Ejekel 32:2 - Maktub gə́ To gə Kəmee

² I ŋgon-dəw lé, un pa no̰ ndòo Parao̰, mbai gə́ Ejiptə! A kulá pana: I lé to tana gə ŋgon toboḭ mbuna ginkoji dəwje gə raŋg’g, I to tana gə mar dan baa-boo-kadje’g ləm, I al uru dan mán baa’g ləi ləm, I bugulu manje gə gɔlije ləma, I tuga paŋgəm maneje puguju-puguju ləm tɔ.

Ejekel 32:2 ပူးပေါင်းရင်းမြစ်များ

Gḭ-Néje 49:9

Juda to ŋgon toboḭ. Ŋgonəm, i ḭ loo gə́ i tɔl né keneŋ lé tel ree! Yeḛ udu gɔlee ŋgon to naŋg to gə́ bɔ toboḭ bèe ləm, Asəna gə ko̰ toboḭ bèe ləm tɔ: Ŋga see na̰ ɓa a ndelee karee ḭta wa.

Maktub gə́ wɔji dɔ Jɔb 41:23

Yee ar kuru lə mán baa-boo olé to gə́ mán gə́ pər’d ləm Yee telee aree to asəna gə jo gə́ ubu gə́ ə̰də sululu rusu mée tub bèe ləm tɔ.

Maktub gə́ wɔji dɔ Jɔb 7:12

See ma m’to gə́ mán baa-boo-kad əsé gə́ da-mán ɓa I unda njéŋgəmlooje ar dee gugu dɔm sub wa.

Gosota-Kəmkàrje 25:26

To gə́ kəm-rəw-mán gə́ bugulu ləm, gə ŋgira-mán gə́ ɓeb ləm tɔ lé Njemeekarabasur gə́ unda ndolè no̰ njemeeyèr’g lé to togə́bè tɔ.

Gosota-Kəmkàrje 28:15

Njemeeyèr gə́ o̰ ɓee dɔ dəwje’d gə́ to njéndooje lé To asəna gə toboḭ gə́ inja miḭ ləm, gə da-urs gə́ ɓó tɔlee bèe ləm tɔ.

Gosota-Kəmkàrje 30:30

Toboḭ gə́ siŋgamoŋgee ur dɔ daje’g lai lé Nana kara yee ɔs tel gə gée nea̰’g el ləm,

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 46:7

See na̰ ɓa ḭ aw gə́ nee to gə́ baa Nil Gə́ manee ula pujuju-pujuju To gə́ kəm-rəw-mán bèe wa.

Jeremi 46:8

To Ejiptəje ya, Deḛ d’ḭ d’aw gə́ nee To gə́ baa Nil bèe ləm, Man dee ula pujuju-pujuju To gə́ kəm-rəw-mán bèe ləm tɔ. Deḛ pana: N’a kḭ taaje dɔ naŋg nee yal-yal ləm, N’a tujije ɓee-booje Gə dəwje gə́ d’isi keneŋ ləm tɔ.

Jeremi 9:18

Mbata ndu no̰ sii mbigi-mbigi Ɓar par gə́ Sio̰ pana: Ɗi togə́bè wa, jeḛ n’tuji! Rɔkul dəb dɔ sí’g! Ar sí j’ubaje ɓee lé j’ya̰je! Deḛ tɔs kəi-sije lə sí tila dee.

Ejekel 26:17

Deḛ d’un pa no̰ ndooi d’ulai ne pana: Ɗi togə́bè wa! See gelee ban ɓa i tuji pugudu bèe wa. I gə́ njé gə́ d’aḭ gə́ yo gə́ nee dɔ baa-boo-kad’g ree d’isi rɔi’g ləm, I gə́ to ɓee-boo gə́ njeriɓar Gə́ njé gə́ d’isi keneŋ to dəwje gə́ njésiŋgamoŋje dɔ baa-boo-kad’g ləm tɔ. Ɓee neelé gə dəwje gə́ d’isi keneŋ Gə́ d’aw d’ɔm ɓəl dɔ dəwje gə́ gugu dɔ deḛ lai lé tuji pugudu.

Ejekel 27:2

I ŋgon-dəw lé, un pa no̰ ndòo ɓee gə́ Tir.

Ejekel 27:32

D’a kun pa no̰ ndòo nɔḭ ne Dan néɓəŋgərəti’g lə dee, D’a ndiŋga rɔ dee gə mbata ləi pana: See ɓee gə́ ra ɓa to asəna gə Tir To asəna gə ɓee-boo nee gə́ tuji dan baa-boo-kad’g neelé wa.

Ejekel 28:12

I ŋgon-dəw lé, un pa no̰ ndòo mbai gə́ Tir! A kulá pana: Mbaidɔmbaije gə́ Njesigənea̰ pa togə́bè pana: I ya gə́ nékwɔji maji kɔr njoroŋ lə né ləm, kəmkàr taa rɔi pəl-pəl ləma, i maji péd-péd ləm tɔ.

Ejekel 29:15

Yee a to ɓeeko̰ gə́ əḭ el unda mareeje ndá yee a tel kur dɔ ginkoji dəwje gə raŋg’g el ŋga ləm, n’a rəm sə dee mba kar dee dum dɔ ginkoji dəwje gə raŋg el ŋga ləm tɔ.

Ejekel 29:3

Maji kari pa pana: Mbaidɔmbaije gə́ Njesigənea̰ pa togə́bè pana: Aa oo, i Parao̰, mbai gə́ Ejiptə lé n’aw səi gə ta, i ɓəgərə-mar gə́ aw to mee baa-boo’g ləi lé i pana: Baa-boo ləi to kaḭ-i ya, i nja ɓa gə́ njerea lé!

Ejekel 32:16

Yee ɓa to pa no̰ ndòo gə́ d’a kɔs, ŋgalə ginkoji dəwje gə raŋg gə́ dené d’a kɔs pa no̰ ndòo neelé. D’a karee wɔji ne dɔ Ejiptə gə dɔ njé’g ləa gə́ bula digi-digi lé. Mbaidɔmbaije gə́ Njesigənea̰ ɓa pa bèe.

Ejekel 32:18

I ŋgon-dəw lé, no̰ koso-dəwje gə́ Ejiptə gə́ bula digi-digi lé sii ne mbigi-mbigi, ɔs Ejiptəje gə ŋgalə ginkoji dəwje gə raŋg gə́ dené gə́ to njésiŋgamoŋje ɔm dee gin naŋg’d gə́ bər gə njé gə́ dubu dee bwa-dɔɓar’g na̰’d.

Ejekel 34:18

See muje gə́ maji gə́ seḭ aw o̰je ɓa telje tubaje gesee gə́ nai gə gɔl sí lé to né gə́ lam ba kəm sí’g wa. See mán gə́ maji gə́ seḭ aw aije ɓa telje buguluje yee gə́ nai gə gɔl sí lé to né gə́ lam ba kəm sí’g to wa.

Ejekel 38:13

Njé gə́ Seba gə Dedan, gə njérab-néje gə́ Tarsis ləm, gə ŋgan toboḭje lə dee ləm tɔ lé d’a dəjii pana: See i ree gə mba kunda sí banrɔ wa. See i mbo̰ bula dəwje ləi mba kodo ne nébanrɔje ləm, gə mba kodo ne larnda gə larlɔr ləma, gə mba kɔr ne koso-nékulje gə némajije ləm tɔ ɓa mba kaw ne gə́ nébanrɔ gə́ boo wa.

Bula lə Israɛlje 24:9

Deḛ d’udu kəji dee ndugu to ne naŋg asəna gə toboḭ, asəna gə ko̰ toboḭ bèe: See na̰ ɓa a kar dee d’uba naŋg d’ḭ wa. Maji kar ndutɔr nai gə yeḛ gə́ tɔr ndia dɔ sí’g ləm, Maji kar ndɔl wa dɔ yeḛ gə́ pata ila ne ndɔl dɔ sí’g ləm tɔ!

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.