Ejekel 32:18 - Maktub gə́ To gə Kəmee

¹⁸ I ŋgon-dəw lé, no̰ koso-dəwje gə́ Ejiptə gə́ bula digi-digi lé sii ne mbigi-mbigi, ɔs Ejiptəje gə ŋgalə ginkoji dəwje gə raŋg gə́ dené gə́ to njésiŋgamoŋje ɔm dee gin naŋg’d gə́ bər gə njé gə́ dubu dee bwa-dɔɓar’g na̰’d.

Ejekel 32:18 ပူးပေါင်းရင်းမြစ်များ

Pakɔsje 30:9

Njesigənea̰, ma lé m’ila ndum naŋg m’no̰ wəl gə́ rɔi’g! M’ra ndòo rɔ Njesigənea̰’g ya.

Pakɔsje 63:9

Ŋgaw məəm ɔm səi na̰’d yəg, Jikɔli gədm tɔ.

Esai 14:15

Nɛ d’ɔsi piriŋ d’ilai Ɓee lə njé gə́ d’wəi’g Mee bwa gə́ uru ŋgudu-ŋgudu’g.

Esai 16:9

Gelee gə́ nee ɓa ma m’no̰ ne Gə mba ndɔ-nduúje gə́ to Sibma To gə́ m’no̰ ne gə mba njé gə́ Jajer bèe tɔ, Ma m’ndəi mán-no̰ gə́ kəm’g dɔ sí-seḭ ɓeeje gə́ Esbon gə Eləalé Mbata lul njérɔje ɓar dɔ ndɔ kinja kó’g lə sí ləm, Gə dɔ kunda ka̰dee’g ləm tɔ.

Jeremi 1:10

Oo maji, ɓogənè m’ɔri M’undai dɔ ginkoji dəwje gə raŋg’g ləm, Gə dɔ ɓeeko̰je ləm tɔ Gə mba kari tɔr dee təd dee rém-rém ləm, Gə mba kari tuji dee pugudu-pugudu Unda dee naŋg rə̰dəŋ-rə̰dəŋ ləma, Gə mba kari unda dee tar gə a ma̰a dee ləm tɔ.

Ejekel 26:20

n’a kɔsi piriŋ kilai gə deḛ gə́ dubu dee mee bwa’g rɔ koso-dəwje gə́ ləw’g. N’a kari aw si gin naŋg’d naŋg loo gə́ wa ŋgɔ njag-njag gə no̰ rɔ deḛ gə́ dubu dee mee bwa’g mba kar dəw kára kara si ɓee’g ləi el ŋga, ndá n’a kunda rɔnduba kul mbata lə ɓee lə njésikəmbaje.

Ejekel 31:14

mba kar kagje lai gə́ d’aar ta manje’g lé d’a kar dee ŋgal pur-pur el ŋga ləm, mba kar sém dee teḛ tar dan barkəm deeje gə́ ndər siŋ-siŋ’d lé el ŋga ləma, mba kar kag-sɛnəje lai gə́ d’ai mán yaa̰ lé ŋgal dee a to to gə́ kédé el ŋga ləm tɔ. Mbata deḛ lai lé yoo ɓa wɔji dɔ dee kar dee d’aw gin naŋg’d bər mbuna dəwje lai gə́ dubu dee bwa-dɔɓar’g na̰’d.

Ejekel 31:16

Kaa tuji ləa gə́ ɓar lé neḛ n’ar ginkoji dəwje gə raŋg d’unda ne bala loo gə́ n’ɔsee n’ilá loo-si njé gə́ d’wəi’g gə njé gə́ dubu dee bwa-dɔɓar’g na̰’d lé, kagje lai gə́ Edḛ gə kura kagje lə Liba̰ gə́ maji d’unda mar deeje gə́ d’ai mán yaa̰ lé meḛ dee to lɔm gin naŋg’d bər.

Ejekel 32:12

n’a tuji njé’g ləi gə́ bula digi-digi lé gə kiambas lə dəwje gə́ to bao-rɔje, deḛ lai gə́ to njéra nékərm-kərmje kunda mar deeje mbuna koso-dəwje-dəwje’g. D’a kar beelé lə Ejiptə udu guduru ndá dəwje ləa lai gə́ bula digi-digi lé d’a tuji pugudu-pugudu ya.

Ejekel 32:16

Yee ɓa to pa no̰ ndòo gə́ d’a kɔs, ŋgalə ginkoji dəwje gə raŋg gə́ dené d’a kɔs pa no̰ ndòo neelé. D’a karee wɔji ne dɔ Ejiptə gə dɔ njé’g ləa gə́ bula digi-digi lé. Mbaidɔmbaije gə́ Njesigənea̰ ɓa pa bèe.

Ejekel 32:2

I ŋgon-dəw lé, un pa no̰ ndòo Parao̰, mbai gə́ Ejiptə! A kulá pana: I lé to tana gə ŋgon toboḭ mbuna ginkoji dəwje gə raŋg’g, I to tana gə mar dan baa-boo-kadje’g ləm, I al uru dan mán baa’g ləi ləm, I bugulu manje gə gɔlije ləma, I tuga paŋgəm maneje puguju-puguju ləm tɔ.

Ejekel 32:21

Loo-si njé gə́ d’wəi’g lé bao-rɔje gə́ to njésiŋgamoŋje d’a kula yeḛ gə deḛ gə́ to njégədeje lé ta. Deḛ dubu dee d’ar dee to naŋg ŋga, deḛ to njépole-magəje gə́ d’wəi yoo-kiambas lé.

Ejekel 43:3

Némḭdi neelé to asəna gə yee gə́ m’oo loo gə́ Ala ree gə mba tuji ɓee-boo lé, tɔɓəi némḭdije neelé to d’asəna gə njé gə́ m’oo ta baa gə́ Kebar’g tɔ. Bèe ɓa m’oso rəb m’dəb kəm naŋg.

Ojee 6:5

Gelee gə́ nee ɓa Gə ta gə́ teḛ ta njéteggintaje’g lé M’a m’kunda dee ne ləm, Gə ta gə́ teḛ tam’g lé M’a m’tɔl dee ne ləm tɔ. Rəwta gaŋgje ləm d’a nduba rɔ dee to gə́ loo gə́ àr bèe.

Misee 1:8

Gelee gə́ nee ɓa ma Mise M’a no̰ ne gə mán-no̰ kəm’g ləm, M’a sii ne mbigi-mbigi ləm, M’a njaa ne gɔlm kari ba ləm, M’a kɔr ne ndum wəl no̰ ne to gə́ tàl bèe ləma, M’a tuma̰ ne ŋgururu-ŋgururu to gə́ yel miru bèe ləm tɔ.

Matiyo 11:23

I ɓee gə́ Kapernawum, see d’a kuni kundai tar dara wa. Wah! D’a rəm səi yəm saar gə́ ɓee lə yoo. Némɔrije gə́ deḛ ra mbuna sí’g, ɓó lé deḛ ra Sɔdɔm ndá saar ɓogənè kara Sɔdɔm a nai keneŋ ɓəi.

Lugu 19:41

Loo gə́ nai tḛ́ bèe gə mba kar dee teḛ mee ɓee’g lé ndá Jeju ila kəmee dɔ ɓee-boo’g neelé ndá no̰ gə mán kəmee dəa’g pana:

Njé gə́ Rɔmə 12:15

Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ.