Ejekel 32:7 - Maktub gə́ To gə Kəmee

⁷ Loo gə́ n’a kar néndogó ləi wəi misi ndá n’a kila né kəm dara’g ndá n’a kar kéréméje gə́ keneŋ ndogó el ləm, n’a kar mum o̰ kəm kàr ləma, nai a ndogó el ləm tɔ.

Ejekel 32:7 ပူးပေါင်းရင်းမြစ်များ

Maktub gə́ wɔji dɔ Jɔb 9:7

Yeḛ ɔg kàr loo teḛ ndá y ee teḛ el ləm, Yeḛ udu ta kéréméje ɔg dee ne loo ndogo ləm tɔ.

Gosota-Kəmkàrje 13:9

Néndogó lə njémeekarabasurje lé to rɔlel, Nɛ pərndɔ lə njémeeyèrje wəi misi.

Njekillamber 12:2

kédé ɓa kar kàr, gə lookàr, gə naḭ, gə kéréméje tel ndul ɓəi ləma, kédé ɓa kar kil-lə-ndi tel ree orè goo ndi ɓəi ləm tɔ.

Esai 13:10

Mbata kéréméje gə́ boi Gə ŋgan kéréméje gə́ gugu dɔ dee lé D’a kar rɔndɔḭ lə dee ndogó el ləm, Léegəneeya kàr gə́ a kuba bər lé a tel ndul njudu-njudu ləma, Naḭ kara a kar ndá ləa ndogó el ləm tɔ.

Esai 34:4

Boo-néje lai gə́ pə̰ dara’g lèḛ ləm, Dara kara kə́ na̰’d mber-mber to gə́ maktub bèe, Ndá boo-néje lai gə́ keneŋ toso To gə́ kam nduúje Gə kam kodéje ndòlé gəḭ ne bèe tɔ.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Ejekel 30:18

Loo gə́ n’a təd néməməna̰ lə Ejiptə kar siŋgamoŋ ləa gə́ yee aw beelé ne lé unda ŋgaŋgee ndá lookàr a tel loondul mee ɓee gə́ Tapanɛs’g. Mum a dəb dɔ Tapanɛs’g ləm, d’a kwa ŋganeeje gə́ dené kaw sə dee ɓee-ɓər’g ləm tɔ.

Ejekel 30:3

Mbata ndɔ lé aw gə́ nee dəb, ndɔ lə Njesigənea̰ aw gə́ nee dəb ya, to ndɔ gə́ loo dəb rigim, a to kàree lə ginkoji dəwje gə raŋg ya.

Ejekel 31:15

Mbaidɔmbaije gə́ Njesigənea̰ pa togə́bè pana: ndɔ gə́ yeḛ aw loo-si njé gə́ d’wəi’g lé neḛ n’ar kwa-ndòo-yoo taa loo pəl-pəl ləm, neḛ n’aḭ ŋgaŋ ɓul mán gə mbata ləa ləma, n’ɔg ne baaje loo kula ləm tɔ. Manje gə́ boo-boo rəm d’aar naŋg ləm neḛ n’ar Liba̰ si dan meeko̰’g gə mbata ləa ləma, kagje lai gə́ mee wala’g tudu kurum-kurum ləm tɔ.

Ejekel 34:12

To gə́ njekulbadje tən ne badje ləa soo-soo loo gə́ yeḛ aar mbuna badje’g ləa lé, togə́bè ɓa neḛ kara n’a tel tən dəwje lə neḛ gə́ sanéna̰ ləm, n’a mbo̰ dee gə looje lai gə́ deḛ sanéna̰ keneŋ mee ndəa gə́ mum oso əsé loo dəb bigim lé ləm tɔ.

Joɛl 2:10

Naŋg yə ɓugu-ɓugu no̰ dee’g ləm, Dara kara yə ləm, Kàr gə naḭ tel ndul njudu-njudu ləma, Kéréméje kara rɔndɔḭ lə dee godo ləm tɔ.

Joɛl 2:2

To ndɔ ka̰ loo gə́ ndul njudu-njudu Gə loo gə́ dəb bigim ləm, To ndɔ gə́ mum a koso ləm Ndi a kḭ loḭ-loḭ ləm tɔ. Yee ree asəna gə kàr gə́ uba kuji’d Gə́ ar loo àr dɔ mbalje’g bèe. Aa ooje, ginkoji dəwje gə́ bula digi-digi Gə́ to njésiŋgamoŋje Gə́ dəw oo gar dee kédé el ləm, D’a koo gar dee gə́ togə́bè gogo nda̰ el ləm tɔ.

Amɔs 8:9

Mbaidɔmbaije gə́ Njesigənea̰ pa pana: Mee ndəa’g neelé n’a kar kàr Gə́ aar daŋdɔ bèe ya andə ləm, Dan kàrá kara n’a kar dɔ naŋg ndul ndiŋ-ndiŋ ləm tɔ.

Matiyo 24:29

Waga gə́ a korè goo ndɔ némeeko̰ lé ndá né a dəb kəm kàr’g rigim ləm, naḭ a ndogó el ləm, kéréméje d’a toso naŋg dib-dib ləma, nésiŋgamoŋje lə dara kara d’a yə bura ɓugu-ɓugu ləm tɔ.

Mark 13:24

Mee ndəaje’g neelé loo gə́ néɓəŋgərəti godo mba̰ ndá kàr a tel ndul njudu-njudu ləm, naḭ a ndogó el ləm,

Lugu 21:25

Néje a teḛ dan kəm kàr’g ləm, gə dan kəm naḭ’g ləma, gə dan kéréméje’g ləm tɔ. Dɔ naŋg neelé néɓəŋgərəti a ra ginkoji dəwje gə raŋg loo gə́ baa-boo gə paŋgəm mán d’a no̰ mbiao̰-mbiao̰ ndá deḛ lé d’a gər né gə́ kəm ra lé el.

Loo gə́ killa rea kəm Ja̰’g 8:12

Kura lə Ala gə́ dara gə́ njekɔm dee’g sɔ im to̰to̰ ləa ndá kàr ləm, gə naḭ ləma, gə kéréméje ləm tɔ lé né unda dee, tuji ne dəb ndɔḭ lə dee kára-kára nɛ debeeje nai joo-joo ɓəi mba kar dəb loo kára-kára dan kàrá gə loondul’g lé loo dəb rigim nɛ dəb loo nai joo-joo ɓəi.