Ejekel 33:3 - Maktub gə́ To gə Kəmee

³ ɓó lé dəw neelé oo deḛ gə́ d’isi ree gə kiambas dɔ ɓee’g ɓa im to̰to̰ ndəji ne koso-dəwje,

Ejekel 33:3 ပူးပေါင်းရင်းမြစ်များ

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Jeremi 4:5

Ilaje mbər mee ɓee gə́ Juda ləm, Ulaje njé gə́ Jerusalem ləm tɔ pajena: Mbo̰je dɔ na̰ ar sí j’awje Mee ɓee-booje gə́ siŋga dee to!

Jeremi 51:27

Undaje nétɔji tar mee ɓee’g! Imje to̰to̰ mbuna ginkoji dəwje gə raŋg’g! Gɔlje ginkoji dəwje gə raŋg Gə mba rɔ ne səa ləm, Ɓarje ɓeeko̰je gə́ Ararat, Gə Mini, gə Askenaj dəa’g ləm tɔ! Ɓarje mbaije gə́ dəa’g mba rɔ ne səa! Arje kundaje d’aw gə́ rəa’g Dèm-dèm to gə́ beedéje bèe.

Jeremi 6:1

Seḭ Bḛjamije, undaje loo teḛje Mee ɓee gə́ Jerusalem. Imje to̰to̰ mee ɓee gə́ Tekoa ləm, Waje nékwɔji loo-rɔ tar mee ɓee Gə́ Bet-Hakerem ləm tɔ, Mbata némeeko̰ ḭ dɔgel si ree To nétuji gə́ boo.

Ejekel 3:19

Nɛ ɓó lé m’ula njemeeyèr ɓa yeḛ uba goo meeyèr ləa gə goo rəw néra gə́ majel ləa ya̰ el ndá yeḛ a kwəi dan néra kori-korije’g ləa ya nɛ ma ɓa yḛ̀ m’a taa rɔm.

Ojee 8:1

Unje to̰to̰ undaje ta sí’g! Njeba̰ lé nar kalaŋ Gə́ dɔ kəi’g lə Njesigənea̰ to gə́ niŋgatə̰də bèe. Mbata deḛ d’uba ta manrɔ ləm d’ya̰ ləm, Deḛ d’al ne dɔ godndum ləm tɔ.

Joɛl 2:1

Imje to̰to̰ mee ɓee gə́ Sio̰’g! Arje ndia ɓar ɔr loo lɔi-lɔi Dɔ mbal’g ləm gə́ to gə kəmee! Maji kar dəw-mee-ɓeeje lai d’unda bala tigi-tigi! Mbata ndɔ lə Njesigənea̰ si ree, Yee nai dəb ba ŋga.

Amɔs 3:6

See d’a kim to̰to̰ karee ɓar mee ɓee-boo’g Lal kar dəwje d’unda bala wa. See nékəmndoo a teḛ dɔ ɓee-boo’g Lal kar Njesigənea̰ to njegelee wa.

1 Njé gə́ Kɔrḭtə 14:8

Ɓó lé to̰to̰ ɓar maji sur el ndá see na̰ ɓa a gɔl dɔ rəa gə mba kaw rɔ’g wa.