Ejekel 36:3 - Maktub gə́ To gə Kəmee

³ Maji kari tegginta pana: Mbaidɔmbaije gə́ Njesigənea̰ pa togə́bè pana: Bèe ya, mbata deḛ gə́ d’isi gə looje lai lé ndigi tuji sí pugudu gə kuru dɔ sí’g mba kar sí toje gə́ né ka̰ ginkoji dəwje gə raŋg ləm, mbata seḭ toje gə́ gin tapaje gə nékwɔji lə koso-dəwje ləm tɔ

Ejekel 36:3 ပူးပေါင်းရင်းမြစ်များ

Pakɔsje 35:25

Maji kar dee pa gə meḛ dee pana: Oiyo, né gə́ neḛ ndigije ɓa nee ya! Ma lé neḛ n’urumje mee neḛje’g magə mba̰, Maji kar dee pa bèe el tɔ.

Pakɔsje 61:1

Pakɔs lə Dabid gə́ ar bao-pa mba karee ɔs sə dee lé. D’ɔs gə nékim gə́ gə kuláje.

Pakɔsje 69:12

Ma m’ula kubu-kwa-ndòo rɔm’g Ndá m’tel m’to ne nékɔrsu lə dee tɔ.

Pakɔsje 79:10

See gelee ban ɓa ginkoji dəwje gə raŋg lé d’a pana: See Ala lə dee lé əd ra ɓəi wa. Maji kar dee gər gao kəm síjeḛ’g ləm, Gə mbuna ginkoji dəwje gə raŋg’g ləm tɔ lé To gə́ i nja dal ba̰ məs kuraje ləi gə́ ɔm dɔ naŋg lé.

Pakɔsje 79:4

Jeḛ n’tel n’toje nérɔkul kəm njéboataɓeeje lə sí ləm, N’toje nékunda-kogo gə nédəjindu lə dee-deḛ Gə́ gugu dɔ sí sub neelé ləm tɔ.

Gosota-Kəmkàrje 1:12

Ar sí n’turu deeje kəmba ya Asəna gə ɓee lə njé gə́ d’wəi bèe ləma, Ar sí n’turu deeje bura Asəna gə deḛ gə́ d’ɔm dee mee bwa’g ləm tɔ.

Jeremi 18:16

Deḛ d’ar ɓee lə dee tel dɔ nduba, Ar dəwje d’ula sul dɔ’d gə́ kédé-kédé, Deḛ lai gə́ dəs lée’g neelé D’wa ta dee sud ləm, Biri dɔ dee widi-widi ləm tɔ.

Jeremi 2:15

Ŋgan toboḭje d’inja miḭ Ra ne hər-hər dɔ dee’g, Deḛ d’ar ɓee lə dee to dɔ nduba, Ɓee-booje lə dee roo dula-dula Ar dəw kára kara ra ɓee keneŋ el.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 33:24

Ta gə́ dəwje nee pa pana: Gel-bɔje gə́ joo gə́ Njesigənea̰ mbər dee ɓa yeḛ tel uba dee ya̰ dee ɓəi lé see i oo el wa. Togə́bè ɓa deḛ d’ə̰ji koso-dəwje ləm bəḭ-bəḭ ɓó d’oo dee ne gə́ ginkoji dəwje el.

Jeremi 51:34

Nebukadnesar, mbai gə́ Babilɔn Sɔ sí rɔg-rɔg ləm, Tuji sí pugudu-pugudu ləm tɔ, Yeḛ ar sí n’tel n’toje jo gə́ mée to wəl, Yeḛ uru sí mée’g magə To gə́ da-kɔb uru ne né bèe ləm, Yeḛ ar néje lə sí gə́ mbərḛ mbə̰ Rusu mée tub ləm tɔ, Yeḛ tuba sí.

Jeremi 52:1

Sedesias lé ləbee as rɔ-joo-giree-kára ɓa yeḛ tel to mbai ndá yeḛ si Jerusalem o̰ ne ɓee as ləb dɔg-giree-kára. Kea̰je ria lə Hamutal, ŋgolə Jeremi gə́ to dəw gə́ Libna.

Nɔ̰-ndôo gə́ wɔji dɔ Jerusalem 2:2

Mbaidɔmbaije tuji loo-sije lə Jakob lai-lai Lal koo kəmtondoo ləa ləm, Dan meekḭ jugugu’g ləa lé Yeḛ unda ne kəi-kaar-kɔgərɔje Lə ŋgolə Juda gə́ dené lé naŋg rab-rab ləma, Yeḛ ar dee tel gɔl ne naŋg ləm tɔ, Tɔɓəi yeḛ ila ndɔl dɔ ɓeeko̰’g ləm, Gə dɔ ŋgan-mbaije gə́ keneŋ ləm tɔ.

Nɔ̰-ndôo gə́ wɔji dɔ Jerusalem 2:5

Mbaidɔmbaije lé tel to gə́ njeba̰ bèe, Yeḛ turu njé gə́ Israɛl mag-mag mée’g ləm, Yeḛ tuji kəi-mbaije lə dee ləm, Yeḛ jané kəi-kaar-kɔgərɔje lə dee ləma, Yeḛ ar tuma̰ rɔ gə no̰je ɓa Taa mee ŋgoma̰də gə́ Juda lé pəl-pəl ləm tɔ.

Nɔ̰-ndôo gə́ wɔji dɔ Jerusalem 3:62

Taje gə́ njéba̰je ləm pa dɔm’g ləm, Gə néje lə dee gə́ d’wɔji-kwɔji ra səm Gə ndɔje lai lé i oo ya ləm tɔ.

Ejekel 12:20

Ɓee-booje gə́ dəwje taa loo keneŋ pəl-pəl lé d’a tuji pugudu-pugudu ləm, ɓee a tel to dɔ nduba ləm tɔ. Yee ɓa seḭ a gərje ne to gə́ neḛ n’to Njesigənea̰ lé.

Ejekel 13:10

Néje neelé a teḛ mbata deḛ d’ar koso-dəwje lə neḛ ndəm. Loo gə́ meelɔm godo ɓəi kara deḛ pana: Meelɔm, meelɔm! Koso-dəwje lə neḛ d’ila ndògo-bɔrɔ nɛ deḛ lé rḛdə bɔrɔ gə́ majel keneŋ.

Ejekel 35:13

Seḭ ḭje ɔsje neḛ rəw gə tapa sí ləm, seḭ ilaje ne taje ɓəd-ɓəd dɔ neḛ’g ləm tɔ, neḛ n’oo bèe ya.

Ejekel 36:5

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Tɔgərɔ ya, dan pər oŋg’g lə neḛ lé neḛ m’pata n’ila dɔ ginkoji dəwje gə raŋg gə́ raŋg ləm, gə dɔ Edɔmje’g lai ləm tɔ, deḛ gə́ kai na̰ ɓee lə neḛ d’aree to gə́ né ka̰ dee-deḛ gə rɔlel gə́ taa meḛ dee pəl-pəl ləm, gə kḛji loo bəḭ-bəḭ lə dee ləm tɔ mba kodo ne nékiŋgaje lə dee gə́ nébanrɔ lé.

Loo gə́ killa rea kəm Daniel’g 9:16

Ǝi Mbaidɔmbaije, gə goo boo-meekoso lemsé ləi lé maji kari un oŋg ləi gə meekḭ jugugu ləi dɔ ɓee-boo’g ləi gə́ Jerusalem gə dɔ mbalje’g ləi gə́ to gə kəmee lé gə́ raŋg. Mbata kaiya ra síje gə néra kori-korije lə bɔ síje-je lé yee ɓa ar Jerusalem gə koso-dəwje ləi tel to ne nérɔkul kəm dəwje lai gə́ gugu dɔ sí sub lé.

Ləbije 26:43

D’a kuba ɓee lə dee kya̰, tɔɓəi dɔ naŋg a kal rəa mee ləb-kwa-rɔje’g ləa loo gə́ yee a nai ne gə́ dɔ nduba gə́ əw sə dee, d’a kuga ɓaŋg néra gə́ kori-korije lə dee mbata deḛ d’ə̰ji ndukunje ləm bəḭ-bəḭ ləm, d’oo godndumje gə́ né gə́ ram kəm dee’g ləm tɔ.

Abdias 1:13

Ndɔ gə́ koso-dəwje ləm tuji pugudu lé Kəm kar sí a̰dje tarəwɓee’g lə dee el ləm, Ndɔ gə́ deḛ d’isi dan tuji’g lé Kəm kar sí ooje gə́ nérɔlel el ləm tɔ.

1 Njé gə́ Kɔrḭtə 4:13

deḛ d’unda ta ta sí’g nɛ jeḛ j’ula dee ta gə meḛ sí gə́ maji ləm tɔ. Jeḛ n’tel n’to gə́ ɓiri-ɓisi lə njé gə́ naŋg nee ləm, gə ya̰-néje lai gə́ dəwje saa d’ɔm kɔrɔ ləm tɔ.

Tel tura Godndu 28:37

Seḭ a tel toje né kar kaar dəwje wa dee ne paḭ ləm, gə nékunda kogo ne ləma, gə nédəjindu ləm tɔ mbuna ginkoji koso-dəwje lai gə́ Njesigənea̰ a gə kaw sə sí rɔ dee’g lé.