Ejekel 32:12 - Maktub gə́ To gə Kəmee

¹² n’a tuji njé’g ləi gə́ bula digi-digi lé gə kiambas lə dəwje gə́ to bao-rɔje, deḛ lai gə́ to njéra nékərm-kərmje kunda mar deeje mbuna koso-dəwje-dəwje’g. D’a kar beelé lə Ejiptə udu guduru ndá dəwje ləa lai gə́ bula digi-digi lé d’a tuji pugudu-pugudu ya.

Ejekel 32:12 ပူးပေါင်းရင်းမြစ်များ

Jeremi 46:12

Ginkoji dəwje gə raŋg d’oo Ta nérɔkul gə́ teḛ dɔi’g ləm, Gə́ kiije ləi gə́ ɓar Taa naŋg nee pəl-pəl ləm tɔ, Mbata njérɔje d’unda ndolè dɔ na̰’g ləm, Deḛ lai tɔr toso na̰’d ləm tɔ.

Ejekel 28:19

Dəwje lai gə́ gəri mbuna koso-dəwje’g lé d’wa dɔ dee jiim mbata ləi ləm, i tel to néɓəl ləma, gə né gə́ tuji gə no̰ ləm tɔ.

Ejekel 28:7

aa oo, n’a kɔm dəw-dɔ-ɓeeje gə́ to ɓəl kədm-kədm unda dəwje gə́ raŋg dɔi’g, deḛ d’a tɔr kiambas lə dee tuji ne maji kəmkàr ləi ləm, d’a tibi yiro dɔ maji péd-péd’g ləi ləm tɔ.

Ejekel 29:19

Gelee gə́ nee ɓa Mbaidɔmbaije gə́ Njesigənea̰ pa ne ta togə́bè pana: Aa oo, neḛ n’ar Nebukadnesar, mbai gə́ Babilɔn ɓee gə́ Ejiptə. Yeḛ a taa nébaoje gə́ keneŋ ləm, yeḛ a kunda dee banrɔ ləma, yeḛ a kodo nébanrɔje gə́ keneŋ ləm tɔ, yee ɓa a to nékoga-dɔ-ji njérɔje ləa ya.

Ejekel 30:11

Yeḛ gə koso-dəwje ləa səa na̰’d lé deḛ gə́ to njéra nékərm-kərmje ur dɔ ginkoji dəwje gə raŋg’g lé d’a kula dee kar dee d’aw mba tuji ɓee lé, deḛ d’a kɔr kiambasje lə dee rɔ ne gə Ejiptə kar yoo-dəwje taa mee ɓee pəl-pəl.

Ejekel 31:11

ndá neḛ n’ilá ji bao-rɔje lə ginkoji dəwje gə raŋg’g mba kar dee ra səa gə goo meeyèr ləa, neḛ lé n’tubá mba̰.

Ejekel 31:12

Dəw-dɔ-ɓeeje gə́ to njéra nékərm-kərmje kunda mar deeje mbuna ginkoji dəwje gə raŋg’g lé tugá jəg-jəg d’ubá wɔg d’yá̰. Barkəmeeje toso dɔ mbalje’g gə mee wəl-looje’g lai ləm, barkəmeeje gə́ lam-lam lé təd d’ɔm kəm kila-rəw-ma̰je’g lai gə́ mee ɓee’g ləm tɔ ndá koso-dəwje lai gə́ dɔ naŋg nee d’ɔr rɔ dee ndilee’g d’ubá d’yá̰.

Ejekel 32:18

I ŋgon-dəw lé, no̰ koso-dəwje gə́ Ejiptə gə́ bula digi-digi lé sii ne mbigi-mbigi, ɔs Ejiptəje gə ŋgalə ginkoji dəwje gə raŋg gə́ dené gə́ to njésiŋgamoŋje ɔm dee gin naŋg’d gə́ bər gə njé gə́ dubu dee bwa-dɔɓar’g na̰’d.