Ejekel 32:10 - Maktub gə́ To gə Kəmee

¹⁰ N’a kar koso-dəwje bula d’wa dɔ dee jiim mbata ləi ləm, ɓəl-boo a kunda mbaije lə dee badə gaŋg dee mbata ləi ləm tɔ loo gə́ n’a tɔji dee kiambas lə neḛ, gə kàrje lai lé deḛ d’a kunda bala tigi-tigi keneŋ mbata kəmə lə dee, nana kara a kunda bala mbata kəmə ləa-ləa ndɔ tuji’g ləi.

Ejekel 32:10 ပူးပေါင်းရင်းမြစ်များ

1 Mbaije 9:8

Yen ɓa kəi gə́ kédé to kəi gə́ boo lé nana ɓa gə́ a dəs mbɔree’g lé kaaree a kwá paḭ karee ə̰ji ŋgəḭ pana: See gelee ban ɓa Njesigənea̰ ra né gə́ togə́bè gə ɓee nee ləm, gə kəi nee ləm tɔ bèe wa.

Esai 30:32

Ta ndəi kɔb ləa kára kára gə́ wɔji dɔ deḛ gə́ Njesigənea̰ a kunda dee neelé d’a koo ndu dalè bajḭgje gə kṵdu-kagje gə́ ɓar, Njesigənea̰ a rɔ ne sə dee gə jia gə́ un ula ndiŋ gə́ tar lé.

Jeremi 51:9

Jeḛ ndigi kar Babilɔn aji nɛ yeḛ aji el. Ar sí j’ubáje j’yá̰je ndá j’awje J’ar nana kara aw mee ɓee’g ləa-ləa, Mbata ta gə́ gaŋg dəa’g lé Aw njal teḛ mee dara’g ləm, Aw njal teḛ loo-pelé’g-lə-ndi ləm tɔ.

Ejekel 26:16

Ŋgan-mbaije lai gə́ njékaa dɔ dəb ɓeeko̰je gə́ d’isi ta baa-boo-kad’g lé d’ḭ dɔ kalimbaije’g lə dee d’ur naŋg. Deḛ tɔr kubuje lə dee gə́ boi yul-yul rɔ dee’g ləm, deḛ tɔr kubuje lə dee gə́ d’ɔs ndaji ta’g ləm tɔ. Deḛ ɓiri rɔ dee gə ɓəl ndá rəm d’isi naŋg. Ɓəl-boo dəb dɔ dee’g gə mee kàrje lai ləm, ɓəl unda dee badə gaŋg dee mbata né gə́ yeḛ aree teḛ dɔi’g ləm tɔ.

Ejekel 27:35

Dəwje lai gə́ dɔgoré-looje’g lé D’wa dɔ dee jiim mbata ləi ləm, Ɓəl-boo unda mbaije lə dee badə gaŋg dee ləma, Kəm dee tel wagəsa ləm tɔ.

Ejekel 30:9

Mee ndəa’g neelé njékaḭkulaje d’a kḭ rɔ neḛ’g kaw gə batoje kaw jɔg Etiopije loo-si-lɔm’g lə dee, ɓəl-boo a to mbuna dee’g to gə́ mee ndɔ ka̰ Ejiptə’g bèe mbata aa oo, néje neelé si aw gə́ nee dəb ŋga!

Jakari 11:2

Seḭ kag-siprɛsje, maji kar sí no̰je siije mbigi-mbigi Mbata kag-sɛdrəje lé toso ləm, Kagje gə́ ŋgal pur-pur lé tuji mba̰ ləm tɔ. Seḭ kag-sɛnəje gə́ Basan lé Maji kar sí no̰je siije mbigi-mbigi Mbata kag-kɔrje gə́ dəw askəm kandə keneŋ el lé Tuji mbad-mbad.

Tel tura Godndu 29:24

Ndá d’a kila dee keneŋ pana: To mbata kuba gə́ d’uba ndu manrɔ lə Njesigənea̰ Ala lə bɔ deeje-je gə́ ar dee d’unda loo mee ɓee gə́ Ejiptə teḛ lé d’ya̰ lé.

Tel tura Godndu 32:41

Ɓó lé m’ɔl ta kiambas ləm gə́ ndɔḭ pèl-pèl ləm, Ɓó lé m’wa rəwta-gaŋg gə́ gə dɔ najee jim’g ləm tɔ ndá, M’a dal ba̰ gə njéba̰je ləm ləm, M’a kar bo̰ néra dee Gə́ njékḛjim bəḭ-bəḭje ɔs ta dee’g ləm tɔ.

Loo gə́ killa rea kəm Ja̰’g 18:10

D’a kunda rɔ dee ŋgərəŋ mbata d’a ɓəl néurti gə́ rəa lé ndá d’a pana: Nékɔb gə́ ban ɓa to ɓəl bèe wa! Nékɔb gə́ ban ɓa to ɓəl bèe wa! Babilɔn, ɓee-boo gə́ njesiŋgamoŋ lé nja! Mee kàree gə́ kára ba ya nétuji gə́ wɔji dɔi teḛ dɔi’g ya.