Ejekel 31:3 - Maktub gə́ To gə Kəmee

³ Aa oo, Asiri to kag-sɛdrə gə́ Liba̰, Barkəmeeje kura yaa̰ ləm, Kameeje idi lub-lub ləm, Kagee ŋgal ləma, Semee teḛ tar dan barkəmeeje gə́ ndər siŋ-siŋ ləm tɔ.

Ejekel 31:3 ပူးပေါင်းရင်းမြစ်များ

Pakɔsje 92:12

Meem lelm yaa̰ mba koo ne njéba̰je ləm gə́ d’isi tuji ləm, Mbim kara m’ur njor m’oo ne ndu njékoma̰ səmje gə́ to njémeeyèrje lé ya ləm tɔ.

Esai 37:24

I ula sul dɔ Mbaidɔmbaije’g gə ndu kuraje ləa Ndá i pana: Mbɔl dɔ pusu-rɔje ləi gə́ dum tura ɓa I teḛ ne dɔ sém mbalje gə́ Liba̰, I tuga kag-sɛdrəje ləa gə́ ŋgal d’unda mar deeje ləm, Gə kag-siprɛsje ləa gə́ maji d’unda mar deeje ləma, I aw njal teḛ ne sém kagje’g ləa Gə́ to mee kag-kɔr’g ləa Gə́ to asəna gə loo-ma̰a-kagje bèe ləm tɔ.

Jeremi 17:8

Yeḛ to asəna gə kag gə́ mea̰ mbɔr mán’g Gə́ ula ŋgira par gə́ kəm-rəw-mán’g, Yeḛ oo kɔs lə kàr gə́ né el ləm, Kamee kara ndolé el ləm tɔ. Mee ləb gə́ loo tudu keneŋ lé Yeḛ ɓəl el ləm, Yeḛ lal kandə el ləm tɔ.

Jeremi 50:18

Gelee gə́ nee ɓa Njesigənea̰ gə́ njeboo-néje gə́ to Ala lə Israɛlje lé pa ne togə́bè pana: Aa ooje, m’a kar bo̰ néra mbai gə́ Babilɔn ɔs təa’g to gə́ m’ar bo̰ néra mbai gə́ Asiri ɔs təa’g bèe tɔ.

Ejekel 17:22

Mbaidɔmbaije gə́ Njesigənea̰ pata togə́bè pana: Neḛ lé n’a təd dɔ sém kag-sɛdrə gə́ ŋgal ndá n’a kaw kila lée’g. N’a təd barkəmee gə́ uba sigi dɔ barkəmeeje gə́ tar’g ndá n’a kaw ma̰a dɔ mbal gə́ ŋgal léŋgé-léŋgé’g.

Ejekel 19:11

Barkəmeeje gə́ maji dum lé Tel to kag-mbai lə mbaije, Gə goo ŋgal ləa lé yee turu ne dɔ barkəmeeje Gə́ udu na̰ jigi-jigi lé, Kəm dəwje mbo̰ na̰ dəa’g sɔmɔmo̰ Mbata duu-dɔ-loo ləa ləm, Gə barkəmeeje gə́ tɔ yéŋgé-yéŋgé ləm tɔ.

Ejekel 31:10

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Mbata kagee ŋgal pur-pur ləm, mbata sémee teḛ tar dan barkəmeeje gə́ ndər siŋ-siŋ ləma, mbata ti gə́ yee ti rəa mbata ŋgal ləa ləm tɔ lé

Ejekel 31:16

Kaa tuji ləa gə́ ɓar lé neḛ n’ar ginkoji dəwje gə raŋg d’unda ne bala loo gə́ n’ɔsee n’ilá loo-si njé gə́ d’wəi’g gə njé gə́ dubu dee bwa-dɔɓar’g na̰’d lé, kagje lai gə́ Edḛ gə kura kagje lə Liba̰ gə́ maji d’unda mar deeje gə́ d’ai mán yaa̰ lé meḛ dee to lɔm gin naŋg’d bər.

Ejekel 31:17

Deḛ kara d’aw səa na̰’d loo-si njé gə́ d’wəi’g rɔ njé gə́ d’wəi yoo-kiambas’g, kédé lé deḛ to njégədeeje ləm, deḛ d’isi ndilee’g mbuna ginkoji dəwje gə raŋg’g ləm tɔ.

Ejekel 31:5

Gelee gə́ nee ɓa kagee ḭ ŋgal Ur ne dɔ kagje lai gə́ mee ndɔ’g ləm, Barkəmeeje tɔ ne yéŋgé-yéŋgé d’alé D’un loo lad-lad ləm tɔ, Manje gə́ taa loo pəl-pəl ɓa Aree tɔg ne,

Ejekel 31:6

Yelje lai gə́ pə̰ dara’g Ra kəije lə dee barkəmeeje’g ləm, Gel barkəmeeje’g lé Daje lai gə́ mee wala’g d’oji ŋgan deeje keneŋ ləma, Ginkoji dəwje gə raŋg gə́ bula digi-digi lai lé D’isi ndilee’g ləm tɔ.

Ejekel 31:8

Kag-sɛdrəje gə́ mee ndɔ’g lə Ala maji d’undá el ləm, Kag-siprɛsje d’as gə barkəmeeje el ləma, Kag-platanəje kara to to gə́ barkəmeeje el ləm tɔ, Kag kára kara gə́ mee ndɔ’g lə Ala gə́ kura as səa lé godo.

Ejekel 32:22

Lée nee ɓa mbai gə́ Asiri to keneŋ gə njérɔje ləa lai gə́ bula digi-digi ar dɔɓar dee aḭ dəa sub. Deḛ lai lé d’wəi yoo-kiambas ya.

Loo gə́ killa rea kəm Daniel’g 4:10

Némḭdije gə́ m’oo dɔ tira-tom’g lé ɓa ma m’aa loo ndá aa oo, kura gə́ dara ḭ mee dara’g ur naŋg.

Loo gə́ killa rea kəm Daniel’g 4:12

Nɛ ya̰je jigee dɔ ŋgirá’g Ndá tɔje mbuna muje gə́ wala Gə kúla larje gə́ ra gə larndul gə larkas. Maji kar tàl tən keneŋ ləm, Kar mu gə́ təb to gə́ nésəa To gə́ daje bèe ləm tɔ.

Loo gə́ killa rea kəm Daniel’g 4:7

Aa oo, némḭdije gə́ m’oo Loo gə́ m’to dɔ tira-tom’g lé ɓa nee: Ma m’aa loo ndá aa oo, Kag gə́ ŋgal yaa̰ aar dɔ naŋg’d Loo gə́ dana bab.

Soponi 2:13

Yeḛ a kula jia par gə́ dɔgel ndá Yeḛ a tuji Asirije ləm, Yeḛ a kar ɓee gə́ Ninibə tel to nduba piu-piu ləma, Naŋg ləa a tudu kurum-kurum asəna gə dɔdilaloo bèe ləm tɔ.

Jakari 11:1

I ɓee gə́ Liba̰, maji kari teḛ tarəwkɔgje ləi Gə mba kar pər roo kag-sɛdrəje ləi dula-dula.

Jakari 11:2

Seḭ kag-siprɛsje, maji kar sí no̰je siije mbigi-mbigi Mbata kag-sɛdrəje lé toso ləm, Kagje gə́ ŋgal pur-pur lé tuji mba̰ ləm tɔ. Seḭ kag-sɛnəje gə́ Basan lé Maji kar sí no̰je siije mbigi-mbigi Mbata kag-kɔrje gə́ dəw askəm kandə keneŋ el lé Tuji mbad-mbad.

Njéga̰g-Rəwtaje 9:15

Ndá ɔg-ɓəd-kal lé ula kagje lé pana: Ɓó lé seḭ ndigije tɔgərɔ gə mba kwa dɔm gə ubu kundam ne gə mbai lə sí ndá reeje ree ulaje rɔ sí gel ndiləm’g, ɓó lé bèe el ndá pər a kḭ mee ɔg-ɓəd-kal’g roo kag-sɛdrəje gə́ Liba̰.