Ejekel 30:8 - Maktub gə́ To gə Kəmee

⁸ Loo gə́ n’a kila pər mee ɓee gə́ Ejiptə’g kar njégədeje lai təd rém-rém ndá yee ɓa d’a gər ne to gə́ neḛ n’to Njesigənea̰ ya.

Ejekel 30:8 ပူးပေါင်းရင်းမြစ်များ

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 58:11

Njemeekarabasur a si dan rɔlel’g Loo gə́ yeḛ oo dal ba̰, Yeḛ a togo gɔlee dan məs njémeeyèrje’g ya.

Esai 42:25

Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.

Nɔ̰-ndôo gə́ wɔji dɔ Jerusalem 4:11

Njesigənea̰ ɔr suna meekḭ jugugu ləa, Yeḛ ɓugu oŋg ləa gə́ nuŋga kəd-kəd lé tɔ. Yeḛ ula pər mee ɓee gə́ Sio̰’g Aree roo gin ɓee lé dula-dula.

Ejekel 22:31

Yen ŋga n’a kɔm boo-oŋg lə neḛ dɔ dee’g ləm, n’a roo dee dula-dula gə pər oŋg lə neḛ ləma, n’a kar ta néra deeje tel wa dɔ dee ləm tɔ. Mbaidɔmbaije gə́ Njesigənea̰ ɓa pa bèe.

Ejekel 28:24

Bèe ɓa yeḛ a to kun gə́ njekɔs gɔl loo el ləm, a to ŋgar mba tuga ne gel-bɔje lə Israɛl gogo el ŋga ləm tɔ mbuna deḛ lai gə́ gugu dəa sub gə́ d’ə̰jee bəḭ-bəḭ lé. Ndá d’a gər to gə́ neḛ n’to Mbaidɔmbaije gə́ Njesigənea̰ ya.

Ejekel 28:26

D’a si keneŋ gə meekulɔm ləm, d’a ra kəije ləma, d’a ndɔ nduúje ləm tɔ, d’a si keneŋ gə meelɔm loo gə́ n’a gaŋg rəw-taje lə neḛ dɔ dəwje lai gə́ gugu dɔ deḛ gə́ d’ə̰ji dee bəḭ-bəḭ lé. Ndá d’a gər to gə́ neḛ n’to Njesigənea̰, Ala lə dee ya.

Ejekel 29:16

Ɓeeko̰ neelé a to nékunda-mee-yel lə gel-bɔje lə Israɛl el ŋga, yee a kar meḛ dee olé dɔ néra kori-korije’g lə dee loo gə́ deḛ tel kəm dee gə́ rɔ Ejiptəje’g. Bèe ɓa d’a gər to gə́ neḛ n’to Mbaidɔmbaije gə́ Njesigənea̰ ya.

Ejekel 29:6

Yen ɓa dəwje gə́ Ejiptə lai d’a gər ne to gə́ neḛ n’to Njesigənea̰. Mbata deḛ to kaar kó-ab gəd rɔ lə gel-bɔje lə Israɛl.

Ejekel 29:9

Ɓee gə́ Ejiptə a tel to dɔdilaloo gə́ wa ŋgɔ njag-njag ndá d’a gər to gə́ neḛ n’to Njesigənea̰ ya. Mbata yeḛ pana: Baa-boo lé to ka̰ neḛ, neḛ ɓa gə́ njerea.

Ejekel 30:14

N’a kar Patros tel to dɔ nduba ləm, n’a kila pər dɔ Soa̰’g ləma, n’a gaŋgta dɔ No’g ləm tɔ.

Ejekel 30:16

N’a kila pər dɔ ɓee gə́ Ejiptə’g, néɓəŋgərəti a ra njé gə́ Sḭ ləm, kəm ndògo-bɔrɔ gə́ ta̰ lé a kar No to raga ndəgəsə ləma, tɔɓəi njéba̰je lə Nop lé d’a dum dəa dan kàrá ləm tɔ.

Ejekel 39:6

N’a kula pər mee ɓee gə́ Magɔg’d ləm, gə mbuna deḛ gə́ d’isi gə́ majee dɔgoré-looje’g ləm tɔ, bèe ɓa deḛ d’a gər ne to gə́ neḛ n’to Njesigənea̰.

Amɔs 1:10

N’a kula gə pər dɔ ndògo-bɔrɔ gə́ Tir Karee roo kəi-mbaije dula-dula ya.

Amɔs 1:12

N’a kula gə pər dɔ Temanje’g Karee roo kəi-mbaije gə́ Bosra dula-dula ya.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Amɔs 1:4

N’a kula gə pər karee oso dɔ kəi’g lə Ajael Karee roo kəi-mbaije lə Ben-Adad dula-dula ya tɔ.

Amɔs 1:7

N’a kula gə pər dɔ ndògo-bɔrɔ gə́ Gaja Karee roo kəi-mbaije lé dula-dula.

Amɔs 2:2

N’a kula gə pər mee ɓee gə́ Moab Karee roo kəi-mbaije gə́ to Kerijot, Moabje lé d’a kwəi loo gə́ d’a kaw dɔ na̰’d pum-pum ləm, Gə dan lul’g lə njérɔje ləma, Gə dan ndu to̰to̰je gə́ ɓar lé ləm tɔ.

Amɔs 2:5

N’a kula gə pər mee ɓee gə́ Juda’g Karee roo kəi-mbaije gə́ Jerusalem dula-dula ya.

Tel tura Godndu 32:22

Mbata pər oŋg ləm mbudu o̰ ndá A ko̰ saar teḛ rudu loo-si njé gə́ d’wəi’g A roo naŋg nee gə kandə néje gə́ d’uba keneŋ ləm, A kaw saar teḛ gel mbalje’g naŋg ləm tɔ.