Ejekel 32:30 - Maktub gə́ To gə Kəmee

³⁰ Lée gə́ nee ɓa ŋgan-mbaije lai gə́ njékaa dɔ dəb ɓeeko̰je gə́ kel dɔgel ləm, gə njé gə́ Sido̰ lai ləm tɔ to keneŋ, deḛ gə́ d’aw rɔ njé gə́ d’wəi’g lé, lé siŋgamoŋ lə dee ɔm ɓəl dɔ loo’g ya kara rɔkul dəb dɔ dee’g, njépole-magəje neelé to gə njé gə́ d’wəi yoo-kiambas na̰’d ndá d’aw gə rɔkul-boo lə dee rɔ njé gə́ dubu dee bwa-dɔɓar’g.

Ejekel 32:30 ပူးပေါင်းရင်းမြစ်များ

Jeremi 1:15

Mbata aa oo, m’a gə ɓar Koso-dəwje lai gə́ d’isi ɓeeko̰je Gə́ par gə́ dɔgel, Njesigənea̰ ɓa pa bèe, Ndá deḛ d’a ree kar nana kara a kunda kalimbai ləa Tarəwkɔgje lə ɓee gə́ Jerusalem No̰ ndògo-bɔrɔje lai gə́ gugu dəa ləm, Gə no̰ ɓee-booje lai gə́ Juda ləm tɔ.

Jeremi 25:22

M’ar mbaije lai gə́ Tir ləma, gə mbaije lai gə́ Sido̰ ləm, gə mbaije lai gə́ d’isi dɔgoré-loo gə́ dəb baa-boo-kad’g nu ləm tɔ lé d’ai.

Jeremi 25:26

M’ar mbaije lai gə́ dɔgel, deḛ gə́ d’isi mbɔr na̰’g dəb əsé deḛ gə́ d’isi əw gə na̰ ləma, gə ɓeeko̰je lai gə́ dɔ naŋg nee ləm tɔ lé d’ai. Ndá mbai gə́ Sesak ɓa a kai goo dee’g.

Ejekel 26:20

n’a kɔsi piriŋ kilai gə deḛ gə́ dubu dee mee bwa’g rɔ koso-dəwje gə́ ləw’g. N’a kari aw si gin naŋg’d naŋg loo gə́ wa ŋgɔ njag-njag gə no̰ rɔ deḛ gə́ dubu dee mee bwa’g mba kar dəw kára kara si ɓee’g ləi el ŋga, ndá n’a kunda rɔnduba kul mbata lə ɓee lə njésikəmbaje.

Ejekel 28:10

I a kwəi yoo-kwəi lə njépole-magəje ji dəw-dɔ-ɓeeje’g mbata neḛ ɓa m’pata, Mbaidɔmbaije gə́ Njesigənea̰ ɓa pa bèe.

Ejekel 28:21

I ŋgon-dəw lé, tel kəmi par gə́ ɓee gə́ Sido̰ tegginta wɔji ne dəa!

Ejekel 28:23

N’a kula gə yoo-koso mee ɓee’g ləm, n’a kar məs ula naŋg mba̰-rəwje’g ləa ləm tɔ, d’a kḭ gə looje ɓəd-ɓəd ree gə kiambas tɔl dee ne kɔm dee naŋg rib-rib mee ɓee’g, bèe ɓa d’a gər to gə́ neḛ n’to Njesigənea̰ ya.

Ejekel 38:15

Yen ŋga i a kḭ ɓee ləi gə́ to gwɔi loo gə́ dɔgel, i gə koso-dəwje gə́ bula digi-digi səi na̰’d, seḭ lai gə́ tubaje kundaje ləm, dəwje gə́ bula digi-digi gə́ to bao-rɔje gə́ siŋga dee to kɔgərɔ-kɔgərɔ ləm tɔ.

Ejekel 38:6

Gomer, gə kudu-njérɔje ləa lai ləm, gə gel-bɔje lə Togarma gə́ d’isi gwɔi loo gə́ par gə́ dɔgel gə kudu-njérɔje lə deḛ lai ləm tɔ gə́ to koso-dəwje gə́ bula digi-digi gə́ d’isi səi na̰’d lé.

Ejekel 39:2

N’a ndɔri ləm, n’a kɔr nɔḭ ləm, n’a kari aw rudu loo gə́ dɔgel ləma, n’a kaw səi dɔ mbalje gə́ Israɛl’g ləm tɔ.