Ejekel 32:8 - Maktub gə́ To gə Kəmee

⁸ N’a kar néndogóje gə́ mee dara’g tel ndogó el gə mbata ləi, tɔɓəi n’a kar loondul dəb dɔ ɓee’g ləi rigim. Mbaidɔmbaije gə́ Njesigənea̰ ɓa pa bèe.

Ejekel 32:8 ပူးပေါင်းရင်းမြစ်များ

Gḭ-Néje 1:14

Ala pana: Maji kar néndogóje to pə̰ dara’g gə mba kai lookàr gə loondul gə lée-lée ya. Maji kar dee to nékwɔji kuru looje ləm, gə ndɔje ləma, gə ləbje ləm tɔ,

Maktub gə́ wɔji dɔ Jɔb 9:7

Yeḛ ɔg kàr loo teḛ ndá y ee teḛ el ləm, Yeḛ udu ta kéréméje ɔg dee ne loo ndogo ləm tɔ.

Teḛ-Raga 10:22

Moyis ula jia par gə́ dara, ndá loo ndul njudu-njudu dɔ ɓee gə́ Ejiptə’g as ndɔ munda.

Gosota-Kəmkàrje 20:20

Ɓó lé dəw ila ndɔl dɔ bɔbeeje’g əsé dɔ kea̰je’g ndá Pərndɔ ləa a kwəi misi dan loondul gə́ ndul njudu-njudu’g.

Njekillamber 12:2

kédé ɓa kar kàr, gə lookàr, gə naḭ, gə kéréméje tel ndul ɓəi ləma, kédé ɓa kar kil-lə-ndi tel ree orè goo ndi ɓəi ləm tɔ.

Esai 13:10

Mbata kéréméje gə́ boi Gə ŋgan kéréméje gə́ gugu dɔ dee lé D’a kar rɔndɔḭ lə dee ndogó el ləm, Léegəneeya kàr gə́ a kuba bər lé a tel ndul njudu-njudu ləma, Naḭ kara a kar ndá ləa ndogó el ləm tɔ.

Esai 34:4

Boo-néje lai gə́ pə̰ dara’g lèḛ ləm, Dara kara kə́ na̰’d mber-mber to gə́ maktub bèe, Ndá boo-néje lai gə́ keneŋ toso To gə́ kam nduúje Gə kam kodéje ndòlé gəḭ ne bèe tɔ.

Joɛl 2:10

Naŋg yə ɓugu-ɓugu no̰ dee’g ləm, Dara kara yə ləm, Kàr gə naḭ tel ndul njudu-njudu ləma, Kéréméje kara rɔndɔḭ lə dee godo ləm tɔ.

Jakari 14:6

Mee ndəa’g neelé loo a ndogó el ləm, Kul gə kwɔji ɓa a to ləm tɔ.