tuji dɔ mbalje gə dɔdərlooje pugudu-pugudu ləm, M’a kar néje lai gə́ to təb keneŋ Tudu kurum-kurum ləm tɔ, M’a kar baa-booje tel to gə́ dɔ naŋg gə́ kədərə kaw-kaw ləm, M’a kar duu-manje d’yi tə-tə ləm tɔ.

Ojee 4:3

Gelee gə́ nee ɓa ɓee a si ne dan kəmndooyoo’g. Dəwje lai gə́ d’isi keneŋ lé Rɔ dee a kwəi ne sululu-sululu na̰’d gə daje gə́ wala Gə yelje gə́ d’aw pə̰ dara’g tɔ. Ka̰jije lai gə́ dan baa-boo-kad’g kara d’a sané pa.

2 Njé gə́ Kɔrḭtə 10:4

Tɔgərɔ ya, nérɔje lə síjeḛ lé to gə́ ka̰ njé gə́ naŋg nee el nɛ nérɔje lə sí lé Ala nja ar dee to nérɔje gə́ gə siŋga dee mba kunda kəi-kaar-kɔgərɔje lə dee naŋg rə̰dəŋ-rə̰dəŋ.

Loo gə́ killa rea kəm Ja̰’g 6:14

Dara kə́ dɔ na̰’d mber-mber to gə́ maktub gə́ kə́ na̰’d mber-mber bèe tɔɓəi mbalje gə dɔgoré-looje lé dee ŋgəs d’ya̰ loo-to dee gə́ kédé.