Ejekel 30:5 - Maktub gə́ To gə Kəmee

⁵ Etiopije gə Putje gə Ludje gə Arabi bura gə Kubje gə njéɓeeje gə́ manrɔ dee d’ar na̰ lé d’a kwəi yoo-kiambas sə dee na̰’d.

Ejekel 30:5 ပူးပေါင်းရင်းမြစ်များ

2 Sôrta Gḭka Israɛlje 12:3

Yeḛ aw gə pusu-rɔje tɔl-dɔg-dəa-tɔl-joo (120) ləm, gə njérɔ gə kundaje tɔl-dɔg-loo-rɔ-misa̰ (160) ləm tɔ, ndá yeḛ ḭ ne Ejiptə gə koso-dəwje gə́ dum tura gə́ to Libije ləm, gə Sukije ləma, gə Etiopije ləm tɔ.

Esai 18:1

Ǝi dɔ naŋg, i gə́ kaa bagije ɓar Dɔ baaje gə́ Etiopi lé!

Esai 20:4

Togə́bè ɓa mbai gə́ Asiri a kwa basaje gə ɓugaje gə́ Ejiptə kaw sə dee ɓee-ɓər’g, kubu a godo rɔ dee’g ləm, gɔl dee a to kari ba ləma, d’a kaw kudu dee dum ləm tɔ gə mba kila ne rɔkul dɔ Ejiptə’g ya.

Jeremi 25:20

M’ar Arabi bura ləm, gə mbaije lai gə́ ɓee gə́ Uts ləma, gə mbaije lə Pilistije lai gə́ d’isi Askalo̰ gə Gaja gə Ekro̰ gə ges loo gə́ Asdod gə́ nai ləm tɔ lé d’ai.

Jeremi 25:24

M’ar mbaije lai gə́ Arabi ləm, gə mbaije lə Arabə lai gə́ d’isi dɔdilaloo’g ləm tɔ lé d’ai.

Jeremi 44:27

Aa ooje, m’a kunda kəm goo dee’g mba ra sə dee majel ɓó maji ɓa el. Dəwje lai gə́ Juda gə́ d’isi mee ɓee gə́ Ejiptə lé kiambas, gə ɓoo-boo a tuji dee saar kar gin dee un ɗiao.

Jeremi 46:9

Seḭ kundaje, ar sí j’awje! Seḭ pusu-rɔje, ar sí j’ɔsje rɔ sí ɓad! Seḭ njésiŋgamoŋje, Maji kar sí teḛje gə́ raga Deḛ gə́ Etiopi gə Put Gə́ gər loo kwa dər maji lé ləm, Gə deḛ gə́ Lud Gə́ gər goso rɔ gə ɓandaŋg maji ləm tɔ!

Jeremi 50:37

Ɔrje kiambas wɔji ne Kundaje lə dee gə pusu-rɔje lə dee! Wɔjije ne dəwje gə́ gə gel dee gel dee Gə́ d’isi mbuna dee’g! Maji kar dee tel to d’asəna gə denéje! Ɔrje kiambas wɔjije ne nébaoje lə dee! Maji kar dee d’odo dee mbad-mbad Gə́ nébanrɔ ya!

Ejekel 27:10

Persəje gə Ludje gə Putje Tel to mbuna njérɔje’g ləi, Deḛ to bao-rɔje ya. Deḛ naa̰ dərje lə dee Gə dɔgugu-rɔje lə dee mee ɓee’g ləi D’ar rii ɓar ne.

Ejekel 38:5

Njérɔje gə́ Persə, gə Etiopi, gə Put lé deḛ lai gə́ d’wa dərje ji dee’g ji dee’g ləm, gə d’ula dɔgugu-rɔ dɔ dee’g ləm tɔ lé sə dee na̰’d.

Loo gə́ killa rea kəm Daniel’g 11:43

Yeḛ a taa nébaoje gə́ ra gə larlɔr gə larnda ləm, gə néje lai gə́ gad dee to yaa̰ gə́ to ɓee gə́ Ejiptə ləm tɔ kar dee to kea̰-yeḛ. Libije gə Etiopije d’a ndɔm na̰ gée’g tɔ.

Soponi 2:12

Seḭ Etiopije kara N’a kar sí wəije yoo-kiambas tɔ.