Ejekel 32:23 - Maktub gə́ To gə Kəmee

²³ Dɔɓar dee to godə loo’g naŋg kɔrɔg ndá koso-njérɔje ləa gə́ bula digi-digi lé kara dɔɓar dee aḭ dəa sub tɔ. Deḛ lai d’wəi yoo-kiambas ya. Deḛ gə́ to njékɔm ɓəl-boo mee ɓee’g lə njé gə́ d’isi kəmba lé.

Ejekel 32:23 ပူးပေါင်းရင်းမြစ်များ

Maktub gə́ wɔji dɔ Jɔb 28:13

Dəw lé askəm gər gadee el ləm, Dəw a kiŋga dɔ naŋg lə njésikəmbaje el ləm tɔ.

Pakɔsje 116:9

M’a njaa kəm Njesigənea̰’g Dɔ naŋg’d lə deḛ gə́ d’aw kəmba lé.

Pakɔsje 142:5

Maji kari un kəmi par gə́ dɔ jikɔl aa ne loo oo ya: Dəw kára kara tel gərm el ləm, Njo̰loo mba kaḭ kula dɔm keneŋ godo ləma, Dəw kára kara ə̰ji dɔm’g bèe el ləm tɔ.

Pakɔsje 27:13

Wai, ma m’gər gao, M’a koo meemaji lə Njesigənea̰ dɔ naŋg’d lə njésikəmbaje lé. Ɓó lé m’gər bèe el ndá See m’a ra ban wa.

Esai 14:17

Gə njekar dɔ naŋg tel to gə́ dɔ nduba ləm, Gə njetuji ɓee-booje ləma, Gə njekɔr dəwje gə́ yeḛ wa dee gə́ ɓər lé Kɔm dee tar el ləm tɔ lé el wa.

Esai 38:11

Ma m’pana: M’a koo Njesigənea̰ Mee ɓee’g lə njé gə́ d’isi kəmba lé el ŋga ləm, M’a tel koo dəw kára kara Mbuna deḛ gə́ d’isi dɔ naŋg neelé el ŋga ləm tɔ.

Jeremi 11:19

Ma m’to asəna gə ŋgon badə gə́ kul gə́ d’aw səa gə́ loo-tɔlee’g bèe, ndá ma m’gər rəw né gə́ majel gə́ deḛ la̰ji meḛ dee’g gə mba ra səm lé el. Deḛ pana: Ar sí n’tujije kag gə ka̰dee na̰’d! Ar sí j’oreeje dɔ naŋg’d lə njésikəmbaje mba kar dəw ə̰ji dɔ ria’g gogo el ŋga.

Ejekel 26:17

Deḛ d’un pa no̰ ndooi d’ulai ne pana: Ɗi togə́bè wa! See gelee ban ɓa i tuji pugudu bèe wa. I gə́ njé gə́ d’aḭ gə́ yo gə́ nee dɔ baa-boo-kad’g ree d’isi rɔi’g ləm, I gə́ to ɓee-boo gə́ njeriɓar Gə́ njé gə́ d’isi keneŋ to dəwje gə́ njésiŋgamoŋje dɔ baa-boo-kad’g ləm tɔ. Ɓee neelé gə dəwje gə́ d’isi keneŋ Gə́ d’aw d’ɔm ɓəl dɔ dəwje gə́ gugu dɔ deḛ lai lé tuji pugudu.

Ejekel 26:20

n’a kɔsi piriŋ kilai gə deḛ gə́ dubu dee mee bwa’g rɔ koso-dəwje gə́ ləw’g. N’a kari aw si gin naŋg’d naŋg loo gə́ wa ŋgɔ njag-njag gə no̰ rɔ deḛ gə́ dubu dee mee bwa’g mba kar dəw kára kara si ɓee’g ləi el ŋga, ndá n’a kunda rɔnduba kul mbata lə ɓee lə njésikəmbaje.

Ejekel 32:32

Mbata n’a kɔm ɓəl-boo lə neḛ dɔ ɓee lə njé gə́ d’isi kəmba’g ndá d’a to dan njépole-magəje’g na̰’d gə deḛ gə́ d’wəi yoo-kiambas, yee ɓa gə́ Parao̰ gə njé’g ləa gə́ bula digi-digi lé. Mbaidɔmbaije gə́ Njesigənea̰ ɓa pa bèe.

Nahum 1:14

Aa ooje, né gə́ Njesigənea̰ un ne ndia wɔji ne dɔ sí-seḭ gə́ Ninibə ɓa nee: Seḭ a kiŋgaje ŋgaka síje gə́ ri sí a ɓar ne dɔ dee’g nda̰ el, N’a tɔr néndajije gə́ seḭ tɔl deeje ləm, gə lḛ̀je ləm tɔ Mee kəi-magə’d lə sí, N’a gɔl bwa-dubu sí mbata seḭ toje dəwje gə́ gə mḭdé ba.