Ejekel 37:1 - Maktub gə́ To gə Kəmee

¹ Ji Njesigənea̰ to dɔm’g ndá Njesigənea̰ ar ndilee unm aw səm ilam mee wəl-loo’g loo gə́ siŋga dəwje to keneŋ njɔg-njɔg.

Ejekel 37:1 ပူးပေါင်းရင်းမြစ်များ

Ejekel 3:22

Lée neelé Njesigənea̰ wam gə jia ya ɓəi ndá yeḛ ulam pana: Maji kam m’uba naŋg m’ḭta m’aw mee wəl-loo’g ndá lé gə́ neelé n’a kulam ta keneŋ.

Néra Njékaḭkulaje 8:39

Loo gə́ d’unda loo mán teḛ mba̰ ndá Ndil Mbaidɔmbaije un Pilibə sèn, igi səa kág ar njekuji ée gogo el nja saar. Nɛ njekuji lé un rəw ləa gə rɔlel mée’g.

Ejekel 33:22

Ɓad ɓa kar njekaḭ lé ree ɓəi ndá ji Njesigənea̰ to dɔm’g kàrkemetag, ndá Njesigənea̰ ar tam teḛ loo gə́ njekaḭ lé ree teḛ rɔm’g gə ndɔ lé. Tam teḛ am m’pata ɓó m’isi mundu el ŋga.

Ejekel 1:3

Njesigənea̰ ula Ejekiel, ŋgolə Buji gə́ njekinjanéməs lé ta, mee ɓee’g lə Kaldeje mbɔr Kebar’g. Lée gə́ neelé ɓa ji Njesigənea̰ to dəa’g keneŋ ya.

Ejekel 8:3

Yeḛ ula né gə́ tana gə ji dəw bèe naŋg wa ne yiŋga dɔm. Ndil lé unm naŋg aw səm mbuna naŋg gə dara’g ndá yeḛ unm dan némḭdije gə́ ḭ rɔ Ala’g lé aw səm Jerusalem, tarəw gə́ mee kəi gə́ to par gə́ kel dɔgel, loo gə́ magə-kəmkəḭ gə́ ɔs gel kəmkəḭ lə Njesigənea̰ lé to keneŋ.

Loo gə́ killa rea kəm Ja̰’g 1:10

Ndɔ lə Mbaidɔmbaije lé Ndil taa məəm yal-yal ndá m’oo ndu dəw ɓar girm’g wəl asəna gə ndu to̰to̰ gə́ ɓar bèe,

Lugu 4:1

Ndilmeenda taa mee Jeju pəl-pəl loo gə́ yeḛ ḭ ta baa gə́ Jurdɛ̰ tel ree lé ndá Ndil lé ɔsee aw səa dɔdilaloo’g

Ejekel 40:1

Mee ləb gə́ njekɔm’g rɔ-joo-giree-mi goo kwa gə́ d’wa sí d’aw sə sí ɓee-ɓər’g, ndɔ dɔg mee ləb gə́ sigi’g, to ləb dɔg-giree-sɔ gə́ orè goo tuji gə́ Jerusalem tuji lé mee ndəa gən ya Njesigənea̰ ila jia dɔm’g unm ne aw səm mee ɓee gə́ Israɛl.

Jeremi 7:32

Gelee gə́ nee ɓa, Njesigənea̰ pa ne togə́bè pana: Mee ndɔje gə́ d’a gə ree lé lée neelé d’a ɓaree Topet el ŋga ləm, wəl-loo gə́ Ben-Hinom el ləm tɔ, nɛ d’a ɓaree wəl-loo ndum dəwje mburug-mburug keneŋ, tɔɓəi d’a dubu nin dəwje Topet, mbata loo gə́ raŋg godo.

Ejekel 11:24

Ndil lé unm aw səm Kalde rɔ deḛ gə́ d’isi ɓee-ɓər’g lé, ndil Ala ɓa unm asəna gə némḭdi bèe aw səm ndá némḭdi gə́ m’oo lé sané kad dɔm’g.

Ejekel 3:14

Ndil unm sèn aw səm. M’aw gə meeko̰ gə meekḭ jugugu ndá Njesigənea̰ wam gə ji siŋgamoŋ ləa.

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

2 Mbaije 2:16

Deḛ d’ulá pana: Aa oo, mbuna kuraje’g ləi lé dəwje gə́ njésiŋgamoŋje d’as rɔ-mi d’isi keneŋ nee. See i ndigi kar dee d’aw saŋg ɓéije lé wa. Banelə Ndil Njesigənea̰ unee aw səa ila dɔ mbal’g əsé kəm wəl-loo’g. Nɛ yeḛ tel ila dee keneŋ pana: Ulaje dəw kára kara el.

1 Mbaije 18:12

Tɔɓəi loo gə́ m’a kubai kya̰’i ndá Ndil Njesigənea̰ a kuni kaw səi loo gə́ ma m’gər’g el, ndá m’a kaw kula Akab ɓa ɓó yeḛ ḭgai el ndá a tɔlm. Nɛ ma kura ləi m’to njeɓel Njesigənea̰ gə basm ba.

Esai 26:19

Maji kar njé’g ləi gə́ d’wəi lé tel d’isi kəmba, Maji kar nin dəwje ləm d’ḭ tar! Ndelje dɔ ɓi’g, alje rɔ sí gə rɔlel, Seḭ gə́ rogoje babur’g! Mbata mán-tàl ləi to mán-tàl Gə́ ka̰ kar dəw si ne kəmba ləm, Naŋg a teḛ gə ndil njé gə́ d’wəi lé Kar dee d’isi kəmba gogo ləm tɔ.

Jeremi 7:2

Aar takəi’g lə Njesigənea̰ ndá ila mber ta neelé keneŋ pana: Ooje ta lə Njesigənea̰, seḭ Judaje lai gə́ a̰dje gə tarəwje neelé gə mba kunda barmba no̰ Njesigənea̰’g lé.

Ejekel 37:2

Yeḛ am m’njaa mbɔr dee’g m’gugu dɔ dee, ndá aa oo, deḛ to njɔg-njɔg kəm wəl-loo’g tudu d’ɔr ndá sál-sál.

Ejekel 43:5

Yen ŋga ndil unm aw səm mee gadloo gə́ mee kəi’g kɔrɔg. Ndá aa oo, nérɔnduba lə Njesigənea̰ taa mee kəi pəl-pəl.

Ejekel 8:1

Mee ləb gə́ njekɔm’g misa̰ lé naḭ gə́ njekɔm’g misa̰ ra ndɔ mi loo gə́ ma m’isi mee kəi’g ləm ləm, ŋgatɔgje gə́ Juda d’isi nɔm’g ləm tɔ ndá Mbaidɔmbaije gə́ Njesigənea̰ ila jia dɔm’g.